Yuuba 3:13 - Mandinka Bible

¹³ Niŋ wo nte nuŋ, m be tara la laariŋ ne, m be deyiriŋ, m be tara la siinoo le la, aduŋ m be tara la dahaa le kono.

Yuuba 3:13 Referans Kwoze

Kawandilaa 9:10

I buloo benta dookuu-wo-dookuu fee, a ke beteke, kaatu i be taa kaburoo meŋ kono, dookuu te jee de, sako feere landi, aduŋ londi kuu fanaa te jee, sako ñaameŋ kuu.

Yuuba 21:23

Moo doolu taata le fo ì faata, ì balajaatoo be kereyaariŋ. Ì maŋ silandaa kuu-wo-kuu soto.

Yuuba 21:13

Ì ka ì la baluu tiloolu bee ke niidiyaa le kono, ì ñiimaa ye taa kaburoo kono.

Yuuba 19:27

M be a je la le, m faŋo ñaalu le be loo la a kaŋ. N te ke la a fee luntaŋ ti. Ñiŋ ne mu kuwo ti, n hakiloo be looriŋ meŋ kaŋ kat.

Yuuba 17:13

M maŋ jiki soto, fo kaburoo meŋ be naa ke la n yaa ti, daameŋ m be n na laaraŋo loo la jee diboo kono.

Yuuba 10:22

Ñiŋ dulaa to, maloo nene buka soto jee. Ñiŋ dulaa to, diboo doroŋ ne ka tara jee, aniŋ jaakaloo.

Yuuba 7:21

Muŋ ne ye a tinna i maŋ kafari ke n ye, i ye yamfa n na junube kuwolu la? A te mee la, m be tara la laariŋ kaburoo kono. I si n na kuu juubee, bari n te tara la keriŋ.

Yuuba 3:12

Muŋ ne ye a tinna m baamaa ñoyita n kunna? Muŋ ne ye a tinna sunjoolu sotota n ye ka suusuu?

Yuuba 10:21

A te mee la, m be taa fureeduu, daameŋ dibi baa be jee, daameŋ moo buka bo jee, ka muru naŋ jaŋ kotenke.

Yuuba 14:20

Ite le ka a kasaara niŋ i semboo la, a ye taa yereŋ. Ite le ka a muluŋo faliŋ, i ye a la kuwo daŋ.

Yuuba 16:22

Sanji dantaŋ ñaato, m be taa niŋ siloo le la, aduŋ n te muru la naŋ kotenke.

Yuuba 19:25

Bari nte ye a loŋ ne ko, n kiisandirilaa, wo be baluuriŋ ne, aduŋ ate le be loo la n ye kuwo labandulaa ñiŋ duniyaa kono jaŋ.

Yuuba 21:26

Bari ì bee ye ì laa ñoo kaŋ kaburoo kono le, tumboolu muurita ì bee la.

Yuuba 24:19

Niŋ kandoo ye kalaasi dunkuliŋo yooyi, bankoo ka a jiyo suusuu ñaameŋ, kaburu bankoo ka junubelaalu suusuu wo le ñaama.

Yuuba 24:20

Ì faŋo baañolu si ñina ì la kuwo la, tumboolu ye tuluŋ ì balajaatoolu la, moo te ì la kuu miira la. Moo kuruŋolu ka kasaara le komeŋ yiri boyiriŋo.

Yuuba 26:5

Laakirankoolu ka tara jarajara kaŋ ne baajiyo duuma, Alla silaŋñaa kamma la.

Yuuba 26:6

Laakira be lankenemayaariŋ Alla ñaa koto le, kumpa te a ye laakira la kuwo to.

Yuuba 34:22

Wo dibi te keriŋ, meŋ si junubelaa maabo noo Alla ma.

Esekiyeli 32:27

Ì maŋ ì baadee ko ì ka kelejawaroolu baadee ñaameŋ buuñaa kono. Ì niŋ kelejawaroolu mennu maŋ Alla loŋ ne be laariŋ dulaa kiliŋ laakira, ì niŋ ì la kelejooraŋolu le be kaburoo kono. Ì ye ì la hawusaroolu ke ì ye kullaaraŋo le ti, aduŋ ì la kuu jawoolu le tooroo be laariŋ ì kuloolu kaŋ, hani a ye a tara ñiŋ kelejawaroolu la silaŋo dunta wo bankoo kaŋ, baluuriŋolu be daameŋ.