Yuuba 38:16 - Mandinka Bible

¹⁶ I nene ka duŋ fankaasoo duuma le baŋ, a ka jiyo fintindi naŋ daameŋ, waraŋ ka taama baa teroo to?

Yuuba 38:16 Referans Kwoze

Kuma Kotoomaalu 8:24

N wuluuta le, wo waatoo fankaasoo te keriŋ, n wuluuta le, kabiriŋ woyoolu maŋ soto.

Jabuuroolu 77:19

I ye i la siloo bondi baa teema la, i ye i taamadulaa ke diinoŋñaalu teema, bari moo maŋ i siŋ noolu je noo.

Yeremiya 51:36

Wo kamma la Yaawe ye ñiŋ ne fo ko: “A juubee, m be loo la ali la kuwo la le, ŋa juloo joo ali ye. M be Babiloni baajiyolu jandi la le, ŋa ì woyoolu jandi.

1 Musa 7:11

Nuha la baluwo sanji keme wooronjaŋo kari fulanjaŋo tili taŋ niŋ woorowuloo luŋo la, wo luŋ tiloo le mu, bankoo kono ñaapuuloolu bee fetenta, jiyo sarita santo, saŋo palanteeroolu yeleta.

1 Musa 8:2

Bankoo kono ñaapuuloolu loota. Saŋo palanteeroolu tawunta, bituŋ sanjiyo maŋ naa ke kotenke.

Yuuba 9:8

A doroŋ ne ye saŋo wanka duniyaa kunto, aduŋ ate le si baa baliŋolu semboo mara noo.

Kuma Kotoomaalu 8:28

N tarata nuŋ jee le, biriŋ a be minaayoo ke la saŋo bala, kabiriŋ a be baa fandi kaŋ niŋ jiyo la.

Yuuba 41:32

A kooma ka tara malamalariŋ ne, baajiyo bee ye kankaŋ fur.