Yuuba 7:16 - Mandinka Bible

¹⁶ M pasita le ka tara baluwo to, hani wo nte, n te tara la baluwo to fo fawu. M bula ŋa faa. Nte la tara baluuriŋ nafaa mu muŋ ne ti?

Yuuba 7:16 Referans Kwoze

Yuuba 10:1

N ñewunta n na baluwo faŋo le la. Wo kamma la, n te n deyi la n na bataa kuwo saatoo la. Meŋ ye a tinna n na baluwo be kuniyaa la m bulu, a ñanta finti la le.

1 Mansoolu 19:4

Ate faŋo taamata keñewuloo* kono tiloo muumewo la. A naata futa yirindiŋo ma, a siita a koto, aduŋ a duwaata fo a si faa. A ko, “Yaawe*, ñiŋ kuwo koleyaata le. Nte niyo taa. Niŋ nte faata faŋ wo le fisiyaata.”

Yunusa 4:8

Kabiriŋ tiloo wulita, Alla ye foño kandoo bondi naŋ tilibo karoo la fo Yunusa lafita ketu la, feŋ teŋ fo tiloo la finjaloo meŋ be tilindiŋ a kuŋo to. Bituŋ feŋ ne maŋ diyaa a ye nuŋ fo saayaa. A ko, “Ŋa faa, wo le fisiyaata n ye baluwo ti.”

Jabuuroolu 39:13

N juubee doroŋ, i ye n tu jee, fo n si seewoo tukuŋ, janniŋ m be taa, n te tara la keriŋ kotenke.”

Yuuba 14:6

A bula, i ye a doroŋ fili a faŋ ma, a ye dahaa soto, komeŋ tili dookuulaa meŋ pareeta a la dookuwo la.

Yuuba 10:20

Fo nte baluu tiloolu maŋ ke dantaŋ doroŋ ne ti baŋ? M bula m faŋ ma, ŋa niiseewoo soto waatoo kono, meŋ too tuta n siyo to.

Yuuba 9:21

Sootaari te n na kuwo to ñaa-wo-ñaa, bari m maŋ ñaŋ noo m faŋ to. M pasita le ka tara baluwo to.

Yuuba 6:9

Muŋ ne ye a tinna Alla maŋ n teyiŋ-teyiŋ, a ye m bula, ŋa faa?

Yunusa 4:3

Saayiŋ Yaawe, m bondi duniyaa, kaatu ŋa faa, wo le fisiyaata n ye baluwo ti.”

Jabuuroolu 144:4

Moo la baluwo la sutiyaa be le ko, niiseloo niŋ niijiyo teema, a ka yeemaŋ ne katabake komeŋ niiniyo.

Jabuuroolu 78:33

A ye ì la baluwo ke kenseŋ ne ti, ka ì kasaara loodulaa kiliŋ.

Jabuuroolu 62:9

Hadamadiŋo mu niijii foñoo doroŋ ne ti, biriŋ moo baa fo moo koteŋ kenseŋ, a bee nafantaŋ. Niŋ i ye ì laa peesaraŋo kaŋ, ì te feŋ boyi la. Hani niijii foñoo le kuliyaata ì ti.

Jabuuroolu 39:10

I la busaroo daŋ n ye. I buloo laata n kaŋ ne fo n korita.

1 Musa 27:46

Bituŋ Rebeka ko Isiyaaka ye ko, “M bataata Esawu la Hitinka musoolu la kuwo la le. Niŋ Yaakuba fanaa ye musoo ñini ñiŋ Hitinka sunkutoolu kono, wo to saayaa le be fisiyaa la n ye wo ti.”

Yuuba 7:7

Alla, i hakiloo bulandi ko, nte la baluwo la sutiyaa be le ko niijiyo niŋ niiseloo teema. N te kuu betoo loŋ na kotenke.

Yuuba 7:15

Ka n kankoroo dete ŋa faa, wo le be diyaa la nte ye. Ŋa faa, wo le be fisiyaa la nte ye ñiŋ dimoo ti.

Jabuuroolu 78:39

Kaatu a ye a loŋ ne ko ì mu hadamadiŋolu doroŋ ne ti, ì munta le ko foñoo meŋ ka fee, a ye tambi, a te muru la naŋ fereŋ.

Yeremiya 8:3

Moo toomaalu mennu be tu la ñiŋ banku moo kuruŋolu kono, m be ì janjandi la dulaalu mennu to, saayaa le be fisiyaa la ì ye baluwo ti.” Yaawe Alihawaa Maariyo* le ye a fo.

Jabuuroolu 39:6

Hadamadiŋo buka mee baluuriŋ, a be le ko niiniyo, a la matimatoo mu kenseŋ ne ti. Moo ka naafuloo kafu ñoo ma le, bari a buka a loŋ meŋ taa be ke la a ti.

Kawandilaa 2:17

Ka tara baluwo to, n naata wo koŋ ne, kaatu meŋ ka ke ñiŋ duniyaa tiloo koto, a niitooroo warata m fee baake le. Ñiŋ fanaa maŋ ke feŋ ti, a ka munta le ko foño bayindoo.