Yunusa 2:9 - Mandinka Bible

⁹ Bari m be sadaa* bo la i ye le, ŋa i jayiraŋ suukuwo laa, aduŋ ŋa n kali meŋ na, m be wo ke la le. Kiisoo bota naŋ Yaawe le yaa.”

Yunusa 2:9 Referans Kwoze

Jabuuroolu 3:8

Tankoo ka bo Yaawe le bulu, Allamaa a la neemoo ye tara a la moolu fee. S

Jabuuroolu 50:14

Ali tenturoo le dii nte Alla la ko sadaa, aduŋ ali ali la laahidoolu timmandi nte Mansa Tallaa ye.

Hiburunkoolu 13:15

Wo to, ali ŋà tu jayiroo dii la Alla la, ka bo niŋ Yeesu la. Ñiŋ jayiroo le mu ǹ na sadaa* ti, meŋ ka a seedeyaa ko, ate le mu Maariyo ti.

Jabuuroolu 50:23

Moo meŋ ka tenturoo dii n na sadaa ti, wo maarii ka nte le horoma a ñaama. Moo-wo-moo ka taama sila kendoo la, wo kono nte Alla be a kiisa la le.”

Hoseya 14:2

Ali muru Yaawe kaŋ, niŋ ñiŋ kumoo la ko, “Yamfa ǹ na junuboolu bee la, i ye i la hiinoo yitandi ǹ na, fo ǹ si ǹ na jayiroo samba i ye naŋ ko beeyaŋ sadaa*.

Jabuuroolu 68:20

Ntolu la Alla mu Alla le ti meŋ ka kiisandiroo ke. Ate Yaawe, m̀ Maariyo le ka ntolu kanandi saayaa ma.

Roomankoolu 12:1

Wo to baadiŋolu*, Alla la balafaa kamma la, ŋa ali yaamari, fo ali si ali baloolu dii Alla la ko sadaa* baluuriŋolu, mennu seneyaata, aniŋ mennu ka Alla seewondi. Ñiŋ ne mu baturi tooñaa ti.

Yesaya 45:17

Bari Yaawe le be alitolu Banisirayilankoolu kiisa la, aduŋ ali be tara la tankoo kono le fo abadaa. Ali te maloo waraŋ dooyaa soto la fo abadaa.

Lankenemoo 7:10

Ì be sari kaŋ santo ko: “Kiisoo bota naŋ ǹ na Alla le bulu, meŋ be siiriŋ mansasiiraŋo kaŋ, a niŋ Saajiiriŋo bulu.”

Yohana 4:22

Alitolu Samariyankoolu ka baturoo ke le, bari ali maŋ a loŋ, ali ka meŋ batu. Ntolu Yahuudoolu ye a loŋ ne, ǹ ka meŋ batu, kaatu kiisoo naata ka bo niŋ Yahuudoolu le la.

Yeremiya 33:11

Maadiyaa niŋ seewoo kumakaŋolu be ke la jee le, aniŋ maañoo niŋ a keemaa la maañoobiti maakaŋo, ka taa moolu kumakaŋo, mennu be kali tenturulaŋ sadaalu* samba la nte Yaawe Batudulaa Buŋo* to, ka suukuwo laa ko, ‘Ali Yaawe Alihawaa Maariyo* tentu, kaatu Yaawe beteyaata le, a la kanu bambaloo be tu la le fo abadaa.’ M be ñiŋ bankoo moolu la firiŋo murundi la a ñaama le ko ì be nuŋ ñaameŋ folooto.” Yaawe le ye a fo.

Yuuba 22:27

I be a daani la le, aduŋ a be i moyi la le, aduŋ i be i la laahidoolu timmandi la le.

1 Musa 35:3

Ali ye naa ŋà taa Beteli. M be sadaabodulaa loo la Alla ye jee le, meŋ ye m maakoyi, kabiriŋ m be bataa kono, aduŋ ate le tarata m fee, n taata dulaalu mennu bee to.”

Kiilaalu 4:12

Kiisoo te soto noo la ka bo moo koteŋ na, kaatu too doo maŋ dii duniyaa kono, ǹ si kiisa noo meŋ na.”

Jabuuroolu 107:22

Ì ñanta tenturulaŋ sadaalu* bondi la a ye le, aniŋ ka suukuwolu laa niŋ seewoo la, ka a fo a ye kuwolu mennu ke.

2 Samuweli 15:7

Sanji naanoo bandulaa to, Abusalomu ko mansa ye ko, “Dukaree, m batu, ŋa taa Heburoni ka taa laahidoo timmandi, ŋa meŋ taa Yaawe* ye.

5 Musa 23:18

Ali maŋ ñaŋ na cakakewo waraŋ cakamusoo la kodoo samba la naŋ Yaawe batudulaa to laahidi timmandiraŋ sadaa* ti. Kaatu Yaawe ye wolu bee le haraamuyandi.

Jabuuroolu 27:1

Yaawe* le mu n na lampoo ti, aniŋ n na tankoo, m be sila la jumaa le la? Yaawe le mu n na baluwo tuukuraŋo ti, jumaa le la kuwo be n kija fara la?

Jabuuroolu 95:2

Ali naa ŋà taa Yaawe ñaatiliŋo la ǹ niŋ tenturoo, ka suukuwo laa seewoo kono.

1 Samuweli 12:21

Ali kana bula jalaŋ fuuriŋolu nooma. Ì te feŋ ke noo la ali ye, sako ka ali tankandi, kaatu ì maŋ nafaa soto.