Yuuba 15:21 - Mandinka Bible

²¹ Silaŋ kumoolu doroŋ ne ka tara a tuloolu kono, aduŋ hani niŋ kayiroo be keriŋ, ate ka tara i yillaariŋ boyinkandiroo le la.

Yuuba 15:21 Referans Kwoze

Yuuba 18:11

Ì dandaŋolu bee niŋ ì silaŋ kuu feŋolu, ì be ì nooma, ì taata daa-wo-daa.

1 Tesalonikankoolu 5:3

Niŋ moolu ko, “Kayiroo niŋ tenkuŋo le be keriŋ,” bituŋ waati kiliŋ doroŋ, kasaaroo si boyi ì kaŋ ko tiŋo ka boyi musukonomaa kaŋ ñaameŋ, moo te kana noo la a ma.

3 Musa 26:36

Toomaalu mennu be tu la ali kono ali jawoolu la bankoo kaŋ, m be jooteeyaa le duŋ na wolu sondomoolu kono, ali jawoolu ye. Hani niŋ foñoo le ye jamboo tindi, a maakaŋo si ali borindi komeŋ keleborilaa, aduŋ ali si busandi, a ye a tara moo maŋ ali bayindi.

1 Korintinkoolu 10:10

Ali ǹ kana ŋunuŋunu ko ì doolu ŋunuŋunuta ñaameŋ, meŋ ye a tinna saayaa malaayikoo ye kasaaroo laa ì kaŋ.

Lankenemoo 9:11

Ì ye mansoo le soto, meŋ be marariŋ ì la, aduŋ wo mu wo dinka dambaloo le malaayikoo ti. Hiburu kaŋo to, a too mu Abadoni le ti, Jirisi kaŋo to, a mu Apolliyoni le ti.

Jabuuroolu 92:7

Moo kuruŋolu ka jambandi le komeŋ ñaamoo, kuu jawu kelaalu ka firiŋ, hani wo ì be kasaara la le fereŋ.

Yuuba 27:20

Kijafaroo si a taki ko waamoo. Suuto foño baa le be a tindi la jana.

2 Mansoolu 7:6

Kaatu Yaawe ye a tinna le Aramu kelediŋolu tuloo ye keleraŋ sareetoolu* bori kaŋo moyi naŋ, aniŋ suwoolu niŋ kelediŋ kafu baa. Wo ye a tinna le ì ko ñoo ye ko, “Banisirayilankoolu la mansa ye Hitinkoolu la mansoolu le laa a faŋ kaŋ, aniŋ Misira mansoolu ka naa ǹ kele.”

Yuuba 15:24

Mantooroo niŋ niikuyaa le ka a kijabo. Ì ka a boyinkaŋ ne, ko mansakewo ka boyinkandiroo ke ñaameŋ.

Yuuba 18:14

Ì ye ì bayi ka bo ì la tankoo tiriliisoo to, ì be sabatiriŋ daameŋ. Ì ye ì wafu naŋ, ka ì dii saayaa la, maasiiboo mansa.

Yuuba 20:21

Ì la domotaa koolaa feŋ buka tu ì bulu, wo ye a saabu, ì la firiŋo te labaŋ noo la.

Yuuba 22:10

Wo le ye a tinna kutindiŋolu be laariŋ i ye karoo bee la, silaŋ baa dunta i la waati kiliŋ.

Yuuba 24:17

Suutoo diboo le mu itolu la soomandaa ti, suutoo diboo silaŋo, itolu dalita wo la le.

Kuma Kotoomaalu 10:24

Moo kuruŋo silata kuwo meŋ na, a be bula la a kono le, bari moo kendoo ye meŋ ŋaniya, wo le be ke la a ye.

Esita 7:6

Esita ko a ye ko, “Ǹ toorandilaa niŋ ǹ jawoo mu ñiŋ Hamani moo kuruŋo le ti.” Bituŋ Hamani ye a ñaa mala mansa niŋ a la musoo kaŋ.

Kuma Kotoomaalu 28:1

Moo kuruŋo ka bori le, hani moo maŋ tara a nooma, bari moo tilindiŋo ka fatiyaa le ko jatoo.

Yeremiya 6:26

Yaawe ko: “Hee n na kanu moolu, ali booto funtoolu duŋ, ka ali la niikuyaa yitandi, ali ye i bidibidi seebuutoo kono, ali ye saŋakumboo ke ko meŋ dinkee kiliŋo faata, ka kumboo kendeke, kaatu kataba kiliŋ wo tiñaarilaa kafoo be boyi la ali kaŋ.”