Yuuba 9:21 - Mandinka Bible

²¹ Sootaari te n na kuwo to ñaa-wo-ñaa, bari m maŋ ñaŋ noo m faŋ to. M pasita le ka tara baluwo to.

Yuuba 9:21 Referans Kwoze

Yuuba 1:1

Kewo doo le nene ka soto Usi bankoo kaŋ, meŋ too mu Yuuba ti. Sootaari te a la kuwo to, aduŋ a tilinta. A silata Alla la, a ye a koo dii kuu jawu kewo la.

Kuma Kotoomaalu 28:26

Moo meŋ laata a faŋo la fo a tambita, mu toolewo le ti, bari moo meŋ ka kuwo samba niŋ ñaameŋo la, ka tanka le.

Yuuba 7:21

Muŋ ne ye a tinna i maŋ kafari ke n ye, i ye yamfa n na junube kuwolu la? A te mee la, m be tara la laariŋ kaburoo kono. I si n na kuu juubee, bari n te tara la keriŋ.

1 Yohana 3:20

Wo kamma la, niŋ ǹ sondomoolu ye ǹ tuumi, ǹ si a loŋ ko, Alla le warata ǹ sondomoolu ti, aduŋ ate ye kuwolu bee le loŋ.

1 Korintinkoolu 4:4

Nte maŋ feŋ loŋ, n sondomoo si n tuumi noo meŋ na, bari wo maŋ a yitandi ko, nte tilinta le. Maariyo le mu n kiitindirilaa ti.

Yuuba 6:9

Muŋ ne ye a tinna Alla maŋ n teyiŋ-teyiŋ, a ye m bula, ŋa faa?

Yuuba 9:15

M be tooñaa kaŋ ñaa-wo-ñaa, n te m faŋ kanandi noo la. Nte si meŋ ke noo, wo le mu, ŋa balafaa ñini a bulu, ate meŋ mu kiitiikuntulaa ti.

Yuuba 10:7

Ite ye a loŋ ne ko, nte maŋ boyi, aduŋ ko, moo te n tanka noo la ite bulu.

Yuuba 12:4

N keta jelefeŋo ti n teeroolu ye, Alla ye i danku nuŋ nte meŋ na kiliroo la. Nte moo tilindiŋo meŋ maŋ sootaari soto, nte le keta jelefeŋo ti teŋ.

Yuuba 13:18

Fo ali maŋ a je, m pareeta le ka n na kuwo keñaa yitandi. A koyita m ma le ko, m be boloo la le.

Yuuba 33:9

I ko, ite maŋ sootaari soto, aduŋ i maŋ junube kuu ke, i seneyaata, aduŋ i maŋ boyi kuu ke.