1 Bita 1:8 - Mɨkan wu Fi

⁸ Nɨ kɔŋ ayi ɛ, lebuŋ nɨ bvurɨ tɨ zɛn ayi ɛ. Nɨ nɨŋ mɨntəm ɨmən wə ɨnye, lebuŋ nɨ se ayi tɨtsɔŋnɨ a ndzě ghe. Ma lan, á nɨ tsi nɨ nɨdorɨ nə wi nə nɨfáŋ na ntsu chinɨ keʼ soŋ,

1 Bita 1:8 Referans Kwoze

Yoane 20:29

Yeso a sóŋ wəmbo ngə́, “O nɨŋ ntəm ɨgho ɨwu lá mbɨ́ʼ ngə́ o zɛn aghan le? Ɨfɔgə wu wi tsi a mbó ɨbɛn ba bɨ nɨŋnɨ mɨntəm ɨma ɨwu tə́ ndzě aghə!”

2 Korɨnto 5:7

mbɨ́ʼ ngə́, abeməntəm nɨ anu za a ghɨnə bɨgɨnə tsi atú ntən, keʼ be be za bɨgɨnə zɛ́nə́ ghe.

Roma 15:13

A Ŋwi, zɨ wa a ghánə́ ntsiŋə nɨ ntəm ɨtsum, a lwɨgɨ awən nɨ nɨdorɨ abɔʼnɨ mbɔnɨ, ntsa a ndzum abeməntəm azən a nye zɨ taŋ á ntsiŋə ɨzən nɨ mɨntəm ɨmən mɨtsum ngěn nɨ mbyi nkwiə a tsǎ a ndzum mɨtən mɨ Azhwi zə Fɛmnɨ ə.

Ɛbal 11:1

A nchyɛ́ nɨ abeməntəm, a nɨ nji ɨ shiʼnɨ ngə́ ɨnu tsa bɨgɨnə tsenə nɨ ntəm tsum tsɨ tsi ɨwu, ɨ keʼ nkə́ mə́ŋnə́ ngə́ tsa o so ndzě tsɨ tsi ɨwu ə.

Yoane 16:22

Nə nɨ adzaŋ za a benɨ a mbó bɨŋ ə: tɨtsɔŋnɨ nɨ dzə́ŋnə́ ghe, lá ma mɨ bə nkwiʼ zɛn awən, mɨntəm ɨmɨŋ mɨ lon nɨ nɨdorɨ, nɨdorɨ mənen mɨ be abə́ŋ za be ŋwɔn a keʼ a mbó bən kwarə.

2 Korɨnto 4:18

Mbɨ́ʼ ngə́ ka bɨgɨnə ntɛgə awɨgɨnə ɨtú ɨtsɨgɨnə be a nye ɨdzúm tsa ɨmɨgɨ zɛ́nə́, lá ntɛ́gɨ́ ɨtú be a nye tsa ɨmɨgɨ sě ndzě; mbɨ́ʼ ngə́ ɨdzúm tsa bɨ zɛ́nə́ chyɛ̌ tsɛʼ a nye məkum a nkfu, lá tsa ka bɨ ndzě ayi, tsɨ nɨ tsə nɨnkoŋ ə.

1 Bita 1:6

Tɨtsɔŋnɨ, nɨ baʼtɨ ntsi nɨ adzə́ŋnɨ ɨ tsinɨ a nye məkum a nkfu mbɨ́ʼ mbúŋ ɨzhwəŋtɨ ɨtsum tsa bɨ zhwə́ŋtɨ́nə́ awən nɨ tsɛrə lá, nɨ tsi nɨ ndorə mbɨ́ʼ a məziŋ ə.

Ɛbal 11:27

A ndzum abeməntəm, Mǒse a nyɛ́ʼtɨ́ Alaʼ Gyibto nkeʼ mbɔ́gə́ a mɨlwintɔŋ ɨfɔ alaʼ məza; mbɨ́ʼ ngə́ wɛrə a chígɨ́ ntəm tsɛʼ tso ngə́ wɛrə a kə́ ndzě a Ŋwi, zɨ wa bɨ se nɨ ɨmɨgɨ a ndzě lá.

1 Bita 2:7

Ɨlɨŋ ngɔʼ məziŋ ghaʼ be tɨ́sə́n a mbó bən ba nɨ nɨŋnɨ mɨntəm ɨmən a nye Kristo; lá a mbó ba bɨ se nɨŋ mɨntəm ɨma a nye Kristo, ɨ be lá tso: “Ngɔʼ za ngaŋ ngvwu ndá nyɛ́ʼnɨ́ ngə́ ɨ nɨ azúm adaŋədaŋə, ɨ tíʼ mbəŋ mbe ngɔʼ nɨbú nɨ ndá ə.”

Filibi 4:4

Nkfu tsum, á nɨ nchyɛ̌ nɨ nɨdorɨ a nye adzaŋ za nɨ tsinɨ a mbúm bɨŋ bɨ Maʼmbyí ɛ. Ma kwiʼə sóŋə́ ngə́: dórɨ́kɨ́nə!

1 Bita 5:4

A nkfu za atú a ngaŋ ntsiŋ mɨnyam a ghɨnɨ fú a ɨshe, nɨ ghɨ kwárɨ́ ɨsáʼfɔ zɨ nɨfáŋ za ka ɨ shwetə ayi lá.

Ɛfɛso 6:24

A abɔŋəntəm a Ŋwi a tsi a mbó ba bɨ kɔŋnɨ a Maʼmbyí Yeso Kristo ɨwɨgɨnə nɨ akɔŋnɨ za a láʼ keʼ miə.

Filibi 1:25

Ma zhi a məzen tsɛʼ ɨ shiʼnɨ, ma lan, ma zhi ngə́ ma mɨ chyɛ. Ma mɨ ghɛn nɨ mbyi ɨ tsinə bɨgɨnə bɨtsum, taŋ á abeməntəm za nɨ tsinɨ nɨ zɛrə a nkwi ɨ kwinɨ, á nɨdorɨ ɨnɨŋ nkə́ nghaʼ ɨ ghaʼnɨ mbɨ́ʼ abeməntəm azɨŋ ə.

Roma 14:17

Mbɨ́ʼ ngə́ nɨfɔ nɨ Ŋwi se be lá anu mbɨ́ʼ mɨdzɨ kə mɨluʼ ə. Nɨ be lá anu mbɨ́ʼ nchinə, mbɔnɨ abɔʼnɨ nɨdorɨ na Azhwi zə Fɛmnɨ a ghánə́ ghe.

Yoane 14:24

Ŋwɔn tsum wa ka a kɔŋ ayi aghan, ka a ndzúʼnə́ ayi ɨnu tsa ma diʼnə ghe. Ɨnu tsa nɨ zuʼnɨ ma diʼ ka ɨ be ayi ɨtsə, tsɨ lo lá a mbó Tarɨ, zɨ wa a tságɨ́nɨ́ aghə.

Yoane 8:42

Yeso a sóŋ a mbó bo ngə́, “A be be ngə́ Ŋwi a lanɨ mbe Ta ɨwən, muŋ nɨ kɔŋ aghan, mbɨ́ʼ ngə́ ma ló a mbó Ŋwi, tɨtsɔŋnɨ ma tsi ɨghə. Ma sá yen lá nɨ mɨtən ɨmə, lá wɛrə a tságɨ́ aghə.

Filibi 3:3

A nɨ bɨgɨnə, nkeʼ bo be ba bɨ kwarɨnə ngótɨ́ ntsəŋ alagɨ, mbɨ́ʼ ngə́ bɨgɨnə ghúʼsə́ a Ŋwi ntsǎ lá a ndzum Azhwi azhi nkə́ ndórɨ́kə́ a mu ntsi mbyi ɨzɨgɨnə a mbúm bɨgɨnə bɨ Kristo Yeso ghe. Ka bɨgɨnə nɨŋ awɨgɨnə mɨntəm ɨmɨgɨnə a nye ɨnu tsa bɨgɨnə ghɨnə a nye mbəmnye ɨtsɨgɨnə ghe.

Galesha 5:22

Lá Azhwi a Ŋwi a jwiə akɔŋnɨ, nɨdorɨ, mbɔnɨ, nchigə, nchyɛ nɨ ntəm ngɨ ɨbɔŋ, ɨbɔŋ, ɨfaʼə nɨ táʼ ntəm,

Galesha 5:6

Mbɨ́ʼ ngə́, mbáʼ bɨgɨ tsinɨ a mbúm bɨgɨ bɨ Kristo Yeso lá, ka líʼ a tsi ayi ɨwu mbáʼ be o tsəŋ alagɨ azo kə o koʼ tsəŋə; anu za a tsinɨ nɨ ɨlɨŋ a nɨ ngə́ á nɨ ndǐʼ abeməntəm azən ntsa a ndzum nkɔŋ ŋwɔn nɨ ŋwɔn ə.

2 Korɨnto 12:4

Ɨwu a zúʼ ɨnu tsa ntsu chinɨ keʼ soŋə, ɨnu tsa ŋwɔn mɨsɔŋ a ntsu a se tsi nɨ ngamə mbɨ́ʼ a tsɛrə ghe.

2 Korɨnto 9:15

A bɨgɨnə gha a mɨya a mbó Ŋwi mbɨ́ʼ azúm zə ghanɨ azhi məzen za ntsu chi keʼ soŋ lá!

2 Korɨnto 1:22

Ŋwi a nɨŋnə alyigɨ a nye bɨgɨnə a ndiʼə ngə́ bɨgɨnə tiʼ ɨbyi, nkɨ nɨŋ a Azhwi zə Fɛmnɨ a mu mɨntəm ɨmɨgɨnə tso mɨntɨ ma a bɛʼnɨ a ndiʼə ngə́ bɨgɨnə ghɨ kwárɨ́ atsum za zɨə lɛnɨ a mbó bɨgɨnə ghe.

Ɨfaʼ 16:34

A tíʼ ndɔgɨ a Baolo bo Sailasɨ nkɔʼ ngɛn nɨbo a ndá zɨ, ntiʼ nga mɨdzɨ bo dzɨə. Nɨdorɨ lón a ntəm zɨ abɔʼnɨ ŋwɔn tsum wa a tsínɨ́ a ndá zɨ, mbɨ́ʼ ngə́ tɨtsɔŋnɨ bo nɨ́ŋnə mɨntəm ɨma a nye Ŋwi ə.

Yoane 14:21

Ŋwɔn tsum wa a kwarɨnɨ ntɨgə ɨtsan, nkə́ ndzúʼnə́ a tsɛrə, a nɨ ŋwɔn wa a kɔŋnɨ aghə. Ta ɨghan a mɨ kɔŋ a ŋwɔn tsum wa a kɔŋnɨ aghə; ma mɨ kɨ tiʼ kɔŋ ayi, ɨ kyɛʼ atuəmbəm azan wəmbo ə.”

Yoane 14:15

Yeso a kwíʼtɨ́ ngə́, “Be nɨ kɔŋ aghan, muŋ nɨ mɨ len ntɨgə ɨtsə.

Matyo 10:37

Ɨbɛn ba bɨ kɔŋnɨ a ta ɨwa kə a nɨmi ɨwa ntsa aghan, bɨ se kuʼnɨ a mbe bɨyɛʼ ɨbə; ɨbɛn ba bɨ kɔŋnɨ a mɔn ɨwa wu mbáŋnɨ́ kə a wu mangye ntsa aghan, bɨ se kuʼnɨ a mbe bɨyɛʼ ɨbə.

1 Korɨnto 16:22

Ŋwɔn tsum wa a se a Maʼmbyí kɔŋ — á bɨ lɔʼ ayi ɛ! Maʼmbyí ɨwɨgɨ, yiŋə!

Ɛfɛso 3:19

Nɨ chi ghɨ zhi akɔŋnɨ azhi ɨ tiʼ kɨ be tso Ŋwi a nye mɨndóm mɨtsum — le buŋ bɨ chi láʼ keʼ zhi a zɛrə ɨ ghɛn mɛtə.