Yuuba 21:33 - Mandinka Bible

³³ Kafu baa si bula ì furewo nooma, aduŋ moolu mennu ka tara ñaato, wolu fanaa buka yaatee noo. Hani kaburoo faŋo be sooneeyaa la ì ye le.

Yuuba 21:33 Referans Kwoze

Hiburunkoolu 9:27

Tooñaa le mu, moo-wo-moo ñanta faa la siiñaa kiliŋ ne, wo koolaa kiitiyo si naa.

Yuuba 30:23

Ŋa a loŋ ne ko, i be n samba kaŋ naŋ saayaa le kaŋ, dulaa, niilamaa bee be labaŋ na daameŋ.

Kawandilaa 12:7

bankumunkoo be muru la bankoo kaŋ, a bota meŋ bala, niyo be muru la Alla kaŋ, meŋ ye a dii.

Kawandilaa 8:8

Hadamadiŋ maŋ semboo soto ka foñoo mara, waraŋ ka semboo soto a la saayaa luŋo la. Keloo waatoo la, kelediŋ buka foñondi. Kuruŋyaa kuwo buka moo kuruŋo maakoyi noo.

Kawandilaa 1:4

Jamaanoo le ka taa, jamaanoo ye naa. Duniyaa wo be tu la a ñaama le fo fawu.

Yuuba 24:24

Ì la kuwo si wuli fo waati kuntundiŋ, ì si naa yeemaŋ. Ì la kuwo si jii ko firi noroŋo, ì ka kasaara le ko, niŋ i ye siimaŋ muroo kuntu siimaŋ kaloo bala.

Yuuba 17:16

Fo n niŋ jikoo ñiŋ be taa ñoo la kaburoo kono le baŋ? Fo n niŋ a be saareŋ na ñoo la le baŋ, ka ke bankumunkoo ti?

Yuuba 3:22

Feŋ maŋ a kontaani ka tambi ka tara kaburu dinkoo kono.

1 Musa 3:19

I be kali la tara la le foloo, janniŋ i be feŋ soto la ka a domo, fo janniŋ i be seyi la ka ke bankoo ti kotenke, i daata meŋ na. I daata bankumunkoo le la, aduŋ i be labaŋ na ke la bankumunkoo le ti.”

Yuuba 21:32

Niŋ ì taata ì dandaŋ kaburoo to, ì ka tara ì la kaburoolu kanta kaŋ ne.