1 Bita 1:7 - Mɨkan wu Fi

⁷ Njwəŋtə məzen tsi lá a ndiʼə ngə́ abeməntəm azən a nɨ ngótɨ́ zɛrə ghe. Tsɛʼ ŋwaʼŋwaʼ mbáʼ a nɨ azúm za bɨ chinɨ tsənkɨ, bɨ zhwə́ŋtə́ a wɛrə nɨ ɨmugɨ; ma lan, abeməntəm azən mbáʼ a nɨ azúm za a bɔŋnɨ ntsa a ŋwaʼŋwaʼ, bɨ tsi nɨ ɨ kɨ zagɨ zhwəŋtɨ a zɛrə, taŋ á chi diʼ ngə́ a nɨ ngótɨ́ abeməntəm ə. Nɨ ghɨ tíʼ kwarɨ mbontə, nɨfáŋ abɔʼnɨ nkɔʼsə atɨ́ a Njwi wa bɨ ghɨnɨ kyɛʼ a Yeso Kristo ghe.

1 Bita 1:7 Referans Kwoze

Jemsɨ 1:12

Nɨdorɨ tsi a mbó ba bɨ chigɨnɨ ntəm a nkfu za bɨ zhwəŋtɨnɨ awa, mbɨ́ʼ ngə́ be bo tsa abə́ŋ a njwəŋtə məza muŋ bo mɨ kwarɨ mɨkyaŋnɨ ma mɨ lá ntsi mbyi za Ŋwi a kaʼnɨ a mbó ba bɨ kɔŋnɨ ayi ɛ.

1 Bita 4:12

O bɨson ɨban, á keʼ awən kɨʼnɨ adzaŋ za nɨ zɛ́nɨ́ ngɨ́ʼ a mbó adzaŋ a njwəŋtə zə ndzáŋə́ zen za nɨ zúʼnə́, tsɛʼ tso ngə́ anu zə tse za a tsanɨ mbó a fúə a nye bɨŋ ə.

Roma 2:7

Ɨbɛn ba bɨ sě nkə̌ a ngɨ ɨnu tsɨ shiʼnɨ, ɨ faʼə ndǒ nɨghaʼ, nkɔʼsə atɨ́ abɔʼnɨ ntsi ntən za bo láʼnɨ́ keʼ kfo; Ŋwi a ghɨ gha ntsi ntən nɨnkoŋ a mbó bo ghe.

1 Korɨnto 3:13

bɨ ghɨ zɛ́n adzaŋ afaʼ za o faʼnɨ; mbɨ́ʼ ngə́ Njwi Nɨsáʼ ghɨ kyɛʼ a zɛrə ghe. A Njwi məwa ɨmugɨ ghɨ kyɛʼ afaʼ a ŋwɔn tsum; ɨmugɨ wa ghɨ zhwiʼtɨ a zɛrə a njí ngótɨ́ mbě ɨzhi ɛ.

Judɨ 1:24

A mbó Ŋwi, zɨ wa a chinɨ kɨnkɨ awən á nɨ keʼ vwo a mu ɨbvu, ɨ kɨ yen nɨ bən tɨ afənu a mu nɨdorɨ a ɨshi nɨfáŋ ɨni —

2 Bita 1:4

A nye ndóm məwen, wɛrə a ghanə a mbó bɨgɨnə ɨdzúm tsə ghanɨ tsə wi nkɨ mbe tsa tsɨ bɔŋnɨ tsɛʼ nkan tsa wɛrə a káʼnɨ́ awɨgɨnə nɨ tsɛrə lá, taŋ a ntsǎ a ndzum ɨdzúm tsə ghanɨ mətsen, nɨ chi lɛʼ ntɛgɨ ntəm a nye ɨdzúm atuəshe za ɨ tsənkɨnɨ ɨbɛn, ɨ tiʼ kɨ tsi nɨ mbě za a nɨ zɨ Ŋwi lá.

1 Bita 2:4

A nɨ yen a mbó Maʼmbyí, zɨ wa nɨ ngɔʼ za ɨ ghánɨ́ ntsi ntən za ɨbɛn nyɛʼnɨ ngə́ ɨ nɨ azúm adaŋədaŋə, lá Ŋwi a tsɔʼ a zɛrə tso azúm za a tsinɨ nɨ ɨlɨŋ ə.

Matyo 25:21

Tafaʼ ɨyi a sóŋ wəmbo ngə́, ‹O ghɨ ɨ shiʼnɨ a ŋwɔn afaʼ ɨghan wa a nɨ wu shiʼnɨ nkə́ faʼə nɨ táʼ ntəm a mbó me! O kɨ tiʼtɨ a mɨnya nɨ táʼ ntəm ə, ma mɨ gha a zə ghaʼtɨnɨ a mbó gho, o tiʼə ndə́ŋtə́ ghe. Kon a mu nɨdorɨ nɨ tafaʼ ɨgho ntiʼə ntuʼə bɨŋ zɨə!›

Nkyɛʼə 3:10

Mbáʼ nɨ lɛnə nɨgham ɨnan na nɨ lɔnə ngə́ á nɨ tsi nɨ nchigə, ma mɨ kɨ baʼtɨ awən a mbó nkfu ngɨ́ʼ zen za ɨ yenə atuəshe a njwə́ŋtɨ́ ɨbɛn bɨ atuəshe bɨtsum lá.

Nkyɛʼə 2:10

A nɨ keʼ mbɔ́gɨ́ ngɨ́ʼ tse za nɨ mɨ ze. Zhwiʼtɨnə! Dəbɨrɨ a mɨ zhwəŋtɨ abeməntəm azən a ntsǎ ndzum ntsagɨ bən bə tse atsáŋ, ngɨ́ʼ ɨzɨŋ mɨ tiʼ tsi atú njwi tsi nɨghúm ə. A nkə faʼə tsɛʼ faʼnɨ a mbó me nɨ táʼ ntəm mbáʼ be a kwɛ ndiʼ be nɨvwo, ma mɨ gha ntsi ntən nɨnkoŋ a mbó bən tso ɨsáʼfɔ ayanguʼ azɨŋ ə.

Nkyɛʼə 1:7

Ze azo, wɛrə a yiŋə atú mbaʼ ə! Ŋwɔn tsum a mɨ zɛn ayi, ɨ kwiʼtɨ ɨbɛn ba bɨ sɔ́btɨ́nɨ́ ayi lá. Ɨbɛn bɨtsum atuəshe mɨ zɛʼ ayi ɛ. Nə nɨ adzaŋ za a ghɨnɨ be! A be lá.

1 Korɨnto 4:5

Ma lan, nɨ keʼ chɛrɨ ɨsáʼ tsɛrə bɔŋ nkfu za ɨ kuʼnɨnɨ ɨ yiŋə. Ɨsáʼ tsi nɨ ɨ zagɨ zhwiʼtɨ ɨ kɔʼ kuʼ nkfu za Maʼmbyí a ghɨnɨ yiŋə. A mɨ lɔgɨ ɨnu ndzumnɨ tsə nkubə ɨ yen nɨ tsɛrə a mu nkaʼ ə, ɨ kɨ kyɛʼ ɨkyaŋtɨ tsə lwɛʼnɨ tsa tsɨ tsinɨ a mu mɨntəm mɨ ɨbɛn ə. Ŋwi a mɨ tiʼ bontɨ a ŋwɔn tsum ɨ mɔ́ʼɔ́ mɔ́ʼɔ́ tsɛʼ adzaŋ za a kuʼnɨnɨ wəmbo ə.

Ɨfaʼ 8:20

Lá Bita a chwɨ́gɨ́ wəmbo ngə́, “Mbɨ́ʼ ngə́ o kwaʼtɨ ngə́ o chi zuŋ azúm zə ghanɨ zə Ŋwi nɨ nkáb, á bɨŋ nkáb ɨzo ghɛn a mu ɨmugɨ nɨnkoŋ ə!

Yoane 12:26

Ŋwɔn tsum wa a faʼnə a mbó me a tsi nɨ ɨ zagɨ zɔŋ aghan, taŋ á ŋwɔn afaʼ ɨghan a tsi bɨgɨ zɨ adiʼ wa ma tsinɨ ɨwu ə. Ta ɨghan a mɨ kɔʼsɨ a ŋwɔn tsum wa a faʼnə a mbó me atɨ́ ə.”

Yoane 5:44

Nɨ kɔŋ mbontɨ ɨtumbəm ɨtsən nɨ bən nɨ bɨŋ ə, lá nɨ se kɔŋ ngɨə ngə́ á ŋwɔn wa a nunɨ zɨzɨ, mbe Ŋwi a bontɨ awɨŋ ə; nɨ chi tiʼ nɨŋ mɨntəm ɨmən a nye me lá ɨ nə́ le?

Alukasɨ 12:33

Fenɨ ɨdzúm ɨtsɨŋ ɨtsum nga nkáb a mbó ngaŋ afúm ə. Nɨ lo ɨbɔ bɨ aban bə nɨŋ nkáb bɨ tə́ ndvúŋə́, ɨ nɨŋ afuʼ azən ɨwu ndɛn a fɔməbvurə, adiʼ wa bɨ chinɨ keʼ shwɛʼtɨ mbɨ́ʼ ngə́ ka ndzɛrə a ngěn nkuʼə ayi ɨwu, ndzɛm chi keʼ kɨ ntsənkə.

Matyo 25:23

Tafaʼ ɨyi a sóŋ wəmbo ngə́, ‹O ghɨ ɨ shiʼnɨ a ŋwɔn afaʼ ɨghan wa a nɨ wu shiʼnɨ nkə́ faʼə nɨ táʼ ntəm a mbó me! O kɨ tiʼtɨ a mɨnya ɨ shiʼnɨ, ma mɨ gha a zə ghaʼtɨnɨ a mbó gho, o tiʼə ndə́ŋtə́ ghe. Kon a mu nɨdorɨ nɨ tafaʼ ɨgho ntiʼə ntuʼə bɨŋ zɨə!›

Matyo 19:28

Yeso a sóŋ a mbó bo ngə́, “Tsɛʼ a nkənu, ma sóŋə́ awɨŋ ə, a mu mbyi zɨ fi za, mbáʼ Mɔn Ŋwɔn a ghɨnɨ shíʼtɨ́ tsí atú abərɨ a nɨfáŋ azhi lá, bən ba nɨghúm ntsɔb bá ba nɨ zɔ́ŋnɨ́ aghan lá, nɨ ghɨ kɨ shiʼtɨ tsi atú ɨbərɨ nɨghúm tsɔb bá, ɨ saʼnɨ ɨtsé tsə wi tsɨ bə Izrai tsa nɨghúm tsɔb bá ghe.

Nkyɛʼə 3:18

Ma tiʼə ntɨ́gɨ́tə́ awən ngə́ á nɨ zon a ŋwaʼŋwaʼ wa a lonɨ a mbó me, ŋwaʼŋwaʼ wa ɨmugɨ ɨ ghɨnɨ a fɛm, taŋ ɨ be ngaŋ afuʼ zə wi ə. Nɨ kɨ ndzuŋ ɨtsɛʼ tsɨ fú ngwəgɨ a ɨnye bən, ntiʼ mbɔmtɨ ntyigɨnɨ adɨrətú ɨzɨŋ ə. Nɨ kɨ ndzuŋ mɨvwurɨ mə tse a nɨ́ŋə́ a ɨmɨgɨ bən, taŋ ɨ chi zɛn ɨdiʼ ə.

2 Bita 1:1

Aŋwaʼnɨ zen a lo a mbó me Samɔn Bita, me wa ma nɨ ngaŋ afaʼ nkɨ mbe ntom Yeso zɨ Yeso Kristo — Ngěn a mbó ɨbɛn ba bɨ ghanə abeməntəm za a tsinɨ nɨ ɨlɨŋ tso azɨgɨ a mbó bo, ntsa a ndzum adzaŋ za Ŋwi ɨwɨgɨnə abɔʼnɨ Ndoŋ ɨwɨgɨnə Yeso Kristo chinɨnɨ:

1 Bita 2:7

Ɨlɨŋ ngɔʼ məziŋ ghaʼ be tɨ́sə́n a mbó bən ba nɨ nɨŋnɨ mɨntəm ɨmən a nye Kristo; lá a mbó ba bɨ se nɨŋ mɨntəm ɨma a nye Kristo, ɨ be lá tso: “Ngɔʼ za ngaŋ ngvwu ndá nyɛ́ʼnɨ́ ngə́ ɨ nɨ azúm adaŋədaŋə, ɨ tíʼ mbəŋ mbe ngɔʼ nɨbú nɨ ndá ə.”

1 Bita 1:5

A tsi lá a mbó bən ba a ntsǎ a ndzum abeməntəm, mɨtən mɨ Ŋwi kɨnkə awən ɨ kɔʼ kuʼ njwi za nɨ ghɨnɨ tsi nɨ ɨloŋ, ɨloŋ wa ɨ tsenə ngə́ á bɨ ghɨ nkyɛʼ a nye ntsɨrɨndzum nkfu lá.

Roma 2:29

Mbe ngótɨ́ ŋwɔn bə Yuda tsi lá a mu ntəm ə, ngótɨ́ ntsəŋ alagɨ a be anu za a fúnə́ be a mu ntəm ə, məzen a be lá afaʼ Azhwi a Ŋwi, nkeʼ afaʼ a Nyɔngɔŋ wu ŋwaʼnɨnɨ be. Ŋwɔn tso məwa a kwárə́ abontɨ azhi be a mbó Ŋwi, nkeʼ a mbó ɨbɛn be.

Alukasɨ 17:30

Nə nɨ adzaŋ za a ghɨnɨ bé a njwi wa bɨ ghɨnɨ kyɛʼ a Mɔn Ŋwɔn ə.

Roma 2:10

Lá wɛrə a mɨ gha nɨghaʼ, nkɔʼsə atɨ́ abɔʼnɨ mbɔnɨ a mbó ɨbɛn bɨtsum ba bɨ ghɨnɨ ɨnu tsɨ shiʼnɨ, ɨ biʼnɨ a nye bə Yuda bɔŋ tiʼ kon a nye ba a se bə Yuda be ə.

Roma 8:19

Atsum za Ŋwi a káʼnɨ́ a zhwíʼtə́ nɨ ntəm ɨyi ɨtsum ngə́ á Ŋwi a kyɛʼ ɨbɔ ɨbyi a mbó bo ghe.

1 Bita 1:13

Ma lan, á nɨ kyaŋtɨ ɨnye ɨtsən a ngɨ anu ə. A nɨ lə ɨtú ɨtsən, nkɨ nden ntsiŋə nɨ ntəm tsum ɨzən tsɛʼ a nye abɔŋəntəm za bɨ ghɨnɨ gha a mbó bən a nkfu za bɨ ghɨnɨ kyɛʼ a Yeso Kristo lá.

1 Bita 4:13

A nɨ báŋnə́ ndórə́ be ngə́ nɨ kə́ ndzě ngɨ́ʼ za Kristo a zɛ́nɨ́, taŋ á nɨ chi lon nɨ nɨdorɨ a nkfu za Ŋwi a kyɛʼnɨ nɨfáŋ ɨni ɛ.

1 Bita 5:1

Me wa ma nɨ atú a ndáŋwi me mboŋ, ma bǔʼ mbó a mbó ɨtú ndáŋwi a tɨtərɨ bɨŋ ə. Ma nɨ atɛmə-ndzě a nye ngɨ́ʼ za Kristo a zɛ́nɨ́, ma ghɨ kɨ́ tsi a mu nɨfáŋ na bɨ ghɨnɨ kyɛʼ lá. Ma bǔʼ mbó a mbó bən ngə́

2 Bita 3:14

Ma lan, nə bɨson ɨban, mbáʼ nɨ tsenɨ Njwi za lá, á nɨ ghɨ atsum a ndə́, ɨ kɨ tsi tɨ ɨfərɨ a ɨshi ɨmɨgɨ Ŋwi, ɨ kɨ tsi a mu mbɔnɨ bɨŋ bɨ wɛrə ghe.