Yuuba 11:19 - Mandinka Bible

¹⁹ Moo te i silandi noo la, niŋ i be laariŋ. Moolu le be kali naa la i ñaañini la, ka deemaaroo ñini i bulu.

Yuuba 11:19 Referans Kwoze

Yesaya 60:14

I toorandilaalu koomalankoolu be naa ñoyi la i koto le, moolu mennu bee jututa i la, be naa ñoyi la i siŋo koto le. Ì be ite Siyoni kumandi la Yaawe la Saatewo le la, Banisirayila la Alla Senuŋ Baa la Saatewo.

Jabuuroolu 45:12

Tire saatee moolu be i ñaañini la niŋ soorifeŋolu le la, naafulutii baalu be i ñaañini la le.

Lankenemoo 3:9

A juubee, m be kuwo meŋ laa la wo moolu kaŋ, mennu mu Seetaanoo* la kafoo ti. Ñiŋ faniyaa folaalu ka ì faŋolu kumandi Yahuudoolu le la, bari ì maŋ ke wolu ti. M be a tinna le, fo wo moolu ye naa ka sujudi i siŋolu to, aduŋ ì be a loŋ na le ko, nte ye i kanu le.

Yesaya 45:14

Yaawe ko Banisirayilankoolu ye ko: “Misirankoolu la naafuloo aniŋ Kusinkoolu* la marisandiisoo be ke la ali taa le ti. Sebankoolu la wo kee jaŋolu be ke la ali la joŋolu le ti. Ì be tara la bulariŋ ali nooma neejoloolu le daa. Ì be jimi la ali ye le, ì ye a fo ko, ‘Tooñaa-tooñaa, Alla be ali fee le, Alla koteŋ te keriŋ.’ ”

Kuma Kotoomaalu 19:6

Jamaa ka maakoyiroo ñini moo kummaalu le bulu, aduŋ moo bee teeri ka ke moo le ti, meŋ ka moolu so soorifeŋolu la.

3 Musa 26:6

M be kayiroo dii la ali la ali la bankoo kaŋ ne, aduŋ ali be kali i laa la le, ali ye siinoo, moo te ali silandi la. M be daafeŋ saŋaroolu bondi la bankoo kaŋ ne, aduŋ m be ali jawoolu niŋ ì la hawusaroolu* kaarindi la ali la bankoo la le.

Yuuba 11:18

I si taamaayaa soto, kaatu jikoo le be tara la i ye. I si tankoo soto, i ye i la foñondiŋo ke kayiroo kono.

Jabuuroolu 4:8

M be n laa la le dek, ŋa siinoo kayira kono, kaatu ite Yaawe doroŋ ne ka n sabatindi tankoo kono.

Jabuuroolu 127:2

Nafaa te a la, i ka wuli juuna, i ka mee i ñaa la, ka tara i la daañiniŋo ñini la bataa kono. Alla le ka wo dii a kanuntewolu la, hani niŋ ì be siinoo la.

Kuma Kotoomaalu 3:24

Suutoo niŋ i be laariŋ, i te sila la, aduŋ i si siinoo diyaariŋo soto.

Yesaya 17:2

Aroweri dandanna saatewolu be kenseŋyaa la le, ka ke beeyaŋolu la koorewo ti. Ì si i laa jee, moo te ì silandi la.

Mika 4:4

Moo-wo-moo, a be sii la a fansuŋ wayini* yiroo le koto, aniŋ a fansuŋ sooto suŋo. Moo te ì silandi noo la kotenke, kaatu Yaawe Alihawaa Maariyo* faŋo la kumakaŋo le mu.

Sefaniya 3:13

Moolu mennu be tu la Banisirayila kono, wolu te kuu jawu ke la, ì te faniyaa fo la, aduŋ tapaleeyaa neŋ te tara la ì daa. Ì si domoroo ke ì ye i laa, aduŋ moo te ì silandi noo la.”

2 Taarika 20:30

Bituŋ tenkuŋo naata Yehosafati la mansamarali bankoo kaŋ, kaatu a la Alla ye kayiroo dii a la karoo bee la le.

Esekiyeli 34:28

Ì te ke la ñapinkaŋ feŋolu ti bantala bankoolu ye kotenke. Wulakono daafeŋ jawoolu te ñapi la ì kaŋ kotenke, ka ì domo. Ì be tara la kayiroo le kono jee, aduŋ moo te ì silandi noo la kotenke.