Yunusa 1:3 - Mandinka Bible

³ Yunusa wulita, a maŋ taa, bari a borita Yaawe ma, a ye a kuŋo tiliŋ Tarisi saatewo to. A taata fo Yopa, daameŋ a ye kuluŋo tara jee, meŋ ka taa Tarisi. Kabiriŋ a ye paasoo joo, a bulata kuluŋo kono ka taa Tarisi, fo a si bori noo Yaawe ma.

Yunusa 1:3 Referans Kwoze

Yosuwa 19:46

Me-Yarikoni aniŋ Rakoni, aniŋ dulaa meŋ ñaa be tilindiŋ Yopa la.

1 Musa 4:16

Bituŋ Kaabiila bota Yaawe ñaatiliŋo la, a taata sabati Nodi tundoo kaŋ, Edeni tilibo karoo la.

Kiilaalu 9:36

Wo waatoo la Yeesu noomalanka doo le be Yopa. A too mu Tabita le ti, bari Jirisi kaŋo to a too mu Dookas le ti. Ñiŋ musoo ka tu kebaara betoolu le ke la waati-wo-waati, aduŋ a ka fuwaaroolu fanaa maakoyi le.

Kiilaalu 9:43

Pita tuta sabatiriŋ Yopa jee fo tili jamaa faraboo doo yaa, meŋ too mu Simoni ti.

Yunusa 4:2

A ye Yaawe* daani ko, “Yaawe, fo m maŋ ñiŋ ne fo nuŋ, kabiriŋ m be nuŋ suwo kono? Ñiŋ ne ye a tinna n tariyaata ka bori ka taa Tarisi. Ŋa a loŋ ne ko, i hiinanteeyaata le, aduŋ i ye balafaa soto le, i la kamfaa maŋ tariyaa, bari i la kanoo semboo ka tu warariŋ ne, Alla meŋ ka tariyaa yamfa la.

Yesaya 23:6

Alitolu baadaa borindoo siilaalu, ali woosiitoo ye teyi ka taa Tarisi.

Yesaya 23:1

Kiilaariyaa kumoo fele Tire la kuwo to. Hee Tarisi kulunkononkoolu, ali lemba, kaatu Tire kasaarata le. Hani buŋ ne maŋ tu jee sako tendaa. Ì ye a kibaaroo soto Kitimu le.

1 Mansoolu 19:3

Eliya silata baake, aduŋ a borita ka a niyo tankandi. Bituŋ a naata futa saatewo doo to daameŋ to mu Beeriseba ti, Yahuuda bankoo kaŋ. Bituŋ a ye a la dookuulaa tu wo saatewo to.

2 Tesalonikankoolu 1:9

Kuluuroo be laa la wo moolu kaŋ ka bo niŋ badaa-badaa kasaaroo la. Ì te futa la Maariyo ñaatiliŋo la, ì ye jamfa a la waroo kallankeeyaa* la.

1 Korintinkoolu 9:16

Niŋ n ka kibaari betoo kawandi, wo te ke la kibiri kuwo ti n ye, kaatu a mu ñantoo le ti n kaŋ. Kooroo be n ye, niŋ m maŋ kibaari betoo kawandi!

Kiilaalu 26:19

“Wo kamma la, Mansa Akiripa, m maŋ balaŋ jeroo la, meŋ naata n kaŋ ka bo Arijana.

Esekiyeli 27:12

“Ite Tire, i niŋ Tarisinkoolu ka julayaa ke le, kaatu i fankabaata le. Ì ka kodiforoo, newo, fuyuŋo aniŋ kurudoo faliŋ niŋ i la marisandiisoolu le la.

Yesaya 23:10

Alitolu Tarisinkoolu, ali taa ali la bankoo sene ko Nayili Boloŋo to senelaalu. Tendaa te ali bulu kotenke.

Yuuba 1:12

Yaawe ko Seetaani ye ko, “Wo to saayiŋ, a la sotofeŋo bee be i la maroo to, bari danko doroŋ, i kana kuu ke ate faŋo la!” Wo le to Seetaani bota Yaawe ñaatiliŋo la.

2 Taarika 2:16

M̀ be yiroolu teyi la Libanooni le, ko i suulata a la ñaameŋ, aduŋ m̀ be ì sitiŋ-sitiŋ na ñoo bala le ka ì yankandi baa la fo Yopa, bituŋ i si ì taa jee ka ì samba Yerusalaamu.”

Kiilaalu 15:38

Bari Pawulu ye a miira ko, a maŋ beteyaa ka moo samba ì fee, meŋ ye ì bula Pamfiliya nuŋ, a niŋ ì maŋ taa ka dookuwo ke jee.

Luka 9:62

Bari Yeesu ko a ye ko, “Moo-wo-moo meŋ ye daboo muta ka senoo ke, a ka tu la a kooma juubee la, wo te dookuwo ke noo la Alla la mansabaayaa kono.”

Esekiyeli 3:14

Bituŋ Yaawe la Nooroo ye n samba, kamfaa niŋ niikuyaa naata duŋ n na. Yaawe sembe baa jiita n kaŋ ka m mara.

Yesaya 60:9

Safaari kuluŋolu le mu, ì be naa la le ka i la moolu seyindi naŋ. Ì niŋ ì la sanoo niŋ kodiforoo le be naa, aduŋ wo be horoma baa le naati la nte i Maarii Yaawe ye, Banisirayila la Senuŋ Baa, kaatu ŋa i fandi niŋ horomoo le la. Tooñaa-tooñaa, banku jamfariŋolu ka nte le juubee.

Yesaya 2:16

A be safaari kuluŋolu tunendi la le, aniŋ kuluŋ ñiimaalu bee.

Yuuba 2:7

Wo le to Seetaani bota Yaawe ñaatiliŋo la. A ye Yuuba baloo bee ke kati jawu baa ti, ka bo a sinteetewo to fo a kuŋ teemoo to.

1 Mansoolu 19:9

Kabiriŋ a futata jee, a taata duŋ berehuwo kono ka suutoo laa jee. Bituŋ Yaawe la kumoo naata a kaŋ ka a fo a ye ko, “Eliya, i ka muŋ ne ke jaŋ?”

1 Musa 3:8

Bituŋ ì naata Yaawe Alla maakaŋo moyi, kabiriŋ a be taama kaŋ naakoo kono wulaara sumaa. Musoo niŋ a keemaa ye ì faŋ maabo Yaawe Alla ma yiroolu teema naakoo kono.

Kiilaalu 9:38

Baawo Lida maŋ jamfa Yopa la, aduŋ Yeesu noomalankoolu ye a moyi ko, Pita be jee le, ì naata kee fula kii a kaŋ. Ì ye a daani, fo a si naa katabake ì yaa.

Kiilaalu 9:42

Ñiŋ kuwo naata loŋ Yopa saatewo bee kono. Wo kamma la moo jamaa naata laa Maariyo la.

Esira 3:7

Bituŋ ì ye kodoo dii buŋ loolaalu niŋ kapintaalu la, aniŋ ì ye domoroo, miŋ feŋolu, aniŋ olifu* tuloo dii Sidoninkoolu niŋ Tirenkoolu la, ka a faliŋ ì ma sedari* yiroolu la. Yiroolu be bo la naŋ Libanooni bankoo le kaŋ, aduŋ ì be teyindi la niŋ baa le la, ka naa Yopa saatewo to. Perisiya mansakewo Kirusi le ye kaŋo dii ì la ka ñiŋ ke.

Jabuuroolu 107:23

Doolu be ì kono wolu ye fankaasoo teyi kuluŋolu la, ì ka safaaroo ke wo le ñaama.

Yeremiya 10:9

Ì ka kodiforo tunkandiŋo le bondi naŋ Tarisi, ì ye sanoo bondi naŋ Ufasi. Bulukalaŋ dookuulaa le ye ì dookuu, sani tunkannaa la bululadookuwo. Ì ka duŋ feŋolu le duŋ ì la, bayi daa jawu kuloori ñiimaalu, wolu bee mu dookuunoolaalu la bululadookuwo le ti.

Yunusa 1:10

Ñiŋ ye ì kijoo fara le, aduŋ ì ye a ñininkaa ko, “I ye muŋ ne ke?” Ì ye a loŋ ne ko, a ka bori Yaawe le la, kaatu koomanto, a ye a fo ì ye le.

2 Taarika 2:15

“Saayiŋ, m maarii, i ye wiiti niŋ baali siimaŋ kesoo meŋ na kuwo fo, aniŋ wayinoo niŋ olifu tuloo, ì kii naŋ.

2 Taarika 9:21

A ye safaari kuluŋolu le soto nuŋ baa to, Hiramu la moolu ka mennu dookundi. Sanji saba-wo-sanji saba ì ka muru naŋ ne, ì niŋ sanoo, kodiforoo aniŋ samañiŋo, ka taa ndemoolu niŋ kumaarewolu.

Esekiyeli 2:8

Bari ite hadamadiŋo, kana muriti m ma, ko itolu ye a ke ñaameŋ. I daa yele, i ye feŋo domo, m be naa meŋ dii la i la.”