Yuuba 33:19 - Mandinka Bible

¹⁹ Alla ka moo dandalaa le fanaa ka dimoo jaraboo laa a kaŋ, a kuloo si tara a teyi kaŋ doroŋ.

Yuuba 33:19 Referans Kwoze

Yuuba 30:17

Suutoo, n kuloo kono bee le ka n teyi, dimoo ñiŋ buka dandulaa soto.

1 Korintinkoolu 11:32

Bari niŋ Maariyo ye ǹ kiitindi, wo mu ǹ ye kuluuroo le ti, fo ǹ niŋ duniyaa moolu kana halaki ñoo la.

Jabuuroolu 119:71

Jaraboo meŋ laata n kaŋ, a beteyaata n to le, kaatu a ye n karandi i la luwaalu la le.

Lankenemoo 3:19

Ŋa moolu mennu kanu, n ka wolu le jalayi, aniŋ n ka ì kuluu. Wo kamma la, hame baa soto, i ye tuubi ka i koo dii i la junuboolu la.

Yesaya 27:9

Ka bo niŋ ñiŋ na, Yaakuba la junuboo si tuutuu. Niŋ a ye Asera* jalaŋ dokoolu bee boyi, aniŋ a cuuraayi siisindidulaalu, hani kiliŋ maŋ tu looriŋ, ka a la sadaabodulaalu* beroolu juru munkoo ti, a koolaa si ke a ye junube kafaroo ti.

Jabuuroolu 119:67

Janniŋ jaraboo be laa la n kaŋ, a ye a tara le n jenketa, bari saayiŋ n ka i la kumoo muta le.

Jabuuroolu 94:12

Barakoo be moo le ye ite Yaawe ka meŋ kuluu, aniŋ i ka meŋ karandi i la luwaa la.

Yuuba 20:11

Ì balajaatoolu mennu tarata kereyaariŋ, bee labaŋo be naa ke la bankoo le ti.

Yuuba 7:4

Niŋ ŋa n laa, n ka ñaani wuloo le koto. Bari suutoo ka jamfa m fee le, n ka tu yelemaŋ-yelemaŋo le la, fo fanoo ye ke.

2 Taarika 16:12

A la maraloo sanji taŋ saba niŋ konontonjaŋo la, a ye siŋ dimi jawoo soto, aduŋ a jankaroo naata jawuyaa. A niŋ ñiŋ jankaroo bee, a maŋ Yaawe la maakoyiroo ñini, a ka maakoyiroo ñini jaaralilaalu le bulu.

2 Taarika 16:10

Bituŋ Asa jusoo bota annabiyomoo bulu, a ye a duŋ kutiŋo la bunjawoo kono, a la ñiŋ kumoo foo kaŋ. Wo waati kiliŋo le mu, Asa tarata moo koteŋolu toorandi kaŋ.

5 Musa 8:5

Ali kana ñina ko, Yaawe ali la Alla ye ñiŋ kuluuroo laa ali kaŋ ne, ko wuluulaalu ka ì diŋolu kuluu ñaameŋ.

Jabuuroolu 73:14

Luŋ-wo-luŋ koleyaa le ka n taki, aduŋ n ka jarabi le fanikee-wo-fanikee.

Yuuba 29:17

Nte le ye moo jawoolu ŋaaŋaa kuloolu kati, ŋa feŋolu tanka, ì ñiŋolu be sorondiŋ mennu fee.

Kawandilaa 8:6

Feŋ-wo-feŋ, waatoo le be a la, aniŋ keñaa. Hadamadiŋo la koleyaa kuwo dunoo ka tara laariŋ a faŋo le kaŋ.