Yuuba 10:1 - Mandinka Bible

¹ N ñewunta n na baluwo faŋo le la. Wo kamma la, n te n deyi la n na bataa kuwo saatoo la. Meŋ ye a tinna n na baluwo be kuniyaa la m bulu, a ñanta finti la le.

Yuuba 10:1 Referans Kwoze

Yuuba 7:11

Wo kamma la, n te n deyi la. M be n na niikuyaa daa fo la le. N niyo toorata le, n ñanta a fo la le.

1 Mansoolu 19:4

Ate faŋo taamata keñewuloo* kono tiloo muumewo la. A naata futa yirindiŋo ma, a siita a koto, aduŋ a duwaata fo a si faa. A ko, “Yaawe*, ñiŋ kuwo koleyaata le. Nte niyo taa. Niŋ nte faata faŋ wo le fisiyaata.”

4 Musa 11:15

Niŋ i be n na kuwo laa la teŋ, wo to i ye m faa siiñaa kiliŋ. Hiina n ye, i kana n ñaa londi m faŋo la bataa kaŋ.”

Yunusa 4:8

Kabiriŋ tiloo wulita, Alla ye foño kandoo bondi naŋ tilibo karoo la fo Yunusa lafita ketu la, feŋ teŋ fo tiloo la finjaloo meŋ be tilindiŋ a kuŋo to. Bituŋ feŋ ne maŋ diyaa a ye nuŋ fo saayaa. A ko, “Ŋa faa, wo le fisiyaata n ye baluwo ti.”

Yuuba 9:21

Sootaari te n na kuwo to ñaa-wo-ñaa, bari m maŋ ñaŋ noo m faŋ to. M pasita le ka tara baluwo to.

Yuuba 5:20

Niŋ konko jawoo naata, ate le be i balundi la, aniŋ keloo waatoo la, ate le be i tanka la saayaa ma.

Yunusa 4:3

Saayiŋ Yaawe, m bondi duniyaa, kaatu ŋa faa, wo le fisiyaata n ye baluwo ti.”

Yesaya 38:17

Tooñaa, ka dimiŋ baa ñiŋ muña, keta n ye kendeyaa le ti. I ye i la kanoo yitandi n na le, ka n tankandi kasaaroo dinkoo ma. I ye n na junuboolu bee fayi i kooma le.

Yesaya 38:15

Bari n si muŋ ne fo noo? A ye laahidoo dii le, aduŋ a ye meŋ fo, a ye a ke le. M buka siinoo noo fereŋ, kaatu n niyo kuyaata le.

Yuuba 19:4

Niŋ a ye a tara tooñaa le mu ko, nte maŋ tara sila kendoo kaŋ, n na jenkoo, wo tuta nte faŋo le bulu.

Yuuba 14:13

M be lafi la ñiŋ ne la, i ye n samba laakira, ŋa tara maaboriŋ jee, fo niŋ i la kamfaa banta. Bituŋ i ye naa waatoo londi, i be kali la n na kuwo kalamuta la meŋ na.

Yuuba 7:16

M pasita le ka tara baluwo to, hani wo nte, n te tara la baluwo to fo fawu. M bula ŋa faa. Nte la tara baluuriŋ nafaa mu muŋ ne ti?

Yuuba 6:26

Alitolu ye a miira, ali si nte tilindi noo niŋ ali neŋolu la baŋ? Ali ye nte, moo bataariŋo, la kumoo ke ko foño kenseŋo.