Yuuba 7:9 - Mandinka Bible

⁹ Ko tawaloo ka janjaŋ ñaameŋ, a ye yeemaŋ, moolu fanaalu mennu ka taa fureeduu, ì buka muru naŋ kotenke wo le ñaama.

Yuuba 7:9 Referans Kwoze

2 Samuweli 14:14

Ntolu bee ñanta faa la le. Ntolu ka munta le ko jiyo, meŋ bonta bankoo to, meŋ te kafu noo la ñoo ma kotenke. Bari Alla te niyo bo la, a be feeroolu le miira la, i si a je, moo meŋ be luwaa la mutoo kono, si muruŋ a la karoo la kotenke.

Jabuuroolu 39:13

N juubee doroŋ, i ye n tu jee, fo n si seewoo tukuŋ, janniŋ m be taa, n te tara la keriŋ kotenke.”

Yuuba 30:15

N kijoo bota, n na foroyaa bota komeŋ niŋ foñoo le ye a tindi, n na sotoo yeemanta komeŋ saŋ tawaloo.

Yuuba 16:22

Sanji dantaŋ ñaato, m be taa niŋ siloo le la, aduŋ n te muru la naŋ kotenke.

Yuuba 10:21

A te mee la, m be taa fureeduu, daameŋ dibi baa be jee, daameŋ moo buka bo jee, ka muru naŋ jaŋ kotenke.

2 Samuweli 12:23

Bari biriŋ a faata saayiŋ, muŋ ne ye a tinna, n ñanta suŋ na? Fo n si a murundi noo baluwo to kotenke baŋ? Nte le be ate tara la, bari ate te nte tara la kotenke.”

Yesaya 38:11

Ŋa a miira le fanaa ko, n te Yaawe je la kotenke, baluuriŋolu kono duniyaa jaŋ. N te hadamadiŋ je la kotenke, waraŋ n niŋ moolu ye tara ñoo kaŋ, mennu be baluuriŋ ñiŋ duniyaa kono.

Yuuba 37:11

Ate le fanaa ka tawaloolu kono fandi jiyo la, a ye ì wanka, ì ye tara saŋ ŋalasoo fintindi kaŋ.

Yuuba 11:8

Alla la ñaameŋo le jamfata ka tambi saŋ fatoolu la, ite si muŋ ne ke noo? A la ñaameŋo le fanuta ka tambi laakira la, ite ye muŋ ne loŋ?

Yuuba 3:13

Niŋ wo nte nuŋ, m be tara la laariŋ ne, m be deyiriŋ, m be tara la siinoo le la, aduŋ m be tara la dahaa le kono.

Yuuba 17:13

M maŋ jiki soto, fo kaburoo meŋ be naa ke la n yaa ti, daameŋ m be n na laaraŋo loo la jee diboo kono.

Yuuba 17:16

Fo n niŋ jikoo ñiŋ be taa ñoo la kaburoo kono le baŋ? Fo n niŋ a be saareŋ na ñoo la le baŋ, ka ke bankumunkoo ti?

Yesaya 26:14

Wo mansoolu faata le, ì te wuli la kotenke. Ì keta laakirankoolu le ti, ì te wuli la ka baluu kotenke. Kaatu i ye ì jarabi le ka ì kasaara, moo hakili te bula la ì la kotenke.