Yuuba 8:8 - Mandinka Bible

⁸ Ñininkaaroo ke jamaanoolu la mennu tambita, i ye a juubee, ì la moo foloolu ye muŋ ne je.

Yuuba 8:8 Referans Kwoze

Yuuba 15:18

Moo ñaamendiŋolu le ye nte karandi, aduŋ wolu ye a soto ì mumuñolu le bulu.

5 Musa 32:7

Ali i miira kunuŋ na waati jaŋ koomanto, ali i miira jamaanoolu la, mennu tambita, ali ali wuluulaalu ñininkaa, ì be a yitandi la ali la le, ali ali la alifaalu ñininkaa, ì be a fo la ali ye le.

5 Musa 4:32

Ali ñininkaaroo ke kuwolu la mennu tambita, biriŋ waatoo meŋ na Alla ye hadamadiŋolu daa duniyaa kono. Ñininkaari ke ka bo duniyaa tonkoŋ ka taa tonkoŋ, fo Alla nene ye ñiŋ kuu baa ñoŋo ke le baŋ, waraŋ fo moo nene ye a ñoŋo moyi le?

Roomankoolu 15:4

Feŋ-wo-feŋ meŋ safeeta koomanto, wo safeeta le ka ke ǹ ye yaamaroo ti, fo ǹ si jikoo soto ka bo niŋ muñoo niŋ wakiilindiroo la, Kitaabu Senuŋolu ye mennu dii ǹ na.

1 Korintinkoolu 10:11

Ñiŋ kuwolu keta itolu la le ka ke dandalaaroo ti, bari ì safeeta le ka ke ǹ ye yaamaroo ti, duniyaa labaŋo la waatoo be looriŋ mennu kaŋ.

Yesaya 38:19

Baluuriŋolu mennu be baluuriŋ, ì ka i jayi le ko ŋa a ke ñaameŋ bii, faalu ka i la tiliŋo seyinkaŋ ì diŋolu ye le.

Jabuuroolu 44:1

Kooni Alla, m̀ faŋolu tuloolu le ye a moyi, ǹ na alifaa foloolu ye a fo ǹ ye le, i ye kaawakuwolu mennu bee ke ì tiloo la, waati jaŋ koomanto.

Yuuba 15:10

Keebaa kuntiña koyoolu, mennu siyaata i faa ti, wolu le ye ntolu karandi ñaameŋo la.

Yuuba 12:12

Ì ko, ñaameŋo be keebaayaa le bulu, fahaamuroo be sii jaŋayaa bulu.

2 Taarika 10:6

Bituŋ Mansa Rehobowamu ye alifaalu la yaamaroo ñini, mennu ye dookuwo ke nuŋ a faamaa Sulemani ye a la baluwo waatoo la. A ko ì ye ko, “Ali be n yaamari la, ka ñiŋ moolu jaabi ñaadii le?”

Yuuba 20:4

Fo i maŋ ñiŋ loŋ baŋ kabiriŋ folooto, kabiriŋ hadamadiŋolu naa waatoo ñiŋ duniyaa kono jaŋ ko,

Yoweli 1:2

Alitolu alifaalu, ali i lamoyi ñiŋ na. Ali ali tuloo loo, bankoo siilaalu bee! Fo ñiŋ siifaa nene keta ali tiloo la le baŋ, waraŋ ali mumuñolu tiloo la?

Yuuba 13:1

Ŋa meŋ bee fo teŋ, m faŋo le ye a je n ñaa la. Ŋa a moyi n tuloo la, aduŋ ŋa a fahaamu le.