Yuuba 38:5 - Mandinka Bible

⁵ Jumaa le ye a la sumandiroo ke, waraŋ jumaa le ye a nuunewo saba? Tooñaa-tooñaa, ite le ye a loŋ.

Yuuba 38:5 Referans Kwoze

Yesaya 40:12

Jumaa le si baajiyo sumaŋ noo niŋ a buluñaa la, waraŋ ka saŋ fatoolu la waroo sumaŋ niŋ a buluteetee la? Jumaa le si ñiŋ duniyaa kankaŋo bee sumaŋ noo niŋ sinsiŋo la, waraŋ ka konko baalu niŋ konkoriŋolu peesa niŋ peesarilaŋo la?

Yuuba 11:9

Alla la waroo le tambita duniyaa la, ate le fanuta baajiyo ti.

2 Korintinkoolu 10:16

Wo to le ǹ si kibaari betoo kawandi noo bankoolu kaŋ, hani ka tambi alitolu la, fo ǹ kana kibiri dookuwo la, moo koteŋolu ye meŋ ke fokabaŋ.

Yesaya 40:22

A be siiriŋ mansasiiraŋo le kaŋ duniyaa bee santo la, aduŋ moolu ka munta a fee le ko jatatoŋolu. A ye saŋ fatoolu waree le ko ridoo, aduŋ a ka a wanka le ko tiriliisoo*, ka ke sabatidulaa ti.

Yesaya 34:11

Sonkosonkoolu niŋ kiikiyaŋolu le be sabati la jee, kiikiyaŋ caraatoolu niŋ kaanaalu le be ñaŋo ke la jee. Yaawe be jee la kuwo sumaŋ na le ka a dundi ñoo to, a ye a la kuwo peesa ka jee jakasi.

Kuma Kotoomaalu 8:27

N tarata nuŋ jee le, biriŋ a be saŋ fatoolu dadaa kaŋ, kabiriŋ a be baajiyo feenee kaŋ fo ñaadaŋo to.

Jabuuroolu 78:55

A ye banku moolu bayi a la moolu ñaato le, a ye ì la bankoo talaa Banisirayilankoolu teema ka ke ì la keetaafeŋo ti, a ye ì la suwolu ke Banisirayila lasiloolu le la suwolu ti.

Jabuuroolu 19:4

Hani wo, ì la kankulaaroo ka janjaŋ duniyaa bee kono le, aduŋ ì la kumakaŋolu ka futa duniyaa daŋolu bee le to. Alla ye buŋo le ke tiloo ye saŋ fatoolu kono.

Yuuba 28:25

Kabiriŋ Alla ye semboo dii foñoo la, a ye jiyo sumaŋ, a ye dandulaa ke a la,

Kuma Kotoomaalu 8:29

Kabiriŋ a ye dandulaa dii fankaasoo la, fo baajiyo kana tambi naanewo la, biriŋ a ye duniyaa la fondamaŋo laa,

Yuuba 34:13

Jumaa le ye a marandi duniyaa la, aniŋ jumaa le ye duniyaa muumewo bee duŋ a bulu?

1 Samuweli 2:8

A ka fuwaaroolu bondi naŋ suntukuŋo to le, aduŋ a ka fentaŋolu dahandi. A ka ì niŋ mansariŋolu sindi, aduŋ ì ka ke le ko, niŋ ì ye mansa la horomoo le keetaa. Duniyaa la fondamaŋolu keta Yaawe le taa ti, wolu kaŋ a ye duniyaa daa.