Yuuba 27:9 - Mandinka Bible

⁹ Fo Alla si a la woosiyo danku baŋ, niŋ maasiiba kuwo naata a kaŋ?

Yuuba 27:9 Referans Kwoze

Yeremiya 14:12

Hani ì si suŋ ka woosii n ye, n te ì lamoyi la. Hani ì si jani sadaalu* niŋ siimaŋ sadaalu bondi n ye, n te ì muta la ì ye. Bari m be meŋ ke la, wo le mu ka ì kasaara niŋ hawusaroo* la, konkoo, aniŋ alibalaa kuuraŋo.”

Yesaya 1:15

Ali ye moolu mennu faa, ì yele noo be faariŋ ali buloolu bala le. Wo le ye a tinna niŋ ali ye ali buloolu wulindi ka duwaa, n te ali maafaŋo juubee la. Hani a ye a tara ali ye duwaa jamaa le ke, n te n lamoyi la.

Kuma Kotoomaalu 1:28

Wo to le ali be n kumandi la, bari n te ali danku la, ali be n ñini la le, bari ali te n je la.

Mika 3:4

Ali si naa kumboo Yaawe* ye, bari a te ali danku la wo waatoo. A si a ñaa kaasi ali la ali la ñiŋ kuu kuruŋ kewo kamma la.

Jabuuroolu 18:41

Ì ye maakoyiroo kumboo, bari moo te jee, meŋ si ì tankandi. Ì woosiita Yaawe ye, bari a maŋ ì danku.

Yankuba 4:3

Ali ka daaniroo ke, bari ali buka a soto, kaatu ali la daaniroo maŋ tiliŋ, ali ka a ke ali la niidiyaa kuwolu le kamma.

Jakariya 7:13

“A keta teŋ ne: Biriŋ n diyaamuta ì ye, ì maŋ n danku, ì fanaa ye n kili, m maŋ ì danku.

Esekiyeli 8:18

Wo kamma la, m buloo be sii la ì ma le n na kamfaa baa kono, aduŋ n te balafaa la ì ye, sako n si ì tu jee. Hani niŋ ì wuurita ñaa-wo-ñaa ka n daani, n te ì danku la.”

Yeremiya 11:11

Wo kamma la Yaawe ye ñiŋ ne fo ko, “A juubee, m be kuu jawoo le naati la ì kaŋ ì te kana noo la meŋ ma. Hani ì si kumboo n ye, n te n lamoyi la ì la.

Jabuuroolu 66:18

Niŋ ŋa n ñaa laa n na junuboolu kaŋ nuŋ, tennuŋ Maariyo te i lamoyi la n na.

Yohana 9:31

Ŋà a loŋ ne ko, Alla buka junubekelaa lamoyi. Bari a ka moo le lamoyi, meŋ ye Alla ñaasilaŋo soto, aniŋ meŋ ka a la lafoo ke.

Luka 13:25

“Niŋ buntiyo wulita, a ye bundaa soroŋ, ali be a dati la ka loo banta ka bundaa konkoŋ, aniŋ ka a fo ko, ‘M̀ Maarii, bundaa yele ǹ ye!’ A be ali jaabi la le ko, ‘Nte maŋ ali loŋ, sako ali bota daameŋ!’

Hoseya 7:14

Ì buka woosii nte ye ì sondomoo bee la, bari ì ka tara sikisiki kaŋ ì la laaraŋolu kaŋ. Niŋ ì be siimaŋo niŋ wayinoo daani kaŋ, ì ka ì balajaatoolu namaŋ-namaŋ ko jalambatulaalu. Ì balanta nte ma.

Kuma Kotoomaalu 28:9

Moo-wo-moo balanta ka luwaa nooma, hani a la duwaa faŋo konta le.

Jabuuroolu 109:7

Allamaa niŋ ì ye a kiitindi, a ye boyi. Allamaa a la duwaa ye ke a ye junuboo ti.

5 Musa 1:45

Wo to le ali muruta naŋ ka kumboo Yaawe ñaatiliŋo la. Bari a maŋ i lamoyi ali la kumboo kaŋo la waraŋ ka ali danku.

Kuma Kotoomaalu 1:27

niŋ silaŋo naata ali kaŋ komeŋ foño baa, maasiiboo komeŋ saafoñotoo, niitooroo niŋ bataa kuwo ye ali taki.

Jabuuroolu 18:42

Wo to le ŋa ì buutee kendeke, fo ŋa ì bee faa. Ŋa ì tuu le, ŋa ì doriŋ-doriŋ ko potoo, meŋ be mbeedoolu kaŋ.