1 Bita 1:3 - Mɨkan wu Fi

³ A bɨgɨnə gha a mɨya a mbó Ŋwi, zɨ wa nɨ Ta bɨ Maʼmbyí ɨwɨgɨnə Yeso Kristo lá! Mbɨ́ʼ a mɨlɨŋnɨ ɨyi wu ngwi wɛrə a ghá ntsi ntən zɨ fi a mbó bɨgɨnə a ntsǎ a ndzum adzaŋ za wɛrə a zhwémnɨ́nɨ́ a Yeso Kristo a mbó nɨvwo lá. Məzen a lwɨgɨ awɨgɨnə nɨ ntsiŋə nɨ ntəm tsum za ɨ tsinɨ atú ntən,

1 Bita 1:3 Referans Kwoze

1 Bita 1:23

A nɨ kɔŋ a ŋwɔn nɨ ŋwɔn mbɨ́ʼ ngə́ a ntsǎ a ndzum nɨgham nɨ Ŋwi na nɨ ghánɨ́ ntsi ntən nkə́ nghɔ́ŋə́ nɨnkoŋ lá, bɨ bənə nkwiʼ njwi awən tso ɨbɔ bɨ tarɨ wa ka a nkfǒ ayi, nkeʼ ɨbɔ bɨ tarɨ wa a kfónə́ be.

1 Yoane 5:4

Ka tsɨ tən awa be tɨ́sə́n mbɨ́ʼ ngə́ mɔn Ŋwi tsum a chi tokɨ ɨ gháʼ ɨnu atuəshe ə. Bɨgɨnə kə́ nchyɛ̌ nɨ ayanguʼ atú atuəshe ntsǎ lá ndzum abeməntəm azɨgɨnə ghe.

Roma 15:13

A Ŋwi, zɨ wa a ghánə́ ntsiŋə nɨ ntəm ɨtsum, a lwɨgɨ awən nɨ nɨdorɨ abɔʼnɨ mbɔnɨ, ntsa a ndzum abeməntəm azən a nye zɨ taŋ á ntsiŋə ɨzən nɨ mɨntəm ɨmən mɨtsum ngěn nɨ mbyi nkwiə a tsǎ a ndzum mɨtən mɨ Azhwi zə Fɛmnɨ ə.

Ɛfɛso 1:7

A ntsǎ a ndzum alɛm a Kristo za bɨ chwírɨ́nɨ́ atɨ abaŋnɨ-baŋnɨ, bɨ zón atú azɨgɨnə, lá be ngə́, bɨ lɨgɨnɨ ɨfənu ɨtsɨgɨnə, ndzɔŋə a ndzum abɔŋəntəm azhi za a kwə́ŋnɨ́nə́,

2 Korɨnto 1:3

A bɨgɨnə bontɨ a Ŋwi Ta bɨ Maʼmbyí Yeso Kristo ɨwɨgɨnə, Tarɨ wa a lonɨ nɨ mɨlɨŋnɨ nkɨ mbe Ŋwi wa alɛtɨ atsum a lonə wəmbo,

1 Yoane 3:3

Ŋwɔn tsum ɨ mɔ́ʼɔ́ mɔ́ʼɔ́ wa a tsinɨ nɨ ntsiŋə nɨ ntəm tsum məzen a nye Kristo, a lěn atuəmbəm azhi a lán, tso mbáʼ Kristo a kɨnɨ nkɨ ndán lá.

Roma 12:12

A ntsiŋə ɨzən nɨ ntəm ɨwɨŋ ɨtsum gha nɨdorɨ a mbó bɨŋ ə, á nɨ tsi nɨ nchigə a mu ngɨ́ʼ, nkə́ ntsáʼtə́ a Ŋwi tsɛʼ nkfu tsum ə.

1 Yoane 2:29

Nɨ zhi ngə́ Kristo a chinə; nɨ tsi nɨ ɨ tiʼ zhi ngə́ ŋwɔn tsum wa a ghɨnɨ a za a kuʼnɨnɨ a nɨ mɔn Ŋwi ə.

Ɛfɛso 1:3

A bɨgɨnə gha a mɨya a mbó Ŋwi, zɨ wa a kɨnɨ nkɨ mbe Ta bɨ Maʼmbyí ɨwɨgɨnə Yeso Kristo lá. Ŋwi a fɔ́gə́ awɨgɨnə nɨ abə́ŋ a ɨfɔgə azhwi atsum za a lonɨ a fɔməbvurə ntsǎ a ndzum Yeso Kristo,

Ɛfɛso 3:20

A mbó Ŋwi, zɨ wa a faʼnə nɨ mɨtən ma mɨ faʼnə a mu ɨnye bɨgɨnə, a chi faʼ nɨ mɛrə ɨ ghɨ a za a tsanɨ a za bɨgɨnə chinɨ bitɨ kə ɨ kwaʼtɨ,

Ɛfɛso 1:17

ngə́ Ŋwi wu Maʼmbyí Yeso Kristo ɨwɨgɨnə, Ta bɨ nɨfáŋ, a chi gha Azhwi a zóŋ a mbó bən ɨ kɨ ghɨ á nɨ zhi a Ŋwi ɨ shiʼnɨ ə.

1 Bita 3:21

mbáʼ a bénɨ́ lá alɨgɨ za a kɨ́nə́ ndǐʼ nkwarɨ nkyi za ɨ loŋnə awən tɨtsɔŋnɨ ə. Ka ɨ be ayi lá ɨsɨŋ za bɨ sugɨnə a nye mbəmnye, lá ɨ be lá akaʼ za bɨ ghɨnɨ a mbó Ŋwi ndo a mu ntəm wu shiʼnɨ ə. Ɨ loŋə awən ntsǎ lá a ndzum nzhwemnə za Yeso Kristo a zhwémnɨ́nɨ́ a mbó nɨvwo

1 Timotyo 1:14

Maʼmbyí ɨwɨgɨnə a ghá abɔŋəntəm azhi za a kɨ́nə́ nkwə́ŋnə́ a mbó me, nkɨ nga abeməntəm abɔʼnɨ akɔŋnɨ, ɨnu tsa bɨgɨnə tsínə́ nɨ tsɛrə a nkfu za bɨgɨnə tsinɨ a mbúm bɨgɨnə bɨ Kristo Yeso lá.

Ɛfɛso 2:4

Lá, Ŋwi, zɨ wa a lonɨ nɨ mɨlɨŋnɨ, mbɨ́ʼ ngə́ wɛrə a kɔŋ awɨgɨnə be tɨ́sə́n,

Jemsɨ 1:18

A ntsǎ a ndzum adzaŋ za wɛrə a kɨ́nə́ ndǒ, wɛrə a káʼ awɨgɨnə ntsa a ndzum nɨgham nɨ nkənu, taŋ á bɨgɨnə be ntsambyi nɨfuʼ na bɨ ghanɨ a mbó wɛrə tso akáŋ a Ŋwi ə.

Tɨ́tósɨ 2:13

mbáʼ bɨgɨnə tsenɨ Njwi zɨ fɔgɨnɨ za, za bɨgɨnə tsenə nɨ mɨntəm ɨmɨgɨnə mɨtsum, Njwi za mbáʼ nɨfáŋ nɨ Ŋwi ɨwɨgɨnə wu ngwi abɔʼnɨ Ndoŋ ɨwɨgɨnə Yeso Kristo ghɨnɨ fú a ɨshe ə.

1 Korɨnto 15:20

Lá nkənu za ɨ tsinɨ ɨwu ɨ nɨ ngə́ Ŋwi a zhwémnɨ́ a Kristo a mbó nɨvwo tso mɨntɨ mə bɛʼnɨ ngə́ zɨə ghɨ kɨ zhwémnɨ́ ɨbɛn ba bɨ kfonɨ a mbó nɨvwo ə.

1 Korɨnto 13:13

Adzaŋ za a benɨ lá, tsenə tsi tárə́ tsi ɨwu ə: abeməntəm, ntsiŋə nɨ ntəm ɨtsum abɔʼnɨ akɔŋnɨ ə; lá za a kɔʼnɨ nɔŋ atú tsɛrə ɨtsum a nɨ akɔŋnɨ ə.

1 Yoane 3:9

Ka ŋwɔn tse wa a nɨ mɔn Ŋwi a ngěn ayi nɨ mbyi a ngɨ ɨbvu, mbɨ́ʼ ngə́ ngótɨ́ mbě Ŋwi ɨ tsi a mu ɨnye zɨ; mbɨ́ʼ ngə́ Ŋwi a nɨ Ta ɨyi, a chi keʼ ngěn nɨ mbyi a ngɨ ɨbvu ə.

1 Bita 2:2

A nɨ be tso ɨbɔ bə bɔrɨ, ndzǎŋ nji nɨbə́n nɨ azhwi na nɨ lánɨ́ nkfu tsum, taŋ a ntsǎ a ndzum adzaŋ za nɨ nyɔ́ŋnə́ a nɛrə nɨ mɨ kwi á bɨ loŋ awɨŋ ə.

Ɛbal 3:6

Lá Kristo a faʼə nɨ táʼ ntəm a mbó ɨbɛn bɨ Ŋwi bɨtsum tso mɔn mbáŋnɨ́ ə. Bɨgɨnə nɨ ɨbɛn bɨ Ŋwi mbáʼ be bɨgɨnə ngěn nɨ mbyi nɨ nkotɨ mbáŋnɨ́ abɔʼnɨ nchyɛ̌ tɨ nɨbɔgɨ a nye ntsiŋə nɨ ntəm tsum za bɨgɨnə tsinɨ nɨ zɛrə lá.

1 Tesalonaika 1:3

Bɨgɨ wáʼtə́ a ɨshi Ŋwi ɨwɨgɨnə, zɨ wa nɨ Tarɨ, adzaŋ za abeməntəm azən a ghɨnə nɨ faʼnə, adzaŋ za akɔŋnɨ azən a ghɨ́nɨ́ nɨ faʼnə nɨ adaʼ azɨŋ atsum, abɔʼnɨ adzaŋ za ntsiŋə nɨ ntəm tsum ɨzɨŋ ɨ tɛmnɨ ntɨŋə ngə́ twə́ŋ a nye Maʼmbyí ɨwɨgɨnə Yeso Kristo ghe.

Kolose 1:27

Akyaŋtɨ a Ŋwi a nɨ ngə́ á wɛrə a kyɛʼ anu a nkubə azhi a mbó ɨbɛn ɨbyi, anu a nkubə za a dɨrɨnɨ nkɨ ndon nɨ nɨfáŋ na wɛrə a lɛnɨ a mbó ɨbɛn bɨtsum lá. Anu a nkubə məzen a nɨ ngə́ Kristo a tsi a mu ɨnye bən, mbáʼ a diʼnɨ lá ngə́ nɨ ghɨ kɨ tsi nɨ nɨfáŋ nɨ Ŋwi ə.

Roma 8:24

Mbɨ́ʼ ngə́ bɨ lóŋ awɨgɨnə lá mbɨ́ʼ ntsiŋə nɨ ntəm ɨtsum ə; lá be bɨgɨnə ndzě azúm za bɨgɨnə tsenə nɨ ntəm ɨtsum, a keʼ ntsiŋə nɨ ntəm ɨtsum bə mbe. A tsi ɨwa a tɨtərɨ bɨgɨnə wa be a zɛn azúm mbɨŋə ntsiŋə a zɛrə nɨ ntəm ɨtsum le?

Roma 8:11

Be Azhwi a Ŋwi, zɨ wa a zhwémnɨ́nɨ́ a Yeso a mbó nɨvwo a tsi a mu ɨnye ɨtsən, zɨ wa a zhwémnɨ́nɨ́ a Kristo Yeso a mbó nɨvwo a mɨ gha ntsi ntən a mbó mbəmnye ɨtsən tsa tsɨ kfókɨ́nə́, ɨ tsa a ndzum Azhwi azhi za a tsinɨ a mu ɨnye ɨtsɨŋ ə.

Yoane 1:13

Bo sé bé ɨbɔ bɨ Ŋwi lá adzaŋ za ŋwɔn a bénə́ mɔn, lá be ngə́, bɨ sé jwi awa tso ɨbɔ bɨ tarɨ wu atuəshe; Ŋwi zɨmboŋ a bé Ta ɨwa ghe.

1 Yoane 5:18

Bɨgɨnə zhi ngə́ ka mɔn Ŋwi wu tse a tsi ayi ɨwu wa a ghɛnə nɨ mbyi ngɨ̌ ɨbvu, mbɨ́ʼ ngə́ Mɔn Ŋwi a lə̌tú nɨ bo, Wu Ntɔmnɨnɨ wa a chi keʼ anu a nye bo ghɨə.

1 Yoane 5:1

Ŋwɔn tsum wa a nɨŋnɨ ntəm ɨyi ɨwu ngə́ Yeso a nɨ Wa bɨ Zɔ́ʼnɨ́ wa, a nɨ mɔn Ŋwi ə; ŋwɔn tsum wa a kɔŋnɨ a tarɨ a kɨ nkɔŋ a mɔn ə.

Kolose 1:23

mbáʼ be nɨ mɨ zagɨ ɨ ghěnə nɨ mbyi a mu abeməntəm za, ɨ tɛm ɨ tɨŋə ngə́ twə́ŋ nkeʼ nchíʼnə́, ɨ keʼ kɨ nyɛʼtɨ ɨtumbəm ɨtsən á azúm zə tsɛrə a chiʼtɨ ntsiŋə nɨ ntəm tsum za nɨ kwárɨ́nɨ́ a nkfu za bɨ sóŋnɨ́ nkən wu shiʼnɨ a mbó bən lá. Me Baolo, ma bə́ŋ ngaŋ afaʼ lá a ndaʼ nkən wu shiʼnɨ məwiŋ ə. Nkən wu shiʼnɨ məwen bɨ soŋnə a wɛrə a mbó ŋwɔn tsum a mu mbyi ɛ.

Roma 5:10

Bɨgɨnə bé ngaŋ kɨban Ŋwi ə; lá bɨ ghɨ́ awɨgɨnə a nye bɨson ɨbyi ntsa a ndzum nɨvwo nɨ Mɔn ɨyi ɛ. Tɨtsɔŋnɨ wa bɨ ghɨnə awɨgɨnə a nye bɨson ɨbyi lá, bɨ mɨ loŋ awɨgɨnə ɨ ghɛn nɨ mbyi ɨ tsa a ndzum ntsi ntən Kristo ghe.

Roma 4:25

Mbɨ́ʼ mɨbvu ɨmɨgɨnə, bɨ ghá a wɛrə a mbó nɨvwo, nkɨ ntiʼ nzhwemnɨ ayi ngə́ á tsi ntən taŋ ɨ ghɨ á Ŋwi a bem ngə́ bɨgɨnə chinɨ a ɨshi ɨmɨgɨ zɨə.

1 Yoane 4:7

O bɨson ɨban, á bɨgɨnə ngěn nɨ mbyi nkɔŋnə a ŋwɔn nɨ ŋwɔn, mbɨ́ʼ ngə́ akɔŋnɨ a lǒ lá a mbó Ŋwi ə. Ŋwɔn tsum wa a kɔŋnə a ŋwɔn wu mɔʼɔ, a nɨ mɔn Ŋwi, nkɨ nji a Ŋwi ə.

1 Tesalonaika 4:13

Ɨbɔmbɨma ɨbɨgɨ, bɨgɨ lǒ ngə́ á nɨ zhi nkənu za ɨ tsinɨ ɨwu mbɨ́ʼ ɨbɛn ba bɨ kfonə, taŋ á adzə́ŋnɨ a keʼ a mu mɨntəm ɨmən tsi, tso mbáʼ ɨbɛn ba bɨ se nɨ ntsiŋə nɨ ntəm tsum tse tsi a bɨ dzə́ŋnɨ́nə́ lá.

Galesha 6:16

A mbó ɨbɛn ba bɨ zɔŋnɨ mbɔm məzen a mu ntsi mbyi ɨza, á mbɔnɨ abɔʼnɨ mɨlɨŋnɨ tsi a mbó bo ghe — a mbó bo abɔʼnɨ ɨbɛn bɨ Ŋwi bɨtsum ə!

2 Tesalonaika 2:16

A Maʼmbyí ɨwɨgɨnə, Yeso Kristo zɨmboŋ bo Ŋwingɔŋ Ta ɨwɨgɨnə, zɨ wa a kɔ́ŋnɨ́ awɨgɨnə nga awɨgɨnə nɨ nkotɨ mbáŋnɨ́ za ka ɨ nkyɛ́ntə́ ayi abɔʼnɨ ntsiŋə nɨ ntəm tsum za ka ɨ nchíʼnə́ ayi a mu abɔŋəntəm azhi,

1 Bita 1:13

Ma lan, á nɨ kyaŋtɨ ɨnye ɨtsən a ngɨ anu ə. A nɨ lə ɨtú ɨtsən, nkɨ nden ntsiŋə nɨ ntəm tsum ɨzən tsɛʼ a nye abɔŋəntəm za bɨ ghɨnɨ gha a mbó bən a nkfu za bɨ ghɨnɨ kyɛʼ a Yeso Kristo lá.

1 Bita 1:21

A ntsǎ a ndzum wɛrə, nɨ tsi nɨ abeməntəm a nye Ŋwi, zɨ wa a zhwémnɨ́nɨ́ a wɛrə a mbó nɨvwo nkɨ nga nɨfáŋ wəmbo; ma lan, abeməntəm azən abɔʼnɨ ntsiŋə nɨ ntəm tsum ɨzɨŋ tiʼ ntsi lá a nye Ŋwi ə.

1 Bita 3:5

Mbɨ́ʼ ngə́ bəngye bə kɔ́ʼɔ́nguʼ ba bɨ fɛ́mnɨ́ nkɨ nɨŋ ntsiŋə nɨ ntəm tsum ɨza a nye Ŋwi kə́ ngɨ̌ nɨbɔŋ a nye bo lá adzaŋ za bo kɨ́nə́ ndzúʼnɨ́ bɨlóm ɨba ghe.

1 Bita 3:15

Lá á nɨ nkɔ́ʼsə́ a Kristo atɨ́ a mu mɨntəm ɨmən tso Maʼmbyí ntsi mbyi ɨtsɨŋ ə. A nɨ kyaŋtɨ ɨnye ɨtsən a nchwɨ́gɨ́ ŋwɔn tsum nkfu tsum mbáʼ be a soŋ ngə́ á nɨ fɨʼtɨ ntsiŋə nɨ ntəm tsum za ɨ tsinɨ a mu ɨnye ɨtsɨŋ ə,