Yuuba 15:24 - Mandinka Bible

²⁴ Mantooroo niŋ niikuyaa le ka a kijabo. Ì ka a boyinkaŋ ne, ko mansakewo ka boyinkandiroo ke ñaameŋ.

Yuuba 15:24 Referans Kwoze

Roomankoolu 2:9

Toora baa niŋ niikuyaa be tara la moolu bee kaŋ ne, mennu ka kuu jawoolu ke, Yahuudoolu foloo ye, wo koolaa moo koteŋolu.

Yesaya 13:3

Ŋa n na moo kerekereriŋolu yaamari le, ŋa n na kelejawaroolu kumandi, n na kandaa sikandiriŋolu, fo ì si n na kamfaa taamandi.”

Kuma Kotoomaalu 24:34

fuwaareyaa be naa i kaŋ ne komeŋ ñapinkannaa, fentaŋyaa, komeŋ boyinkannaa.

Kuma Kotoomaalu 6:11

fuwaareyaa be naa i kaŋ ne komeŋ ñapinkannaa, fentaŋyaa, komeŋ boyinkannaa.

Kuma Kotoomaalu 1:27

niŋ silaŋo naata ali kaŋ komeŋ foño baa, maasiiboo komeŋ saafoñotoo, niitooroo niŋ bataa kuwo ye ali taki.

Jabuuroolu 119:143

Mantooroo niŋ niikuyaa le laata n kaŋ, bari i la yaamaroolu le ka n seewondi.

Yuuba 15:20

Moo kuruŋo ka a baluu tiloo bee ke niitooroo le kono, fitinamoo ka a la baluwo bee ke bataa le kono.

Yuuba 15:21

Silaŋ kumoolu doroŋ ne ka tara a tuloolu kono, aduŋ hani niŋ kayiroo be keriŋ, ate ka tara i yillaariŋ boyinkandiroo le la.

Yuuba 15:23

A hakiloo ka tara ñiŋ ne kaŋ ko, duwoolu le be a furewo batu kaŋ. A koyita a ma le ko, a la kasaaroo baayiñaa te wo la.

Yuuba 15:25

Hadamadiŋo la kuwo be laariŋ teŋ ne, meŋ ye kurupeñoo dadaa Alla Tallaa kamma, ka haañi i loo laa Alla fee.

Yeremiya 36:29

I si ñiŋ fo Yehoyakimu la kuwo to jee ko, nte Yaawe ye ñiŋ ne fo ko, ate ye ñiŋ kitaaboo jani le. A ko muŋ ne ye a tinna Yeremiya ye a safee jee ko, fo Babiloni mansakewo si naa doroŋ, a ye ñiŋ bankoo kasaara. A be hadamadiŋolu niŋ beeyaŋolu bee turubaŋ na jee le.

Yuuba 19:11

A ye a la kamfaa jindi n kaŋ, ka m muta ko a jawoo.

Yuuba 19:12

A ye a la kelediŋ kafoolu bendi ñoo kaŋ, ì ye sapoolu dadaa ka n suki, ka daakaa loo n na tiriliisoo* karoo bee la.