Yuuba 15:4 - Mandinka Bible

⁴ I ka Alla ñaasilaŋo kuwo le jindi, aniŋ i ka Alla batoo la kuwo yomfandi.

Yuuba 15:4 Referans Kwoze

Roomankoolu 3:31

Wo to, fo ǹ ka Luwaa ke kuu kenseŋo le ti baŋ ǹ na lannoo kamma la? Wo te ke noo la muk! Wo noo to, ǹ ka Luwaa le bambandi.

Kalatiyankoolu 2:21

M maŋ Alla la hiinoo muta kuu kenseŋo ti, kaatu niŋ tiliŋo Alla ñaatiliŋo la si soto noo ka bo niŋ Luwaa la yaamarimutoo le la, wo to Kiristu la saayaa maŋ daliila soto.

Luka 18:1

Yeesu ye mansaaloo doo fo ì ye ka ì karandi ko, ì ñanta duwaa la le waati-wo-waati, aduŋ ì kana jikilateyi.

Sefaniya 1:6

Moo-wo-moo ye a koo dii nte Yaawe la, m be a kasaara la le, aniŋ mennu buka ì daa ke n na kuu to, sako ka n na yaamaroo ñini.”

Amosi 6:10

Baadiŋo meŋ ñanta ñiŋ furewolu jani la, be naa la le ka ì fintindi buŋo ñiŋ kono. A be moo ñininkaa la le meŋ tuta maaboriŋ buŋo kono ko, fo moo doo le be jee. Niŋ a naata jaabiroo soto ko, “Hanii,” a be a fo la wo ye le, “Tuuk, m̀ maŋ ñaŋ na Yaawe too kumandi la.”

Hoseya 7:14

Ì buka woosii nte ye ì sondomoo bee la, bari ì ka tara sikisiki kaŋ ì la laaraŋolu kaŋ. Niŋ ì be siimaŋo niŋ wayinoo daani kaŋ, ì ka ì balajaatoolu namaŋ-namaŋ ko jalambatulaalu. Ì balanta nte ma.

Jabuuroolu 119:126

Yaawe, waatoo siita le ka maamaŋ, kaatu moolu ka i la luwaa tiñaa le.

Yuuba 27:10

Fo a si seewoo ñini Alla Tallaa bulu baŋ? Fo a be tara la Alla too kumandi la le waati-wo-waati?

Yuuba 6:14

Moo meŋ be niitooroo kono ka suula a teerimaalu la ŋaniya kendoolu le la. Niŋ wo nte, Alla Tallaa silaŋñaa semboo bee si baŋ a bala.

Yuuba 5:8

Niŋ nte mu ite ti, m be m faŋ seyi la Alla ma le, ŋa n na kuwo laa a ñaa koto.

Yuuba 15:3

Muŋ ne ye a tinna i be i faŋ sansaŋ na niŋ kuma kenseŋolu la? I la kumakaŋolu maŋ nafaa soto.

Yuuba 15:5

I maŋ tara sila tilindiŋo kaŋ, wo le ye a tinna i ka diyaamu teŋ. Bituŋ i ka a dendendi niŋ feere kumoolu la.