Yuuba 29:12 - Mandinka Bible

¹² Kaatu n ka fuwaaroolu le tankandi mennu ka woosii, aniŋ aliyatiimoolu mennu maŋ maakoyilaa soto.

Yuuba 29:12 Referans Kwoze

Jabuuroolu 72:12

Mansa ka fentaŋolu deemaa le niŋ ì ye a kumandi, ka taa fuwaaroolu aniŋ maakoyilaa te mennu la.

Kuma Kotoomaalu 21:13

Niŋ moo ye a tuloo kaasi fuwaaroo woosii kaŋo la, a fanaa be woosii la le, aduŋ moo te a danku la.

Yankuba 1:27

Alla batu senuŋo meŋ maŋ sootaaroo soto m̀ Faamaa Alla ñaatiliŋo la, wo mu ka aliyatiimoolu niŋ furuyaamusu bataariŋolu topatoo ì la suuloolu kono, aniŋ ka fata ñiŋ duniyaa kosoo la.

Jabuuroolu 68:5

Alla be a taradulaa senuŋo kono le, ate le mu aliyatiimoolu faamaa ti, aniŋ furuyaamusoolu la kiitiiteyilaa.

5 Musa 10:18

A ka aliyatiimoolu niŋ furuyaamusoolu la kiitiyo kuntu tiliŋo le kono, aduŋ a ka tumarankewolu kanu le ka domoroo niŋ feetoofatoo dii ì la.

Yeremiya 22:16

A ye fuwaaroolu niŋ sembentaŋolu maakoyi, ka kiitiyo teyi ì ye tiliŋo kono. Wo le ye a tinna kuwolu bee keta a ñaama. Fo ka wo ke, nte loŋo nafaa maŋ ke wo le ti baŋ?” Yaawe le ye a fo.

Yuuba 31:21

Niŋ n nene ka aliyatiimoo toorandi, kaatu ŋa a loŋ ko boloo be dii la nte le la,

Yuuba 31:17

N dammaa nene maŋ n na domoroo domo, n niŋ aliyatiimoolu le ka a talaa.

Yuuba 24:4

Ì ka semboo tiliŋ fentaŋolu la ka ì bali ì hakoo la. Ì ka sembetiiyaa tiliŋ fuwaaroolu la, fo ì ka bori ka maabo.

Yuuba 24:9

Moolu sotota, mennu ka aliyatiima dindiŋo wafu sunjoo bala ka ì taa, ka fuwaaroo la deenaanoo taa ka a ke sankayaaraŋo ti.

Yuuba 34:28

Ì ye fuwaaroolu kumbondi a ñaatiliŋo la, fo a ye moo toorariŋolu woosii kaŋo moyi.

Jabuuroolu 88:4

N niŋ moolu le be konti kiliŋ, mennu taata kaburoo kono. N keta moo le ti fanka te meŋ na.

Kuma Kotoomaalu 31:8

Loo moolu ye, mennu buka diyaamu noo i faŋo ye, aniŋ i ye misikiinoolu la hakoo kele ì ye.

Yuuba 30:25

Fo nte maŋ kumboo moolu ye baŋ, mennu tarata koleyaa kono? Fo nte maŋ balafaa soto fuwaaroolu ye baŋ?

Yuuba 31:18

Kabiriŋ n na fondinkeeyaa waatoo la, n keta aliyatiimoolu ye le komeŋ diŋo niŋ a faa, aduŋ n ka tara n hakilituriŋ furuyaamusoolu la kuwo to le.