1 Bita 1:5 - Mɨkan wu Fi

⁵ A tsi lá a mbó bən ba a ntsǎ a ndzum abeməntəm, mɨtən mɨ Ŋwi kɨnkə awən ɨ kɔʼ kuʼ njwi za nɨ ghɨnɨ tsi nɨ ɨloŋ, ɨloŋ wa ɨ tsenə ngə́ á bɨ ghɨ nkyɛʼ a nye ntsɨrɨndzum nkfu lá.

1 Bita 1:5 Referans Kwoze

Filibi 1:6

Ma lan, ma zhi ɨ shiʼnɨ ngə́ Ŋwi, zɨ wa a bíʼnɨ́nɨ́ afaʼ zə shiʼnɨ zen a mu ɨnye bən, a mɨ ghěn nɨ mbyi nɨ zɛrə ɨ kɔʼ kuʼ mbáʼ a mɨ lwitɨ a Njwi za Kristo Yeso lo bə yiŋə.

Ɛfɛso 2:8

Mbɨ́ʼ ngə́ a ndzum abeməntəm azən, a loŋ awən ntsa a ndzum abɔŋəntəm azhi; nkeʼ be be a ngɨ bɨŋ ə, a nɨ be azúm zə ghanɨ za Ŋwi a ghanɨ adaŋədaŋə ghe.

1 Bita 1:13

Ma lan, á nɨ kyaŋtɨ ɨnye ɨtsən a ngɨ anu ə. A nɨ lə ɨtú ɨtsən, nkɨ nden ntsiŋə nɨ ntəm tsum ɨzən tsɛʼ a nye abɔŋəntəm za bɨ ghɨnɨ gha a mbó bən a nkfu za bɨ ghɨnɨ kyɛʼ a Yeso Kristo lá.

Judɨ 1:1

Aŋwaʼnɨ zen a lo a mbó me Judɨ, ngaŋ afaʼ Yeso Kristo, wa a kɨnɨ nkɨ mbe mɨma Jemsɨ ə. A ghěn a mbó ba Ŋwi a tsɔʼnə awa, bo ba bɨ tsínə́ a mu akɔŋnɨ a Ŋwingɔŋ Tarɨ, bɨ kə ndě awa a mbó Yeso Kristo:

Ɛbal 9:28

ndəŋndəŋ Kristo, zɨ wa Ŋwi a nyɛ́ʼtɨ́nɨ́ táʼ nkfu tso mɨtsuʼnɨ mɨ atú a sugɨ mɨbvu mɨ ɨbɛn bə ghaʼnɨ, a ghɨ yen a nye nkfu tsa tsɨ kuʼnɨ ɨdiʼ tsi bá be a ndoŋ ɨbɛn ba bɨ tsenə ayi nɨ mɨntəm ɨma mɨtsum, nkeʼ bə mbvurɨ mbe be a sugɨ ɨbɛn a mbó mɨbvu ɨma ghe.

2 Timotyo 3:15

nkɨ nji ngə́ nchwuʼnɨ mbáʼ o bénɨ́ wu mbɔrɨ, o zhinə ɨnu tsa bɨ ŋwaʼnɨnɨ a mu Aŋwaʼnɨ a Ŋwi zə Fɛmnɨ, zɛrə za a chinɨ gha a zóŋ wa a tsagɨnɨnə agho a mu ɨloŋ a ntsǎ a ndzum abeməntəm azo a nye Kristo Yeso lá.

Galesha 2:20

taŋ á tiʼ mbe ngə́ ka bə mbvurɨ mbe ayi me wa ma tsinɨ ntən, lá a nɨ zɨ Kristo mbáʼ a tsinɨ ntən a mu ɨnye me ghe. Ntsi ntən za ma tsinɨ ɨwu tɨtsɔŋnɨ, ma chyɛ̌ ntsǎ lá a ndzum abeməntəm za ma tsinɨ nɨ zɛrə a nye Mɔn Ŋwi, zɨ wa a kɔ́ŋnɨ́ aghan nga ntsi ntən ɨzhi tso mɨtsuʼnɨ mɨ atú mbɨ́ʼ aghan lá.

Yoane 17:15

Ma sa sóŋə́ lá ngə́ o fɨgɨ awa a mu mbyi ɛ; ma sóŋə́ lá ngə́ o yemnkɨ awa, á bo keʼ kon a mu mbó Wu Ntɔmnɨnɨ wa.

Tɨ́tósɨ 2:13

mbáʼ bɨgɨnə tsenɨ Njwi zɨ fɔgɨnɨ za, za bɨgɨnə tsenə nɨ mɨntəm ɨmɨgɨnə mɨtsum, Njwi za mbáʼ nɨfáŋ nɨ Ŋwi ɨwɨgɨnə wu ngwi abɔʼnɨ Ndoŋ ɨwɨgɨnə Yeso Kristo ghɨnɨ fú a ɨshe ə.

Ɛfɛso 3:17

Ma kə́ ntsáʼtə́ a Ŋwi ngə́ á Kristo a vwu njwuʼ ɨzhi a mu mɨntəm ɨmən ntsa a ndzum abeməntəm ə. Ma tsaʼtə a Ŋwi ngə́ á nɨ twəŋ mɨngaŋ ɨmən á mɨ shwi, ntən a mu akɔŋnɨ,

Roma 11:20

Tsɛʼ a nkənu ə. Bɨ ló nchwántɨ́ mbó ma lá mbɨ́ʼ ngə́ bo sé nɨŋ mɨntəm ɨma a nye Ŋwi ə, lá o chwuʼnɨ ntən ɨ shiʼnɨ lá mbɨ́ʼ ngə́ o nɨŋ ntəm ɨgho a nye Ŋwi ə. Koʼ ntiʼə ŋǔʼ ɨnye, baŋnɨ ntsi be nɨ abɔgɨtɨ ə.

Yoane 12:48

Ŋwɔn tsum wa a tonɨ ayi aghan, nkeʼ nkən ɨghan kwarɨ, a tsi nɨ ŋwɔn wa mbáʼ a ghɨnɨ sáʼ ayi ɛ. Mɨgham ma ma ghamnə ghɨ sáʼ ayi a ntsɨrɨndzum njwi ɛ!

Yoane 5:24

Tsɛʼ a nkənu, tsɛʼ a nkənu, ma soŋ a mbó bɨŋ ə, ŋwɔn wa a zúʼnə́ nɨgham ɨnan, ntiʼ nkɨ nɨŋ ntəm ɨyi a nye zɨ wa a tságɨ́nɨ́ aghan a tsi nɨ ntsi ntən nɨnkoŋ ə; bɨ mɨ keʼ ayi bə sáʼə; a binə ntsa a ntsu nɨvwo, nkon a mu ntsi ntɨŋ ə.

Judɨ 1:24

A mbó Ŋwi, zɨ wa a chinɨ kɨnkɨ awən á nɨ keʼ vwo a mu ɨbvu, ɨ kɨ yen nɨ bən tɨ afənu a mu nɨdorɨ a ɨshi nɨfáŋ ɨni —

1 Yoane 3:2

O bɨson ɨban, tɨtsɔŋnɨ bɨgɨnə nɨ ɨbɔ bɨ Ŋwi ə, lá azúm za bɨgɨnə lonɨ be zɛrə, a bvurɨ tɨ lə̌. Lá bɨgɨnə zhi ngə́ a nkfu za Kristo a funɨ a ɨshe, bɨgɨnə mɨ be tso zɨ, mbɨ́ʼ ngə́ bɨgɨnə ghɨ zɛ́n ayi tsɛʼ adzaŋ za a lanɨ mbe.

Ɛbal 6:12

Ka bɨgɨ ndǒ awɨgɨ ngə́ á nɨ bəŋ ɨnarɨ ə. Lá bɨgɨ lǒ ngə́ á nɨ be tso ɨbɛn ba bɨ nɨŋnɨ mɨntəm ɨma a nye Kristo nkɨ ntsi nɨ nchigə, ma lan, məzen a ghɨ á nɨ kwarɨ a za Ŋwi a káʼnɨ́ lá.

2 Korɨnto 1:24

Ka bɨgɨ sóŋə́ awən lá nɨ adzaŋ za nɨ tsinɨ nɨ ɨ nɨŋ mɨntəm ɨmən a nye Ŋwi ə; lá bɨgɨnə faʼə abó mɔ́ʼɔ́ taŋ á nɨ chi tsi nɨ nɨdorɨ, ɨ kɨ tɛm ɨ tɨŋənə a mu abeməntəm azɨŋ ə.

Yoane 4:14

lá ŋwɔn tsum wa a mɨ no nkyi wa ma mɨ gha, a láʼ keʼ nji nkyi bə ndzáŋə́. Nkyi wa ma mɨ gha a mbó bo mɨ tiʼ bəŋ ɨ be tso náŋə́bə́rə a mu ɨnye bo wa ɨ mɨ gha nkyi wa ɨ ghánɨ́ ntsi ntən abɔʼnɨ ntsi ntən nɨnkoŋ a mbó bo ghe.”

Roma 8:18

Ma zhi ɨ shiʼnɨ ngə́ ngɨ́ʼ za bɨgɨnə zɛ́nə́ tɨtsɔŋnɨ bɨ chi keʼ fɨʼnɨ a zɛrə bo nɨfáŋ na Ŋwi a ghɨnɨ kyɛʼ a mbó bɨgɨnə ghe.

1 Korɨnto 1:21

Mbɨ́ʼ ngə́ Ŋwi a tsá a ndzum zóŋ ɨyi ngɨ ngə́ á tən be tɨ́sə́n a mbó ɨbɛn a nji zɨ ɨ tsa be a ndzum zóŋ ɨwa ghe. Ŋwi a báŋnɨ́ nɨ́ŋ a mu ntəm zɨ ngə́ zɨə mɨ loŋ ɨbɛn ba bɨ nɨŋnɨ mɨntəm ɨma a ɨnye zɨ ntsa be a ndzum nkən wen wa bɨgɨ sóŋnə́, wa bə tse sě nɨ anu zə tse a ntɔ́ŋə́ lá.

Filibi 4:7

Mbɔnɨ Ŋwi, zɛrə za ɨ tsanɨ anu atsum za be ŋwɔn mɨsɔŋ a ntsu a zuʼ nkɨ nji, mɨ len mɨntəm ɨmən abɔʼnɨ ɨtú ɨtsən á tsɨ tsi a mbúm bo bɨ Kristo Yeso ghe.

1 Bita 4:13

A nɨ báŋnə́ ndórə́ be ngə́ nɨ kə́ ndzě ngɨ́ʼ za Kristo a zɛ́nɨ́, taŋ á nɨ chi lon nɨ nɨdorɨ a nkfu za Ŋwi a kyɛʼnɨ nɨfáŋ ɨni ɛ.

1 Bita 5:1

Me wa ma nɨ atú a ndáŋwi me mboŋ, ma bǔʼ mbó a mbó ɨtú ndáŋwi a tɨtərɨ bɨŋ ə. Ma nɨ atɛmə-ndzě a nye ngɨ́ʼ za Kristo a zɛ́nɨ́, ma ghɨ kɨ́ tsi a mu nɨfáŋ na bɨ ghɨnɨ kyɛʼ lá. Ma bǔʼ mbó a mbó bən ngə́

2 Bita 1:3

Mɨtən mɨ Ŋwi mə fɔməbvurə ghanə atsum za bɨgɨnə lɔnə a nchyɛ́ tso ɨbɛn ba bɨ zhinɨ a Ŋwi ntsa a ndzum nji zɨ wa a tsɔ́ʼnɨ́ awɨgɨnə ngə́ á bɨgɨnə kɨ ntsi a mu nɨfáŋ ɨni abɔʼnɨ ɨbɔŋ ɨyi lá.