Yuuba 11:3 - Mandinka Bible

³ Fo i la ñiŋ kumabaafoo le be moolu deyindi noo la baŋ? Niŋ i ye tooñeeroo ke, fo moo maŋ ñaŋ na i dooyaa la baŋ?

Yuuba 11:3 Referans Kwoze

Yuuba 17:2

Ñaawalilaalu ye n kuru, m faŋo ñaa le loota ì la jawuyaa kuwo kaŋ.

Yuuda 1:18

ye mennu fo ali ye ko, “Luŋ labaŋolu kono, ñaawalilaalu be naa la le, mennu be tara la ì balajaatoolu la hame kuu jawoolu nooma la, ì la allantaŋyaa kono.”

Titus 2:8

Kuma kendoolu fo, mennu te muta noo la kasi ti, fo i balannaalu si malu, aduŋ ì kana kuma jawu soto, ì be meŋ fo la m̀ ma.

2 Tesalonikankoolu 3:14

Niŋ moo-wo-moo balanta yaamaroolu la, ŋà mennu fo ñiŋ leetaroo kono, ali si ali hakiloo tu wo maarii to. Ali niŋ a kana kafu ka kuu ke, fo a si malu.

Yeremiya 15:17

M buka sii tulunnaalu la kafoo kono, sako n si jusulaa. N ka tara m faŋ ye le, kaatu m be ite le bulu marariŋ, aduŋ n ka faa i ye jusukandoo la le, moolu la kuwo to.

Jabuuroolu 83:16

Hee Yaawe*, malu kuwo feenee ì kaŋ, fo ì si i too la waroo loŋ.

Jabuuroolu 35:16

Ì la ñaawaliroo jawuyaata le ko Alla sookilaalu. Ì kamfaatoo ka i ñimmakiŋ n kamma le.

Yuuba 34:7

Fo Yuuba ñoŋ ne be keriŋ baŋ, moo meŋ ka ñaawaliroo ke ko niŋ a be jiyo miŋ na?

Yuuba 24:25

Niŋ ñiŋ maŋ soto, saayiŋ jumaa le si n na kuwo faniyandi noo ka a yitandi ko, n na diyaamoo mu kuma kenseŋo le ti?

Yuuba 21:3

Ali ali faŋ muta, niŋ m be diyaamu la. Niŋ n diyaamuta fokabaŋ, ali si naa n ñaawali.

Yuuba 13:9

Fo a si beteyaa alitolu faŋo la karoo la baŋ, niŋ a ye ali la kuwo kisikisi? Ali si ate feere noo baŋ, ko ali si hadamadiŋolu feere noo ñaameŋ?

Yuuba 13:4

Alitolu ye ali la lombaliyaa dendendi faniyaa kumoolu le la. Ali ye ali faŋ ke jaaralilaa ti, ali te hani moo jaara noo la.

Yuuba 12:4

N keta jelefeŋo ti n teeroolu ye, Alla ye i danku nuŋ nte meŋ na kiliroo la. Nte moo tilindiŋo meŋ maŋ sootaari soto, nte le keta jelefeŋo ti teŋ.