1 Bita 1:4 - Mɨkan wu Fi

⁴ ma lan, bɨgɨnə ghɨ tsí nɨ afuʼ zə wi za Ŋwi a lɛnə a mbó ɨbɛn ɨbyi lá. Wɛrə a len afuʼ zə wi məzen lá a mbó bən a fɔməbvurə, afuʼ za a chinɨ keʼ bye, kə á bɨ tsənkɨ a zɛrə, kə ɨ shwetɨ lá.

1 Bita 1:4 Referans Kwoze

Nkyɛʼə 21:27

Lá ka azúm zə tse za a se fɛm a ghɨ kón a mu ntáʼmbagə wu wi wa, kə ŋwɔn tse wa a ghɨnɨ ɨnu adɨrətú, kə ŋwɔn tse wa a chwɛ́nɨ́ ɨnu ə. Ɨbɛn ba bɨ ghɨnɨ kón a mu ntáʼmbagə wu wi wa nɨ tsɛʼ ba bɨ ŋwaʼnɨnɨ mɨkum ɨma a mu aŋwaʼnɨ a Mɔn Mbyindzɨ za a tsinɨ nɨ mɨkum mɨ ɨbɛn ba bɨ ghɨnɨ tsí nɨnkoŋ lá.

Ɛbal 9:15

Nə nɨ anu za a ghɨnɨ wɛrə a be nkyaŋtɨ akan zə fi, taŋ á ɨbɛn ba Ŋwi a tsɔʼnɨ awa tiʼ ntsi nɨ ɨfɔgə wu nɨnkoŋ wa Ŋwi a káʼnɨ́ awa nɨ wɛrə lá. A chi fu adzaŋ məwen lá mbɨ́ʼ ngə́ nɨvwo nə tse funə mbáʼ nɨ lá ndzuŋ atú a ɨbɛn a mbó mɨbvu ɨma ma mɨ tsinɨ a mu akan zə lvuŋ za lá.

1 Bita 5:4

A nkfu za atú a ngaŋ ntsiŋ mɨnyam a ghɨnɨ fú a ɨshe, nɨ ghɨ kwárɨ́ ɨsáʼfɔ zɨ nɨfáŋ za ka ɨ shwetə ayi lá.

2 Timotyo 4:8

Azúm za a zhwíʼtɨ́nə́ aghan tɨtsɔŋnɨ a nɨ ndɔ́ŋ ayanguʼ mbɨ́ʼ ngə́ ma tsinə ntsi mbyi za ɨ chinɨnɨ a ɨshi ɨmɨgɨ Ŋwi, zɛrə za Maʼmbyí, zɨ wa a nɨ Tabyɛn, a ghɨnɨ gha a mbó me a Njwi wa. Wɛrə a mɨ keʼ tsɛʼ a mbó me gha, lá ɨ kɨ gha a mbó ŋwɔn tsum wa a tsenə a wɛrə nɨ akɔŋnɨ ngə́ á wɛrə a ghɨ fú a ɨshe lá.

Kolose 1:5

A nkfu za nkən wu nkənu wa, Nkən wu Shiʼnɨ wa bɨ fómnɨ́ sóŋ a mbó bən, nɨ zúʼ mbɨ́ʼ ntsiŋə nɨ ntəm tsum za ɨ ghánə́ ghe. Ma lan, abeməntəm azən abɔʼnɨ akɔŋnɨ azən a tɛm lá atú anu za nɨ tsenə nɨ mɨntəm ɨmən mɨtsum, mbáʼ Ŋwi a lɛnɨ ɨ shiʼnɨ a mbó bən a fɔməbvurə lá.

Matyo 25:34

Adiʼ məwa, Ɨfɔ a mɨ tiʼ soŋ a mbó ba a bagɨ abó zɨ zə maʼə ngə́, ‹Yenə, bən wa Ta ɨghan a fɔgɨnɨ awɨŋ ə! Nɨ yen ndzɨ nɨfɔ na bɨ kyáŋtɨ́nɨ́ a mbó bən ɨ lɔgɨnɨ mbáʼ bɨ káʼnɨ́ atuəshe ə.

Ɛfɛso 1:18

Ndǒ ngə́ á mɨntəm ɨmɨŋ ŋaʼnɨ, á nɨ ze nkaʼ ɨyi, taŋ á nɨ zhi ɨnu tsa ntsiŋə nɨ ntəm tsum ɨzən ɨ tsinɨ mbɨ́ʼ a tsɛrə mbáʼ wɛrə a tɔŋnɨ awən lá, ɨ kɨ zhi afuʼ zə wi za Ŋwi a kaʼnɨ ɨbɛn ɨbyi nɨ zɛrə ghe.

Ɛfɛso 1:14

Azhwi zə Fɛmnɨ məzen a tiʼ ntsi lá tso mɨntɨ ma bɨ bɛʼnɨ mɨ diʼnə ngə́ bɨgɨnə ghɨ tsí nɨ za Ŋwi a káʼnɨ́ awɨgɨnə nɨ zɛrə, ɨ kɔʼ kuʼ njwi za bɨgɨnə ghɨnɨ tsí nɨ zɛrə ghe. A bɨgɨnə bontɨ a Ŋwi ə!

Ɛfɛso 1:11

Bɨ ghɨ̌ ɨnu ɨtsum ndzɔŋə lá akyaŋtɨ a Ŋwi abɔʼnɨ ntɛgɨnɨ ɨzhi; Ŋwi a zárɨ́ awɨgɨnə ngə́ á bɨgɨnə be ɨbɛn ɨbyi mbɨ́ʼ ngə́ bɨgɨnə tsi a mbúm bɨgɨnə bɨ Yeso Kristo, nkɨ ndzɔŋ mbe mbɨ́ʼ a za wɛrə a kɨ́nə́ ndǒ, ntsa a ndzum za wɛrə a lɛ́nɨ́ a ɨshe, nchwuʼnɨ a mbiʼnɨ mbyi ɛ.

Roma 8:17

Mbáʼ bɨgɨnə nɨ ɨbɔ ɨbyi lá, bɨgɨnə mɨ tsi nɨ ɨfɔgə wa a lɛnə a mbó ɨbɛn ɨbyi ɛ. Bɨgɨnə mɨ kɨ tsi nɨ azúm za Ŋwi a lɛnɨ a mbó Kristo; mbɨ́ʼ ngə́ be bɨgɨnə ze ngɨ́ʼ bɨgɨnə bɨ Kristo, bɨgɨnə ghɨ kɨ tsi a mu nɨfáŋ ɨni ɛ.

Ɨfaʼ 26:18

O mɨ ŋaʼ ɨmɨgɨ ɨma, ɨ kɨ fɨgɨ awa a mu ndzumnɨ ɨ tsagɨ a mu nkaʼ, ɨ fɨgɨ awa a mu mɨtən mɨ Satan ɨ tsagɨ a mu nɨfɔ nɨ Ŋwi, taŋ a ntsǎ a ndzum abeməntəm aza za bo tsinɨ nɨ zɛrə a nye me, bɨ mɨ lɨgɨnɨ mɨbvu ɨma, ɨ tiʼ tsi nɨ adiʼ za bo tsinɨ nɨ nchyɛ nɨ zɛrə a tɨtərɨ ɨbɛn ba Ŋwi a tsɔʼnə ghe.›

Ɨfaʼ 20:32

Tɨtsɔŋnɨ ma nɨŋ awən a mu mbó Ŋwi, nkə́ sóŋə́ a mbó bən ngə́ á nɨ waʼtɨ nkən mbɨ́ʼ abɔŋəntəm a Ŋwi za bɨgɨnə tsinɨ wə shwúrɨ́, nkən wa ɨ chinɨ ghɨ á nɨ kwi ɨ kɨ gha awən nɨ ɨfɔgə wa Ŋwi a tsinɨ nɨ wɛrə a mbó ɨbɛn ɨbyi bɨtsum lá.

Jemsɨ 1:11

A nkfu za nɨnyom a saʼnɨ nɨ ndomə ɨzhi za ɨ kɨ́nə́ tso ɨmugɨ, a mɨ tɔn ngyɛn; á baŋbaŋ ɨyi a tsɔʼnɨ ngvo a tɨshe, ɨ tsənkɨ nɨbɔŋ ɨni ɛ. Ndəŋndəŋ, bɨ ghɨ tsənkɨ ngaŋ afuʼ zə wi mbáʼ bo númnə́ ngɨ̌ mɨnu ɨma ma bo ghɨnə nɨ njwi nɨ njwi lá.

Kolose 1:12

Ɨ kə́ ghanə a mɨya a mbó Tarɨ, zɨ wa a ghɨnə nɨ chi tiʼ tsi nɨ azɨŋ azúm a mu ɨdzúm tsa Ŋwi a lɛnɨ a mbó ɨbɛn ɨbyi a mu nɨfɔ nɨ nkaʼ ə.

Galesha 3:18

Mbɨ́ʼ ngə́ be a be ngə́ azúm zə ghanɨ zə Ŋwi a zɛ́ʼtə́ ayi lá a nye Nyɔngɔŋ Mǒse, lá be ngə́ ka a bə ndzɛʼtɨ ayi a nye akaʼ azhi za. Lá Ŋwi a ghá azúm zə ghanɨ azhi a mbó Abraʼm lá mbɨ́ʼ akaʼ azhi za.

1 Korɨnto 9:25

Ŋwɔn nɨkɨə tsum a tɛ́gɨ́ atú azhi tsɛʼ ɨ shiʼnɨ a nye mɨndóm mɨtsum tsɛʼ taŋ ɨ kwarɨ mɨkyaŋnɨ ma mɨ mɨ keʼ ghɔŋ nɨnkoŋ ə; lá bɨgɨnə ghɨə mə lan lá a nkwárɨ́ mɨkyaŋnɨ ma mɨ mɨ ghɔŋ nɨnkoŋ ə.

1 Bita 3:9

A nɨ keʼ ntfútɨ́ mbɔʼ anu zə tɔmnɨnɨ nɨ anu zə tɔmnɨnɨ, kə ndɔʼə nɨ ndɔʼə ghe. A nɨ mbáŋnə́ ntfútə́ nɨ ɨfɔgə, mbɨ́ʼ ngə́ ɨfɔgə nɨ azúm za Ŋwi a káʼnɨ́ awən nɨ zɛrə a nkfu wa wɛrə a tsɔ́ʼnɨ́ awən lá.

Marɨkusɨ 10:17

Yeso a ghɨnə nkwiʼ mbə fu a ndómnji ntiʼə ngěn ayi, ŋwɔn tsɛrə a kɨə ngyen nkwem mɨkwiʼtɨ ɨmyi wə ɨshi, mbitɨ ayi ngə́, “Ndiʼ aŋwaʼnɨ wu shiʼnɨ, ma mɨ zagɨ ghɨ lá ɨ nə́ taŋ ɨ tsi nɨ ntsi ntən nɨnkoŋ za le?”

Kolose 3:24

Zhinə ngə́ Maʼmbyí a ghɨ gha akyaŋə a mbó bən za wɛrə a káʼnɨ́ a mbó ɨbɛn ɨbyi lá. Mbɨ́ʼ ngə́ a nɨ Kristo, zɨ wa nɨ ngótɨ́ tafaʼ wa nɨ faʼnə wəmbo ə.

Ɛbal 10:34

Mbɨ́ʼ ngə́ nɨ kə́ nkǒ a mɨlɨŋnɨ ngaŋ atsáŋ, nɨ chígɨ́ ntəm nɨ nɨdorɨ bɨ zenɨ ɨdzúm ɨtsən mbɨ́ʼ ngə́ nɨ zhí ngə́ nɨ tsí nɨ azúm za a tsánɨ́ a mətsiŋ ɨdzúm za a láʼ ghɔŋ nɨnkoŋ ə.