Yuuba 10:18 - Mandinka Bible

¹⁸ Muŋ ne ye a tinna i ye nte fintindi ka bo wuluuñaŋo kono? Nte ñanta faa la le, janniŋ ñaakesoo ka boyi n kaŋ.

Yuuba 10:18 Referans Kwoze

Matiyu 26:24

Moo Dinkewo be faa la le ko a la kuwo safeeta ñaameŋ, bari kooroo be wo moo le ye, meŋ ye a jamfaa! A be fisiyaa la wo fee le faŋ, niŋ a nene maŋ wuluu ñiŋ duniyaa kono.”

Yeremiya 15:10

Hee, nte Yeremiya, m baa la n wuluwo keta n ye bataa le ti! N keta moo le ti, ì ka tu meŋ na kuwo ñoosaba la, aniŋ ka n kele bankoo bee kaŋ. M maŋ moo donto, moo maŋ n donto, hani wo, moo bee ka n danka.

Yuuba 14:10

Bari hadamadiŋo, niŋ a faata, a daŋo bee ka ke wo le ti. Wo to a ka tara mintoo le, niŋ a maŋ tara keriŋ?

Yuuba 11:20

Bari moo kuruŋolu be ke la le ko finkintewolu, ì te sila je noo la, ì be bori la meŋ na. Ì hakiloo be tara la looriŋ saayaa doroŋ ne kaŋ.

Yuuba 10:19

Ka bo wuluuñaŋo kono doroŋ, ì ye n tentendi kaburoo kono. A ye ke ko n nene maŋ soto.

Yuuba 23:17

N na koleyaa diboo bee kono, m maŋ n deyi, dibi baa ye m muuri ñaa-wo-ñaa.

Jabuuroolu 71:6

N jikita ite le la ka bo n wuluu waatoo la. Ka bo tuma meŋ m be m baa wuluuñaŋo kono, i ye n hati le. M be tu la i jayi la le.