Yuuba 33:16 - Mandinka Bible

¹⁶ A si a moyirindi kumoolu la, ì si a masilandi ka ke a ye dandalaaroo ti.

Yuuba 33:16 Referans Kwoze

Yuuba 36:10

A si ì tuloolu yele, a la yaamaroolu ye duŋ ì kono, a ye naa ì kili ka tuubiseyi ì la kuu kuruŋolu la.

Yuuba 36:15

Ate Alla le ka bataa laa moo kaŋ ka ke a ye kawandi ti, a ye naa a ñaa yelendi ka bo niŋ niitoora kuwo la, fo a si tankoo soto.

Jabuuroolu 40:6

Ite buka seewoo beeyaŋ sadaalu* la, aniŋ siimaŋ sadaalu. I maŋ ñiŋ kaniŋ ka jani sadaalu bondi, waraŋ junube kafarilaŋ sadaalu, bari i ye tuloo ke n na le ka n lamoyi i la.

Yesaya 50:5

A ye n wakiilindi le ka n lamoyi, m maŋ balaŋ a ma waraŋ ka bori.

Kiilaalu 16:14

Musu doo meŋ too mu Lidiya ti, a ye i lamoyi ǹ na jee. A ka bayi wuluyeloo le waafi. A bota Tiyatira saatewo le to, aduŋ Alla ñaasilannaa le mu a ti. Maariyo ye a sondomoo yele ka soŋ kumoolu la, Pawulu ye mennu fo.

Luka 24:45

Bituŋ a ye ì sondomoolu yele ka Alla la kumoo fahaamu,

Yesaya 6:10

Ñiŋ moolu sondomoolu suki, i ye ì tuloo kuyandi aniŋ i ye ì ñaa finkindi. Niŋ wo nte, ì si jeroo ke niŋ ì ñaalu la le, ì ye moyiroo ke niŋ ì tuloolu la, ì ye fahaamuroo ke niŋ ì sondomoolu la, ì ye naa yelema, ì ye kendeyaa.”

Roomankoolu 15:28

Niŋ nte ye ñiŋ dookuwo baŋ, aduŋ ŋa ñiŋ soorifeŋo futandi ì ma a ñaama, m be ali kumpabo la le n na taamasiloo kaŋ ka taa Speeni bankoo kaŋ.

Yesaya 48:8

Kabiriŋ koomanto, ali buka i lamoyi ñiŋ kuwolu la, ka ì fahaamu, sako ka n na kumoo moyi. Ŋa a loŋ ne ko, ali be ke la n ye jamfantuŋolu le ti. Ali muritita m ma le, biriŋ ali wuluuta.

Nehemiya 9:38

“Ñiŋ kuwo bee kamma la, ntolu Banisirayilankoolu ye kambeŋ bambandiŋo le siti niŋ safeeroo la, aduŋ ǹ na maralilaalu, Lewi lasiloo, aniŋ piriisoolu le ye a tampu ì tooyaa la.”

2 Samuweli 7:27

Hee Yaawe Alihawaa Maariyo, Banisirayilankoolu la Alla, i ye ñiŋ lankenemayandi nte i la dookuulaa ye le, ka a fo ko, ‘M be i la mansayaa buŋo loo la le.’ Nte i la dookuulaa ye hamoo soto le, ka ñiŋ duwaa dii i la.

Matiyu 2:12

Wo koolaa ì naata taa ì la bankoo kaŋ sila doo la, kaatu ì ye dandalaaroo soto ì la siiboo kono le ko, ì kana muru Herodi yaa.

Yuuba 33:17

A ka ñiŋ ke le ka a fatandi kuu jawu kewo ma, ka fata faŋ waroo ma,

Daniyeli 2:19

Bituŋ wo suutoo la, kulloo ñiŋ naata lankenemayandi Daniyeli ye jeroo kono. Wo le to a ye Arijana Maarii tentu ko: