Yuuba 38:8 - Mandinka Bible

⁸ Jumaa le ye naanewolu ke baa la, kabiriŋ a fintita naŋ duniyaa kono?

Yuuba 38:8 Referans Kwoze

1 Musa 1:9

Bituŋ Alla kumata ko, “Jiyolu mennu be saŋo duuma la, bee ye kafu ñoo ma dulaa kiliŋ, dulaa jaaroo ye finti.” Aduŋ a keta wo le ñaama.

Yeremiya 5:22

Muŋ ne ye a tinna ali buka sila n na? Muŋ ne ye a tinna ali buka jarajara n ñaatiliŋo la?” Yaawe le ye a fo. “Ŋa keñoo ke naanewo ti fankaasoo ye le, badaa-badaa kuntuntewo, a te tambi noo la meŋ na muk. Hani jii baliŋolu si busa, ì te kuu noo la, hani ì si bumbuŋ, ì te a salaŋ noo la.

Kuma Kotoomaalu 8:29

Kabiriŋ a ye dandulaa dii fankaasoo la, fo baajiyo kana tambi naanewo la, biriŋ a ye duniyaa la fondamaŋo laa,

Jabuuroolu 33:7

A ye baajiyo bee kafu dulaa kiliŋo le to, a ye fankaasoolu duumoo bee ke jiibuŋolu kono.

Yuuba 38:10

Ŋa dandulaa ke a la, ka a soroŋ kuuke, a kana waame bankoo kaŋ.

1 Musa 1:7

Wo le to Alla ye saŋ fatoo daa, a ye jiyolu bondi ñoo to, mennu be saŋ fatoo ye duuma la, aniŋ mennu be a ye santo la. Aduŋ a keta wo le ñaama.

Yuuba 28:25

Kabiriŋ Alla ye semboo dii foñoo la, a ye jiyo sumaŋ, a ye dandulaa ke a la,

Yuuba 38:9

Nte le ye baa muuri saŋ tawaloolu la, ŋa a moromoro dibi fiŋ baa kono.

Jabuuroolu 104:6

I ye fankaasoo feenee a kaŋ ne, ko muurilaŋo, jiyo ye konkoolu kunuŋ.

Kuma Kotoomaalu 30:4

Jumaa le taata fo Arijana, a muruta naŋ? Jumaa le nene ye foñoo muta noo a buloo kono? Jumaa le ye jiyo fudi noo a la dendikoo kono? Jumaa le ye duniyaa tonkoŋ naanoo bee loo? A too ndii, aniŋ a dinkewo fanaa too ndii? A fo n ye, niŋ i ye a loŋ!

Yesaya 40:12

Jumaa le si baajiyo sumaŋ noo niŋ a buluñaa la, waraŋ ka saŋ fatoolu la waroo sumaŋ niŋ a buluteetee la? Jumaa le si ñiŋ duniyaa kankaŋo bee sumaŋ noo niŋ sinsiŋo la, waraŋ ka konko baalu niŋ konkoriŋolu peesa niŋ peesarilaŋo la?

Jabuuroolu 107:24

Wolu ye Yaawe la semboo je le, a ye kaawakuwolu mennu ke diinoŋñaa to.