1 Bita 1:2 - Mɨkan wu Fi

² Bɨ tsɔ́ʼ awən ndzɔ̌ŋ adzaŋ za Ŋwi, zɨ wa nɨ Tarɨ, a kɨ́nə́ ndǒ, nkɨ ngɨ awən a nye ɨbɛn bə fɛmnɨ ntsa a ndzum Azhwi azhi, ngə́ á nɨ ndzúʼnə́ a Yeso Kristo, á alɛm azhi za bɨ chwírɨ́nɨ́ atɨ abaŋnɨ-baŋnɨ a tiʼ sugɨ awɨŋ ə. A abɔŋəntəm abɔʼnɨ mbɔnɨ tsi a mbó bən a nɨ́lónɨ́ ə.

1 Bita 1:2 Referans Kwoze

2 Tesalonaika 2:13

Ɨbɔmbɨma, bɨgɨ mɨ zagɨ ghanə a mɨya a mbó Ŋwi nkfu tsum a nkfu bən, bən ba Maʼmbyí a kɔŋnɨ lá. Mbɨ́ʼ ngə́ Ŋwi a tsɔ́ʼ awən tso bɨtsa bɨ mbyi ba bɨ lóŋnɨ́ awa ntsa lá a ndzum Azhwi zə Fɛmnɨ nkɨ ntsa a ndzum abeməntəm azən a nye nkənu taŋ ɨ ghɨ awən a nye ɨbɛn ɨbyi bə fɛmnɨ ə.

1 Bita 1:22

Tɨtsɔŋnɨ wa a ntsǎ a ndzum ndzuʼnɨ nkənu za, nɨ sugɨnɨ ɨtumbəm ɨtsən ɨ fɛm, nkɨ ntsi nɨ ngótɨ́ akɔŋnɨ a nye ɨbɛn ba bɨŋ bo nɨŋnɨ mɨntəm ɨmɨŋ bo a nye Kristo lá, á nɨ tiʼ nkɔŋ a ŋwɔn nɨ ŋwɔn nɨ mɨntəm ɨmən mɨtsum ə.

Ɛbal 12:24

Nɨ yenə nkuʼ a nye Yeso, ŋwɔn wa a tsinɨ a tɨtərɨ ɨbɛn bɨ Ŋwi nɨ akan zə fi za, a nye alɛm za bɨ myígɨ́tɨ́nɨ́, za a ghamnə nɨ abɔŋəntəm za a tsanɨ abɔŋəntəm za alɛm Abɛrɨ a ghamnə nɨ zɛrə lá.

Roma 11:2

Ka Ŋwi a tsɔʼ ayi mbó ɨmyi a nye ɨbɛn ɨbyi ɛ. Bo nɨ ɨbɛn ba wɛrə a tsɔ́ʼnɨ́ ndɔgɨnɨ a tete ghe. Nɨ se zhi anu za aŋwaʼnɨ a Ŋwi a soŋnɨ mbɨ́ʼ adzaŋ za Alaja a buʼnɨ mbó a mbó Ŋwi tsɛʼ nɨ ntəm ɨyi ɨtsum ngə́ á wɛrə a furɨ ndzum ɨzhi a nye bə Izrai lá le? Alaja a sóŋ ngə́:

2 Bita 1:2

A abɔŋəntəm abɔʼnɨ mbɔnɨ be ɨtsən a nɨ́lónɨ́ ntsa a ndzum adzaŋ za nɨ zhinɨ a Ŋwi bo Yeso Maʼmbyí ɨwɨgɨnə ghe.

Ɨfaʼ 2:23

Ndzɔ̌ŋ akyaŋtɨ za Ŋwi a kwɛ́nɨ́ ndɛ́n a ɨshe, Ŋwi a tsɔ́ʼ a mu ntəm zɨ ngə́ á bɨ ghɨ́ mbəŋ ayi nga a mbó bən; á nɨ zhwitɨ ayi ntsa a ndzum adzaŋ za nɨ nyɛ́ʼtɨ́nɨ́ mbáŋnɨ́ tsə ngɨ mɨbvu kwemtɨ ayi atɨ abaŋnɨ-baŋnɨ ə.

Roma 16:26

Lá tɨtsɔŋnɨ ɨnu tsa ntóm Ŋwi ŋwáʼnɨ́nɨ́ ghɨnə nkənu məziŋ tiʼ nɔŋ be asaŋəsaŋ; a ntsǎ a ndzum adzaŋ za Ŋwi, zɨ wa a nɨ wu ntsi ntən nɨnkoŋ a tɨgɨtɨnɨ, ɨlaʼ ɨtsum zhi nkənu məzen taŋ á ŋwɔn tsum a nɨŋ ntəm ɨyi a nye Ŋwi nkə́ ndzúʼnə́ a wɛrə ghe.

2 Timotyo 2:10

Ma lan, ma chigɨ ntəm a nye ɨnu ɨtsum mbɨ́ʼ atú a ɨbɛn bɨ Ŋwi ba wɛrə a tsɔʼnɨ, taŋ á bo chi kɨ tsi nɨ ɨloŋ wa ɨ yenə ntsǎ a ndzum Kristo Yeso, wa ɨ kɨ́nə́ nkə́ ngyíŋə́ nɨ nɨfáŋ nə nɨnkoŋ lá.

1 Korɨnto 6:11

Nə nɨ adzaŋ za bən bə mɔʼɔ benə. Lá bɨ súgɨ́ awən a mbó ɨbvu, ntiʼ ndɛn awən a mbó Ŋwi, ngɨ Ŋwi a bemtɨ ngə́ nɨ chinɨ a ɨshi ɨmɨgɨ zɨ nɨ ɨkum Maʼmbyí Yeso Kristo abɔʼnɨ Azhwi a Ŋwi ɨwɨgɨnə ghe.

Marɨkusɨ 13:27

Wɛrə a ghɨ tsagɨ bɨtsen bɨ ndá bɨ Ŋwi a nye bɨbagɨ bɨ mbyi ben bi nɨkwa ngə́ á bo ghotɨ ɨbɛn ba Ŋwi a tsɔ́ʼnɨ́, ɨ lɔgɨnɨ a nye táʼ nɨbú nɨ atuəshe ɨ ghɛn kuʼ a nye nə mɔʼɔ ghe.”

Marɨkusɨ 13:20

Maʼmbyí a bé tú ghɨ á njwi mətsa ɨ vutɨ, muŋ bɨ ghɨ keʼ loŋ a ŋwɔn mɨsɔŋ a ntsu tsɛrə ghe. Lá mbɨ́ʼ atú a ɨbɛn ɨbyi ba wɛrə a tsɔ́ʼnɨ́, wɛrə a ghɨ́ njwi mətsa vutə.

Ɛbal 10:22

A bɨgɨnə ghɛn ɨ fatɨ a Ŋwi nɨ ntəm wu nkənu, abɔʼnɨ abeməntəm za bɨgɨnə zhinɨ ngə́ a ghɨ fú a nye anu, nɨ mɨntəm ma bɨ sugɨnɨ a mbó ngvo ɨsáʼ tsum abɔʼnɨ mbəmnye tsa tsɨ fɛ́mnə́ tsɛʼ tso ngə́ bɨ sugɨ nɨ nkyi wu fɛmnɨ ə.

Roma 16:19

Ŋwɔn tsum a zuʼnə adzaŋ za nɨ zúʼnɨ́nɨ́ nkən wu shiʼnɨ tsɛʼ a nkə. Mbɨ́ʼ a məzen ma tiʼə ndórə́ mbɨ́ʼ awɨŋ ə. Ma lǒ ngə́ á nɨ be ngaŋ zóŋ mbáʼ be a be anu mbɨ́ʼ ɨnu tsɨ shiʼnɨ, lá ɨ be bɨ mbuʼ a nye ɨnu tsɨ tɔmnɨnɨ ə.

Roma 8:33

Ɨwa mɨ kaŋ ɨbɛn bɨ Ŋwi ba wɛrə a tsɔʼnɨ le? Ŋwi zɨmboŋ a soŋ ngə́ ka bo vwo a wa ɨsáʼ wu tsɛrə ghe!

Alukasɨ 18:7

Adzaŋ məwen, Ŋwi a mɨ keʼ sáʼ mbyigɨ a mbó ɨbɛn ɨbyi ba bɨ zhwɨ́gɨ́nə́ mbúgə́ akwatɨ a mbó zɨ nɨ njwi nɨ njwi le? A mɨ keʼ yaŋ ɨnye a nkwátɨ́ bo le?

Matyo 24:24

Mbɨ́ʼ ngə́ bɨ Wa Bɨ Zɔ́ʼnɨ́ bɨ ɨchwenu abɔʼnɨ ntóm Ŋwi ɨchwenu ghɨ fú a ɨshe, ɨ ghɨnɨ ɨnu tsɨ yerɨnɨ-yerɨnɨ abɔʼnɨ ɨnu tsɨ tsanɨnɨ taŋ ɨ tintɨ ɨnɔ ɨbɛn ɨ tsagɨ a mɨ́tfúŋ, mbáʼ be a chi fu, ɨ kɨ tsagɨ ɨbɛn ba Ŋwi a tsɔʼnɨ awa ghe.

Matyo 24:22

Lá Ŋwi a kwɛnə shwɛʼtɨ ndvuŋ njwi mətsa ə. Wɛrə a tú mə lá fom ghɨ muŋ bɨ ghɨ keʼ a ŋwɔn mɨsɔŋ a ntsu tse loŋə. Lá, mbɨ́ʼ atú a ɨbɛn ɨbyi ba wɛrə a tsɔʼnə, Ŋwi a mɨ shwɛʼtɨ njwi mətsa.

1 Bita 2:9

Lá nɨ nɨ ngwəgɨ ŋwɔn mɨsɔŋ za bɨ tsɔ́ʼnɨ́, bɨntumshe bə ɨfɔ, alaʼ zə fɛmnɨ, ɨbɛn bɨ Ŋwi ba bɨ tsɔʼnɨ a nchwítɨ́ nkən mbɨ́ʼ ngɨnɨ mɨnu mə shiʼnɨ be tɨ́sə́n mə Ŋwi, zɨ wa a lɔ́gɨ́nɨ́ awən a mu ndzumnɨ ɨ fu ngyen nɨ bən a mu nkaʼ ɨyi wa ɨ nɨ wu shiʼnɨ be tɨ́sə́n lá.

Ɛbal 11:28

A ndzum abeməntəm, wɛrə a bíʼnɨ́ nɨdorɨ nɨ Tsa-yɛʼnɨ nkɨ ndzɔʼtɨ alɛm nɨ mɨntsu mɨ ndá taŋ á Ntsendá Ŋwi zɨ Nɨvwo keʼ bɨtsabɨmbyi bɨ ɨbɔ mbáŋnɨ́ bə Izrai mɔmtə.

Roma 15:16

a mbé ngaŋ afaʼ Kristo Yeso za ɨ faʼnə a mbó ba a se bə Yuda be tso ntumshe a sóŋ Nkən wu Shiʼnɨ wa ɨ lonɨ a mbó Ŋwi, taŋ á ba a se bə Yuda be tiʼ mbe tso akáŋ a Ŋwi za Ŋwi a bemnə. Azhwi zə Fɛmnɨ a ghɨə akáŋ a Ŋwi məzen a fɛmə.

Roma 8:13

Mbɨ́ʼ ngə́ be nɨ nchyɛ̌ ndzɔ̌ŋ ɨdzúm tsa ɨnyam ɨnye lɔnə, nɨ mɨ kfokə; lá nɨ mɨ tsi ntən mbáʼ be nɨ lɔgɨ Azhwi njwitɨ ngɨnɨ mɨnu ɨnyam ɨnye ɨwu ə.

Roma 1:7

Ma tiʼə ŋwaʼnə a mbó bən bɨtsum alaʼ Roma ghe. Ŋwi a kɔŋ awən nkɨ ntsɔʼ awən ngə́ á nɨ be ɨbɛn ɨbyi: A Ŋwi, zɨ wa a nɨ Ta ɨwɨgɨnə abɔʼnɨ Maʼmbyí Yeso Kristo gha abɔŋəntəm abɔʼnɨ mbɔnɨ a mbó bɨŋ ə.

Roma 1:5

A ntsǎ a ndzum Yeso Kristo, Ŋwi a gha abɔŋəntəm azhi a mbó bɨgɨ nkɨ ngɨ awɨgɨ a nye ntóm Yeso taŋ mbɨ́ʼ atú a Kristo, á ɨbɛn ba bɨ se be bə Yuda nɨŋ mɨntəm ɨma a nye Kristo nkə́ ndzúʼnə́ a wɛrə ghe.

Ɨfaʼ 15:18

Nə nɨ anu za me Maʼmbyí a soŋnɨ, me wa ma ghɨ́nɨ́ bɨ zhi a məzen nchwuʼnɨ a ngúʼə ngúʼə lá.›”

Judɨ 1:2

A Ŋwi a ghɨ á mɨlɨŋnɨ, mbɔnɨ abɔʼnɨ akɔŋnɨ tsi a mbó bən a nɨ́lónɨ́ ə.

Ɛbal 5:9

A nkfu za Ŋwi a ghɨ́nɨ́ ayi a kɔʼ ntɛm ngə́ tsáŋ lá, a tíʼ mbé adiʼ za ɨloŋ nɨnkoŋ fúnə́ ɨwu a mbó ɨbɛn ba bɨ zúʼnɨ́nə́ ayi,

Kolose 3:12

Nɨ nɨ ɨbɛn bɨ Ŋwi ə; wɛrə a kɔ́ŋ awən, ntsɔʼ awən a nye ɨbɛn ɨbyi ɛ. Ma lan, nɨ tsi nɨ ɨ zagɨ ɨ diʼnə a mɨlɨŋnɨ, ngɨ ɨbɔŋ, ɨ shiʼtə nɨ ɨnye a ɨshe, ngɨ ɨnu nɨ mbɔnɨ abɔʼnɨ nchigə ghe.

2 Korɨnto 13:14

A abɔŋəntəm a Maʼmbyí Yeso Kristo abɔʼnɨ akɔŋnɨ a Ŋwi nɨ adzaŋ za nɨ tsinɨ a mbúm bɨŋ bɨ Azhwi zə Fɛmnɨ tsi a mbó bən bɨtsum ə.

2 Korɨnto 10:5

nkə́ shíʼsɨ́ ntasɨ tsum za ɨ ŋúʼnɨ́ ɨnye, za ɨ tasɨnə ngə́ á bɨ keʼ a Ŋwi zhyɛ. Bɨgɨ zumtə akwaʼtɨ atsum ngɨə ngə́ á zuʼnɨ a Kristo ghe.

Roma 11:28

Mbɨ́ʼ ngə́ bo tón awa Nkən wu Shiʼnɨ wa, bə Yuda tíʼ mbé ngaŋ kɨban Ŋwi, mbɨ́ʼ atú azɨŋ ɨbɛn ba nɨ se bə Yuda be ə. Lá mbɨ́ʼ adzaŋ za a zarɨnɨ Ŋwi, wɛre a kɔŋ bə Izrai mbɨ́ʼ akan za wɛrə a nɨ́ŋnɨ́ bo bɨ bɨta ɨba bə kɔ́ʼɔ́nguʼ ə.

Ɨfaʼ 20:32

Tɨtsɔŋnɨ ma nɨŋ awən a mu mbó Ŋwi, nkə́ sóŋə́ a mbó bən ngə́ á nɨ waʼtɨ nkən mbɨ́ʼ abɔŋəntəm a Ŋwi za bɨgɨnə tsinɨ wə shwúrɨ́, nkən wa ɨ chinɨ ghɨ á nɨ kwi ɨ kɨ gha awən nɨ ɨfɔgə wa Ŋwi a tsinɨ nɨ wɛrə a mbó ɨbɛn ɨbyi bɨtsum lá.

Tɨ́tósɨ 1:1

Aŋwaʼnɨ zen a lo a mbó me Baolo wa ma benɨ ngaŋ afaʼ Ŋwi, nkɨ mbe ntom Yeso zɨ Yeso Kristo lá. Bɨ tsɔ́ʼ aghan ntsagɨ ngə́ á ma kwatɨ ntintɨ abeməntəm a ɨbɛn bɨ Ŋwi ba bɨ tsɔ́ʼnɨ́, á ngěn nɨ mbyi, ɨ kɨ tsagɨnɨ awa á bo ghɛn nkon a mu nkənu za ndóm wa bɨgɨnə zhinɨ a Ŋwi ɨ diʼnə,

1 Korɨnto 1:30

Lá Ŋwi a chintɨ awən a mbúm bɨŋ bɨ Kristo Yeso, ntiʼ ngɨ a Yeso a nye zóŋ ɨwɨgɨnə ghe. Bɨgɨnə tiʼ nchinɨ ntsa a ndzum wɛrə; ntiʼ ɨbɛn bɨ Ŋwi bə fɛmnɨ ba mɨnkɨ mɨ abuʼ se awa bə nkorə.

Marɨkusɨ 13:22

Bɨ Wa bɨ Zɔ́ʼnɨ́ bɨ ɨchwenu abɔʼnɨ ntóm Ŋwi ɨchwenu ghɨ fú a ɨshe ə. Bo ghɨ ghɨ ɨnu tsɨ yerɨnɨ-yerɨnɨ abɔʼnɨ ɨnu tsɨ tsanɨnɨ a ntámtɨ́ ɨbɛn, ɨ ghɛn kuʼ a nye ɨbɛn ba Ŋwi a tsɔ́ʼnɨ́ mbáʼ be a chi be mə lá.

Matyo 24:31

Ntaŋ ghɨ tɔ́ŋ nɨ nji zɨ ngwi, á wɛrə tiʼ ntsagɨ bɨtsen bɨ ndá bɨ Ŋwi ɨbyi a nye bɨbagɨ bɨ mbyi ben bi nɨkwa, á bo ghotɨ ɨbɛn ɨbyi ba wɛrə a tsɔʼnə ɨ lɔgɨnɨ a nye táʼ bagɨ atuəshe ɨ ghɛn kuʼ a nye wu mɔʼɔ ghe.”

2 Yoane 1:13

Ɨbɔ bɨ mɨma ɨwən wu mangye tsagə atɔ́ŋtɨ a mbó bɨŋ ə.

2 Yoane 1:1

Aŋwaʼnɨ zen a lo a mbó Nkum — Ngěn a mbó Nɨmo wa bɨ tsɔʼnɨ nkə́ ngěn a mbó ɨbɔ ɨbyi, bo ba ma kɔŋnɨ tsɛʼ nkə. Ka a be ayi tsɛʼ me me; ɨbɛn bɨtsum ba bɨ zhinɨ nkənu bɨ kɔŋ awən,

1 Bita 1:14

A nɨ ndzúʼnə́ a Ŋwi, nkeʼ kɨ nyɛʼtɨ á ɨnu tsa nɨ kɨ́nə́ ndǒ a nkfu za nɨ bvúrɨ́nɨ́ tɨ zhi anu zə tsɛrə á tsɨ ntsɨŋnɨ ntsi mbyi ɨtsɨŋ ə.

1 Bita 1:19

lá a bé lá alɛm a Kristo, azúm atɨŋndvuŋ, zɨ wa a bénɨ́ tso mɔn mbyindzɨ wa a sé nɨ akɔkɨ anu zə tsɛrə a ɨnye zɨ tsi lá.

1 Bita 1:20

Bɨ tsɔ́ʼ a wɛrə bɔŋ á Ŋwi a kaʼ atuəshe, nkɨ nkyɛʼ ayi a nye njwi ntsɨrɨndzum tsen lá mbɨ́ʼ atú azɨŋ ə.