Yuuba 5:9 - Mandinka Bible

⁹ Ate le mu kaawakuu baalu kelaa ti, mennu buka tara loŋo daa to, aniŋ jaakali kuwolu mennu buka yaatee noo.

Yuuba 5:9 Referans Kwoze

Jabuuroolu 40:5

Kooni Yaawe, n na Alla, i ye kaawakuu jamaa le ke. I ye kuu baa jamaa le parendi ntolu ye. Tembeñoo te tara noo la ite la. Niŋ ŋa a kata ka ì bee fo, ì yaatewo tambita kontiroo la le.

Yuuba 9:10

A la kuu baalu, a ka mennu ke, buka tara ǹ ye londaa to, aduŋ a la kaawakuwolu te yaatee noo la.

Jabuuroolu 72:18

Tentoo be Yaawe* ye, Banisirayila la Alla, ate doroŋ ne ka kaawakuwolu ke.

Jabuuroolu 86:10

kaatu ite warata le, aduŋ i ka kaawakuwolu le ke. Ite doroŋ ne mu Alla ti.

Roomankoolu 11:33

“Tooñaa, Alla la fankoo warata le, a la ñaameŋo niŋ londoo! Moo buka a la kiitiyolu kisikisi noo, a la siloolu buka loŋ noo.”

Yuuba 37:5

Alla ka kuma le ko saŋ feteŋo, aduŋ a moyoo jaakaloo warata. A ka kuu baa jamaa le ke, m̀ buka mennu fahaamu noo.

Yesaya 40:28

Fo ali maŋ a loŋ? Ali maŋ a moyi? Yaawe le mu badaa-badaa Alla ti, meŋ ye duniyaa tonkoŋ naanoo bee daa. A buka bataa sako a si lamfu, aduŋ moo le te a la fahaamuroo daŋo loŋ noo la.

Jabuuroolu 139:18

N te ì yaatee noo la, kaatu ì be siyaa la bankumunkoo ti le. Niŋ n wulita, hani ka bii i be m fee le.

Yuuba 42:3

I ye n ñininkaa n haañita ñaameŋ ka i la natoo ñininkaa, nte meŋ maŋ londi soto. Ŋa kumoolu le fo, m maŋ mennu fahaamu, kaawakuwolu mennu tambita n na londoo la.

Yuuba 10:16

Niŋ ŋa n sañoo wulindi, i ye tara n deema kaŋ komeŋ jatoo, i ye n toorandi kotenke i sembe kaawakuwo la.

Yuuba 37:14

Yuuba, i lamoyi ñiŋ kumoo la! Tenkuŋ, i ye miirali ke kaawakuwolu la, Alla ye mennu ke.

Yuuba 37:16

I ye a loŋ ne baŋ, saŋ tawaloolu be yaara kaŋ ñaameŋ? Wo mu Alla la kaawakuwo doo le ti, ate meŋ na londoo koyita fer.

Jabuuroolu 145:3

Yaawe* warata le, a ñanta jayi la le famfaŋ, a la waroo tambita sumaŋo la le.

Kawandilaa 3:11

Alla ye kuwo bee ke a tumoo le la, aduŋ a ñiiñaata. A ye hadamadiŋo hakilimaayandi badaa-badaa baluwo la kuwo la le, bari hani wo, Alla la keroo, hadamadiŋo buka a fahaamu noo, a foloodulaa te, sako a labandulaa.

Yuuba 13:1

Ŋa meŋ bee fo teŋ, m faŋo le ye a je n ñaa la. Ŋa a moyi n tuloo la, aduŋ ŋa a fahaamu le.

Jabuuroolu 40:6

Ite buka seewoo beeyaŋ sadaalu* la, aniŋ siimaŋ sadaalu. I maŋ ñiŋ kaniŋ ka jani sadaalu bondi, waraŋ junube kafarilaŋ sadaalu, bari i ye tuloo ke n na le ka n lamoyi i la.