Yuuba 9:8 - Mandinka Bible

⁸ A doroŋ ne ye saŋo wanka duniyaa kunto, aduŋ ate le si baa baliŋolu semboo mara noo.

Yuuba 9:8 Referans Kwoze

Yesaya 44:24

Yaawe ali Kumakaalaa meŋ ye ali daa wuluuñaŋo kono ko: “Nte le mu Yaawe ti, meŋ ye feŋolu bee daa, nte dammaa le ye saŋ fatoolu waree, aduŋ nte faŋo le ye duniyaa fanundi.

Yesaya 40:22

A be siiriŋ mansasiiraŋo le kaŋ duniyaa bee santo la, aduŋ moolu ka munta a fee le ko jatatoŋolu. A ye saŋ fatoolu waree le ko ridoo, aduŋ a ka a wanka le ko tiriliisoo*, ka ke sabatidulaa ti.

Jakariya 12:1

Yaawe* la kumoo fele, a ye meŋ lankenemayandi Banisirayila la kuwo to. Yaawe meŋ ye saŋ fatoolu wanka, a ye bankoo daa, a ye niyo duŋ hadamadiŋo la, a ye ñiŋ ne fo ko:

Yuuba 37:18

I si saŋo wanka noo baŋ, ka jaa ko famfelendaŋo, ko ate ye a ke ñaameŋ?

Yeremiya 10:11

Yaawe ko: “Yeremiya, a fo ì ye ko: Wo alloolu mennu maŋ saŋo niŋ bankoo daa, ì be kasaara la le ka bo bankoo kaŋ, aniŋ ka bo saŋ fatoo koto.”

Jabuuroolu 33:6

Yaawe ye saŋ fatoolu daa a la kumoo le la, tiloo, karoo, aniŋ looloolu daata a la kumakaŋo le la.

Yohana 6:19

Biriŋ ì ye kuluŋo jaa fo kilomeetari luulu waraŋ wooro ñoŋ na, ì ye Yeesu je. A be taama la baajiyo kaŋ, a be kuluŋo waliŋ kaŋ. Bituŋ ì bee silata baake,

Yesaya 42:5

Yaawe Alla ye saŋ fatoolu daa le, a ye ì wanka, a ye bankoo daa aniŋ a konokono feŋolu bee. Ate le fanaa ye niyo ke duniyaa moolu la, aniŋ ka baluwo dii ì la fo ì si tara noo ñiŋ duniyaa kono. A ye ñiŋ ne fo a la dookuulaa ye ko:

Yuuba 38:16

I nene ka duŋ fankaasoo duuma le baŋ, a ka jiyo fintindi naŋ daameŋ, waraŋ ka taama baa teroo to?

Yuuba 38:11

Ŋa a yaamari ka loodulaa soto, a kana tambi jee la, aniŋ ŋa dandulaa ke a baliŋ sembemaalu la.

Jabuuroolu 77:19

I ye i la siloo bondi baa teema la, i ye i taamadulaa ke diinoŋñaalu teema, bari moo maŋ i siŋ noolu je noo.

1 Musa 1:1

Foloo-foloo Alla ye saŋo aniŋ bankoo daa.

Yuuba 26:7

Ate le ye saŋo wanka alihawaa kono santo, a ye bankoo feenee, a maŋ tara feŋ kaŋ.

Yuuba 26:13

Alla le ka saŋo baloo seneyandi niŋ a la foñoo la. A faŋo buloo le ye saa baa faa, a tariyaata ñaa-wo-ñaa ka kana.

Yesaya 51:13

Fo ali ñinata nte Yaawe ali Daamansoo la le baŋ? Nte le ye saŋ fatoolu waree, ŋa bankoo fondamaŋo laa. Muŋ ne ye a tinna, ali ka tara silaŋ baa kono luŋ-wo-luŋ, ali toorandilaa la kamfaa kamma, meŋ be lafiriŋ ka ali kasaara? Ali toorandilaa la kamfaa maŋ ke tuus ti.

Yeremiya 10:12

Alla le ye bankoo daa a semboo la, a ye duniyaa sotondi a la ñaameŋo la, a ye saŋ fatoolu wanka ka bo a la londoo la.

Yeremiya 51:15

Alla le ye bankoo daa a semboo la, a ye duniyaa sotondi a la ñaameŋo la, a ye saŋ fatoolu wanka ka bo a la londoo la.

1 Taarika 16:26

Kaatu moolu ye feŋolu mennu muta Alla ti, ì mu jalaŋ kenseŋolu le ti. Bari Yaawe le ye saŋ fatoolu daa.