Yuuba 34:22 - Mandinka Bible

²² Wo dibi te keriŋ, meŋ si junubelaa maabo noo Alla ma.

Yuuba 34:22 Referans Kwoze

Hiburunkoolu 4:13

Feŋ te keriŋ daaroo kono, meŋ si i maabo noo Alla ma. Kuwolu bee be laariŋ kenebaa le to a ñaatiliŋo la, aduŋ ate le be ǹ na kebaaroolu kontibo la.

Kuma Kotoomaalu 10:29

Yaawe la siloo mu tankoo le ti moo tilindiŋolu ye, bari a mu kasaaroo le ti kuu kuruŋ kelaalu ye.

Yeremiya 23:24

“Fo moo si a faŋ maabo noo kulloo kono dulaalu to, ñiŋ kamma la n kana a je?” Yaawe le ye a fo. “Fo m maŋ saŋo niŋ bankoo faa tep?” Yaawe le ye a fo.

Yuuba 3:5

Dibi baa ye a luŋo taa, minaayoolu ye a muuri, a luŋo ñiŋ na diboo ye a silaŋñaa warandi.

1 Korintinkoolu 4:5

Wo to, ali kana kiitiyo laa moo-wo-moo kaŋ, janniŋ waatoo be sii la. Ali Maariyo la naa batu, aduŋ a be feŋolu fintindi la maloo kono le, mennu be maaboriŋ diboo kono. Ate le be miiroolu waañaari la, mennu be hadamadiŋolu sondomoolu kono. Bituŋ moo-wo-moo be jayiroo soto la Alla bulu le, a ñanta meŋ soto la.

Luka 13:27

Bari a be a fo la ali ye le ko, ‘Nte maŋ ali loŋ, sako ali bota daameŋ! Ali bo m bala, alitolu kuu kuruŋ kelaalu bee.’

Matiyu 7:23

Bari m be a koyindi la ì la le ko, ‘Nte nene maŋ ali loŋ. Ali bo m bala, alitolu kuu jawu kelaalu.’

Yesaya 29:15

Kooroo be moolu le ye mennu ye a kata baake, ka ì la yaamaroolu maabo Yaawe ma. Ì ka ì la kebaaroolu ke diboo kono, ì ka a fo ko, “Jumaa le ka ǹ je? Jumaa le be a loŋ na, ǹ ka meŋ ke?”

Yesaya 9:2

Moolu mennu taamata diboo kono, ì ye mala baa je le. Mennu tarata dibi fiŋ diboo kono, maloo malata ì kaŋ ne.

Jabuuroolu 5:5

Faŋ wara moo te loo noo la i ñaa koto, i ye moolu bee le koŋ, mennu ka kuu jenkeriŋo ke.

Yuuba 31:3

Fo kasaara kuwo buka laa moo jawoo le kaŋ baŋ, maasiiba kuwo ye laa moo kaŋ meŋ ka kuu kuruŋo ke?

Yuuba 24:17

Suutoo diboo le mu itolu la soomandaa ti, suutoo diboo silaŋo, itolu dalita wo la le.

Yuuba 3:13

Niŋ wo nte nuŋ, m be tara la laariŋ ne, m be deyiriŋ, m be tara la siinoo le la, aduŋ m be tara la dahaa le kono.

Yuuba 10:21

A te mee la, m be taa fureeduu, daameŋ dibi baa be jee, daameŋ moo buka bo jee, ka muru naŋ jaŋ kotenke.

Yuuba 11:20

Bari moo kuruŋolu be ke la le ko finkintewolu, ì te sila je noo la, ì be bori la meŋ na. Ì hakiloo be tara la looriŋ saayaa doroŋ ne kaŋ.

Yuuba 38:17

I nene ka laakira dundaŋ daa je le baŋ, daameŋ ka tara dibiriŋ ne fo fawu?

2 Samuweli 12:12

Ite ye junube kuwo ke kulloo le kono, bari nte be ñiŋ kuwo ke la i la tili kuntee baa le la Banisirayilankoolu bee ñaa la.”

Yuuba 10:14

I tarata n koroosi kaŋ ne, fo m be junube kuu ke la, niŋ i ye wo je, i te yamfa la n na junube kuwo la.

Yuuba 12:22

Ate le ka diboo la kuwolu lankenemayandi, a ye naa dibi baa ke maloo ti.

Yuuba 22:13

Fo wo le ye a tinna baŋ i kumata ko, “Alla ye muŋ ne loŋ? A si kiitindiroo noo ñaadii le minaayi dibiŋolu kono,

Yeremiya 16:17

N ñaa be ì taaraŋ siloolu bee le la. Ì la kuwolu maŋ nukuŋ m ma, sako ì la kuruŋyaa si tara maaboriŋ n ñaa la jeroo ma.