Yuuba 15:30 - Mandinka Bible

³⁰ Aduŋ a te kana noo la saayaa ma. A la kuwo be muluŋ na le komeŋ yiroo, dimbaa ye meŋ buloolu buruburu, foñoo ye a firoolu bee konkoŋ a bala.

Yuuba 15:30 Referans Kwoze

Yuuba 4:9

Alla ye a niijii ì kaŋ, ì faata, a la kamfaa ye ì fee jana komeŋ saafoñotoo.

Yuuba 20:26

Kasaaroo le be laariŋ ñaato ì la fankoolu kamma. Dimbaa meŋ moo buka a mala, wo le be itolu faŋolu domo la, aniŋ feŋ-wo-feŋ tuta ì yaa.

Yuuba 15:22

A te ñiŋ lannoo soto noo la ko, a si kana noo maasiiboo ma le, a ye ñiŋ ne loŋ ko, hawusaroo* le be a faa la.

Lankenemoo 19:15

Hawusari* daa diimaa fintita naŋ a daa kono, a be duniyaa nasiyoŋolu sepu la meŋ na. A be ì mara la niŋ needokoo le la, aduŋ a be ì dori la wo yiridiŋ bitidulaa kono le, meŋ mu Alla Mansa Tallaa la kamfaa jawu baa ti.

Yuuda 1:13

Ì be le ko fankaasoo jiibaliŋ saŋarariŋolu, ì ka malu kuwolu fintindi ko jiibaliŋolu la kankaŋo ka fuusa banta ñaameŋ. Ì be le ko looloo taamalaalu, dibi baa kataŋo mu ì taa le ti fo abadaa.

2 Pita 2:17

Wo faniyaa karandirilaalu la kuwo be le ko woyoolu, mennu maŋ jiyo soto, waraŋ komboo, foñoo ka meŋ janjaŋ. Dibi baa kataŋo le be pareeriŋ ì ye fokabaŋ.

Matiyu 25:41

“Bituŋ a si naa a fo a maraalankoolu fanaa ye ko, ‘Ali bo nte bala, alitolu mennu dankata. Ali duŋ badaa-badaa dimbaa kono, meŋ parendita Ibiliisa niŋ a la dookuulaalu ye.

Matiyu 22:13

Wo to le mansakewo ko a la dookuulaalu ye ko, ‘Ali a siŋolu niŋ a buloolu siti, ali ye a fayi banta diboo kono, kumboo niŋ nimisoo be daameŋ.’

Matiyu 8:12

Bari moolu mennu ñanta tara la Alla la mansabaayaa kono, wolu be fayi la banta le diboo kono, kumboo niŋ nimisoo be daameŋ.”

Yesaya 30:33

Tooñaa, ì meeta Tofeti parendi kaŋ ne, ì ye a parendi mansa le kamma. A dinkoo bee mu dimbaa le ti, ì ye a fanundi ka a dinkandi. Loo niŋ dimbaa be fuumariŋ a kono. Yaawe la niijii foñoo meŋ malariŋo ka woyi naŋ, a be a hilihilindi la le.

Yesaya 11:4

A be fentaŋolu la kiitiyo kuntu la tiliŋo le kono, a ye bankoo fuwaaroolu la kuwo kiitii niŋ tooñaa siloo la. A la kumoo be banku moolu kuluu la le, a la yaamaroo ye suŋ moo kuruŋolu la saayaa la.

Yuuba 22:20

“Tooñaa-tooñaa, ǹ jawoolu kasaarata le, aduŋ ì ye meŋ tu, dimbaa ye wo fanaa domo le.”

Yuuba 18:18

Alla be ì bondi la duniyaa kono, a be ì ñori la ka bo maloo dulaa to ka taa diboo kono.

Yuuba 5:14

Hani tiloo ñaama, itolu ka tara diboo le kono. Ì ka moomooroo ke tilibuloo ko ì be suutoo le kono.

Yuuba 15:23

A hakiloo ka tara ñiŋ ne kaŋ ko, duwoolu le be a furewo batu kaŋ. A koyita a ma le ko, a la kasaaroo baayiñaa te wo la.

Yuuba 15:34

Moo kuruŋ kafoo te jiidi noo la, dimbaa le be ì yaalu jani la, ì ye mennu loo dukufeŋolu la.

Yuuba 18:16

Ì la kuwo ka muluŋ ne komeŋ yiroo meŋ, a suloolu jaata bankoo kono, a buloolu norota santo.

Yuuba 31:12

A si ke n ye komeŋ dimbaa, a ye n domo fo ŋa kasaara, a ye n na siimaŋ feŋolu bee jani fo ì ye baŋ fereŋ.

Hoseya 6:5

Wo le ye a tinna ŋa n na annabiyomoolu kii naŋ ali kaŋ, ka kiitiyo niŋ yankankatoo bankee ali ye. N na kiitiyo fintita le ko tiloo.