Yuuba 5:20 - Mandinka Bible

²⁰ Niŋ konko jawoo naata, ate le be i balundi la, aniŋ keloo waatoo la, ate le be i tanka la saayaa ma.

Yuuba 5:20 Referans Kwoze

Jabuuroolu 33:19

A ka ì tanka kerekere saayaa ma le, aduŋ a ka ì balundi le, konkoo waatoo la.

Hoseya 13:14

“Fo n ñanta ñiŋ moolu kumakaa la fureeduu semboo ma le baŋ? Fo n ñanta ì kiisa la saayaa ma le baŋ? Saayaa, muna i la alibalaa kuuraŋo lee? Fureeduu, i la kasaaroo lee? Balafaa, hani a domandiŋo te n ñaa to.

Kuma Kotoomaalu 10:3

Yaawe* buka moo tilindiŋo konkoriŋo tu jee, bari a buka moo kuruŋo lafinna kuwo ke a ye.

Jabuuroolu 37:19

Ì te bula la maloo kono koleyaa waatoo la. Konkoo waatoo la, ì konoo be faa la le.

1 Mansoolu 17:6

Kaanaalu ñinnu ka mbuuroo niŋ suboo samba a ye naŋ ne soomandaa-wo-soomandaa, aniŋ wulaara-wo-wulaara. Bituŋ a ka i miŋ bolondiŋo to.

1 Musa 45:7

Alla le ye n tambindi ali ñaato, ka ali la baluwo tanka duniyaa kono jaŋ, ali niŋ ali koomalankoolu.

Habakuki 3:17

Hani niŋ sooto yiroolu maŋ firi faŋ, aduŋ diŋ te wayini* yiroolu bala, olifu* yiroolu maŋ diŋ, kunkoolu maŋ siimaŋ bondi, saajiyolu bee yeemanta saajii buŋo kono, ninsi fanaa te ninsi buŋolu kono,

Jabuuroolu 144:10

Ite le ka nooroo dii mansoolu la, aduŋ ite le ye Dawuda tankandi, i la dookuulaa.

Jabuuroolu 27:3

Hani niŋ kelediŋ kafoo le ye n kuru, n kija te m fara la. Hani niŋ keloo le wulita n kamma, wo ñaa-wo-ñaa m be dankeneyaa la le.

Matiyu 24:6

Ali be keloolu moyi la le, aniŋ kele kibaaroolu, bari ali kana sila, kaatu wo kuwolu ñanta ke la le, bari wo maŋ ke labandulaa ti.

Yesaya 33:16

wo le be ke la moo ti, meŋ be tara la tankoo kono. Tatoo meŋ be konkoo kaŋ, be ke la a ye tankaraŋo le ti. A be domoroo soto la le, aduŋ jiyo te a dasa la.

Jabuuroolu 49:7

Moo te moo doo kumakaa noo la, a te Alla joo noo la a niyo soŋo la,

Yeremiya 37:21

Bituŋ Mansa Sedekiya naata kaŋo dii ka m muta kelediŋ kantarilaalu la luwo to. Ì ka mbuuru kuŋ kiliŋ ne dii n na luŋ-wo-luŋ, ka bo mbuuru janilaalu yaa, mbeedoo kaŋ. Ì ye a ke wo le ñaama, fo mbuuroo banta saatewo kono. Bituŋ wo ñaama le mu, nte Yeremiya tuta kantarilaalu la luwo to.

Jabuuroolu 118:18

Yaawe ye n kuluu jawuke le, bari a maŋ m bula ŋa faa.

Yeremiya 39:18

A ko, “A be koyiriŋ ne ko m be i tankandi la le, i te faa la niŋ hawusaroo* la. I la baluwo be ke la i ye le ko ì ye meŋ kumakaa ka bo keloo to, i niyo be kana la le, i ye baluu, bayiri i laata nte la le.” Yaawe le ye a fo.