Yoweli 3:14 - Mandinka Bible

¹⁴ Moo wuliwuloolu, kiitii wulumbaŋo to! Yaawe la luŋo sutiyaata naŋ kiitii wulumbaŋ ne.

Yoweli 3:14 Referans Kwoze

Filipinkoolu 3:2

Ali ali hakiloo tu wo moolu to, mennu ka kuu jawoolu ke, wo wuloolu. Ali ali hakiloo tu wo moolu to, mennu ka ì baloolu nama.

Yoweli 3:2

M be bankoolu bee le kafu la ñoo ma, ŋa ì samba naŋ Yehosafati Wulumbaŋo to. N niŋ ì ye duŋ kiitiyo kono jee, kaatu ì ye m faŋo la moolu, Banisirayilankoolu janjandi bankoolu kaŋ ne taariŋ, ì ye n na bankoo talaa ñoo teema.

2 Pita 3:7

Bari saŋ fatoolu niŋ ñiŋ duniyaa, mennu be sotoriŋ saayiŋ, ì be sotoriŋ Alla la wo yaamari kiliŋo le kaŋ, fo ì si kasaara dimbaa la. Ì be tara la keriŋ ne fo kiitiiluŋo la, aniŋ allantaŋolu la kasaara luŋo.

Yoweli 2:1

Ali binoo fee Siyoni*, n na konko senuŋo*, ali a fee maamandiraŋo ti. Bankoo siilaalu bee ye jarajara, kaatu Yaawe* la luŋo ka naa le, a sutiyaata naŋ ne.

Yoweli 1:15

Kooroo luŋ, luŋ koleŋ baa! Yaawe la luŋo sutiyaata naŋ ne, luŋo meŋ Alla Tallaa be kasaaroo naati la naŋ.

Jabuuroolu 37:13

Bari Maariyo ka jele moo jawoo la le, kaatu a ye a je le ko, sambii a la luŋo be sii la.

Yesaya 13:4

Ali i lamoyi, maakaŋo le be konkoolu kaŋ, ko niŋ moo jamaalu le be jee. Ali i lamoyi, wuurikaŋo le ka kuma mansamarali bankoolu kaŋ, ko niŋ bankoolu le ka beŋ. Yaawe Alihawaa Maariyo* le be a la kelediŋ kafoolu parendi kaŋ keloo ye.

Yesaya 22:1

Kiilaariyaa kumoo fele, ŋa meŋ je wulumbaŋo la kuwo to. Ali ka muŋ maañaa le ke teŋ, ka sele buŋ santo teruriŋolu* kaŋ ka juuraloo ke?

Yoweli 2:11

Yaawe bumbunta a la kelejawaroolu kunto, waroo meŋ be kafoo la, meŋ bulata a nooma! Mennu ka a la yaamaroo muta, yaatee te wolu la. Tooñaa-tooñaa, Yaawe la luŋo warata le, a be jawuyaa la le kendeke. Jumaa le si a muña noo?

Yoweli 3:12

Yaawe ko: “Alitolu bankoolu, ali wuli naŋ, ali ye naa Yehosafati Wulumbaŋo to. M be sii la jee le to, ka dandanna bankoolu bee kiitindi.

Sefaniya 1:14

Yaawe la ñiŋ luŋ baa be sutiyaa kaŋ naŋ ne, a ka naa le, a be sutiyaa kaŋ naŋ ne famfaŋ. Yaawe la ñiŋ luŋo la, kumboo kaŋo be moyi la le, a niikuyaa be wara la baake. Hani kelejawaroolu, ì be lemba la le.