Yuuba 10:6 - Mandinka Bible

⁶ Fo wo le ye a tinna baŋ, i be korontoriŋ ka n na boyidaa ñini, aniŋ ka n na junube kuwo kisikisi?

Yuuba 10:6 Referans Kwoze

Sefaniya 1:12

Wo waatoo la, m be tara la Yerusalaamu ñini la niŋ lampu maloo le la. M be moolu jarabi la le, mennu be laariŋ ì faŋ na ko, ì la kuwolu be beteyaariŋ ne. Ì ka ñiŋ miira ko, Yaawe te kuu ke la, a jawumaa to baŋ, waraŋ fo a betemaa to.

Yeremiya 2:34

I la duŋ feŋolu bala niŋ fuwaaroolu yeloo le mu, moolu mennu maŋ kuu ke, i maŋ mennu muta dulaa teyi la, bari hani wo bee,

Jabuuroolu 44:21

fo ite Alla te wo loŋ na baŋ? Bayiri ite ye sondomoo kono kulloolu bee le loŋ.

Jabuuroolu 10:15

Moo kuruŋolu niŋ moo jawoolu semboo tiñaa. Ì jarabi ì la kuu kuruŋolu la fo a bee ye baŋ ì bala.

Yuuba 14:16

Wo to, i be tara la n simfaañaalu yaatee kaŋ ne, bari i te tara la n na junube kuwolu koroosi la.

1 Korintinkoolu 4:5

Wo to, ali kana kiitiyo laa moo-wo-moo kaŋ, janniŋ waatoo be sii la. Ali Maariyo la naa batu, aduŋ a be feŋolu fintindi la maloo kono le, mennu be maaboriŋ diboo kono. Ate le be miiroolu waañaari la, mennu be hadamadiŋolu sondomoolu kono. Bituŋ moo-wo-moo be jayiroo soto la Alla bulu le, a ñanta meŋ soto la.

5 Musa 4:29

Bari hani wo dulaa to, ali be Yaawe ali la Alla ñini la jee le ali sondomoo bee la aniŋ ali niyo bee la, aduŋ ali be a je la le.

Yuuba 7:20

Niŋ ŋa junube kuwo ke, ŋa muŋ kuu le ke i la, ite hadamadiŋolu Kantalaa? Muŋ ne ye a tinna, i hameta n kamma? Fo n na kuwo keta i ye kunto dunoo le ti baŋ?

Yuuba 13:23

Ŋa boyidaa nankamu aniŋ junube nankamu jelu le ke? N na junuboo niŋ n na tooñeeridaa yitandi n na.

Yuuba 21:4

Fo nte ye n na kuwo dunoo laa hadamadiŋ ne kaŋ baŋ? Hanii! Ŋa daliila koyoo le soto ka muñabaliyaa.

Yuuba 33:13

Muŋ ne ye a tinna i ye Alla tuumi, kaatu a maŋ i la ñininkaaroolu jaabi?