Yuuba 40:10 - Mandinka Bible

¹⁰ Waroo niŋ kuliyaa dii i faŋ na, semboo niŋ horomoo dendikoo duŋ i faŋ na.

Yuuba 40:10 Referans Kwoze

Jabuuroolu 93:1

Yaawe* le mu Mansa ti, a ye semboo niŋ waroo duŋ ne ko mansa dendikoo. A ye duniyaa londi le a bambanta kat, a te wutu la a noo to muk.

Jabuuroolu 149:4

Yaawe ka kontaani a la moolu la kuwo la le. A ka horomoo dii fammajiilaalu la le ka bo niŋ nooroo la ì jawoolu kaŋ.

Yesaya 59:17

A ye tiliŋo kele dendikamaa le duŋ, a ye kiisoo kele naafamaa duŋ. A ye makatibayoo dendikamaa le duŋ, kamfaa be fudiriŋ a kono ko duŋ feŋo.

1 Korintinkoolu 15:54

Niŋ toliriŋo ye tolibaloo duŋ, aduŋ meŋ taa mu saayaa ti, wo ye saayaabaloo duŋ, wo to kumoo naata timma le, meŋ be safeeriŋ ko: “Saayaa muumewo bee le tiñaata, nooroo timmata le!”

Matiyu 6:13

Aduŋ kana ǹ dundi marisa kuwo kono, bari i si m̀ bondi Seetaani* bulu. Kaatu ite le taa mu mansabaayaa ti, semboo aniŋ waroo fo abadaa. Amiin.

Yesaya 4:2

Luŋo be naa le, luŋo meŋ Yaawe* la yiri soroŋo meŋ be Banisirayila bankoo kaŋ, a be yiriwaa la le, a ye tara ñiiñaariŋ. Moolu mennu tuta jee, bankoo senefeŋolu be ke la ì ye ŋaañaaraŋo le ti, aniŋ horomoo.

Jabuuroolu 50:2

Alla ka malamala a la kallankeeyaa* kono le ka bo Siyoni*, saatewo meŋ na ñiiñaa timmata.

Jabuuroolu 21:5

A ye horoma baa soto le ka bo niŋ i la maakoyiroo la ka a jawoolu noo. I ye horomoo niŋ mansayaa semboo dii a la le.

Yuuba 39:19

Fo ite le ye semboo dii suwoo la baŋ? Fo ite le ye a toŋo ñarandi niŋ tiyolu la baŋ?

1 Taarika 29:11

Yaawe, ite le taa mu semboo niŋ waroo ti, kallankeeyaa* niŋ mansabaayaa aniŋ horomoo be ite le ye, aduŋ duniyaa niŋ Arijana feŋolu bee mu ite le taa ti. Yaawe, ite le mu Mansa Baa ti, ite le be feŋo bee santo.

2 Musa 28:2

I si dendika senuŋolu kara i kotoomaa Haaruna ye, fo ì si horomoo niŋ buuñaa dii a la.