Yoweli 2:10 - Mandinka Bible

¹⁰ Bankoo ka jarajara ì ñaatiliŋo la le, saŋo ye maamaŋ, karoo niŋ tiloo ye dibi, looloolu ye i dahaa maloo la.

Yoweli 2:10 Referans Kwoze

Matiyu 24:29

“Wo koleyaa kuu baa koolaa doroŋ, wo luŋolu la, tiloo be dibi la le, aduŋ karoo te a la maloo dii la. Looloolu be boyi la ka bo saŋo santo, aduŋ saŋ fatoolu la semboo be jiijandi la le.

Yesaya 13:10

Saŋo looloolu niŋ ì la maloo te je la. Niŋ tiloo be wuli la, a si dibi, aduŋ karoo te mala la.

Jabuuroolu 18:7

Bankoo jarajarata, konkoolu fondamaŋolu jiijaata. Ì maamanta le, kaatu a kamfaata le.

Kiilaalu 2:20

Tiloo be dibi la, karoo ye wulee ko yeloo, janniŋ Maariyo la luŋo, luŋ kallankeeyaariŋ* baa.

Lankenemoo 6:12

Ŋa Saajiiriŋo je, a ye noto wooronjaŋo teyi. Wo keta banku jarajara baa ti. Tiloo naata fiŋ ko fintoŋo, aniŋ karoo bee naata wulee ko yeloo.

Yeremiya 4:23

Ŋa duniyaa juubee le, a be kenseŋyaariŋ, sawura te a la, saŋ fatoolu fanaa, ì malafeŋolu bee yeemanta le.

Lankenemoo 8:12

Malaayika naaninjaŋo ye a la footaŋo fee. Wo ye tiloo la talaadaa sabanjaŋo maa, a niŋ karoo niŋ looloolu fanaa la talaadaa sabanjaŋo, fo ì la maloo la talaadaa sabanjaŋo naata dibi. Wo naata a tinna, tiloo niŋ suutoo la talaadaa sabanjaŋo keta diboo ti.

Nahumu 1:5

Konkoolu ka jarajara a ñaatiliŋo la le, konkoriŋolu ye yeluŋ. Bankoo ka jarajara a ñaatiliŋo la le, duniyaa, aniŋ niilamaa feŋolu bee.

Yoweli 2:31

Tiloo be yelema la diboo ti, karoo ye wulee ko yeloo, janniŋ Yaawe la luŋ baa, luŋ koleŋo be naa la.

Yesaya 34:4

Saŋo santo malafeŋolu si yooyi, saŋ fatoo si moromoro, looloolu bee si joloŋ, ko yiri jamba jaariŋo ka joloŋ ñaameŋ, ko sooto diŋ nororiŋo ka joloŋ ñaameŋ.

Jabuuroolu 114:7

Bankoo, jarajara Maariyo ñaatiliŋo la, Yaakuba la Alla.

Matiyu 27:51

Wo loo niŋ baroo teema, ridi baa meŋ tarata Alla Batudulaa Buŋo kono, a farata teema ka bo santo ka naa fo duuma. Banku jarajaroo keta, aniŋ bere konkoo farata.

Amosi 5:8

Alla le ye Sanjaani Benteŋ Looloolu daa, aniŋ Mfaalii Looloolu. Ate le ka suutoo diboo yelemandi soomandaa maloo ti, a ye tiloo ke suutoo ti. Ate le ka fankaasoo jiyolu kili, a ye ì woyindi duniyaa kono. Ate le too mu Yaawe ti.

Yoweli 2:2

Luŋ dibiŋ, dibi fiŋ diboo, tawali fiŋo ye dulaa bee dibindi. Ko ñiŋ dibi fiŋo ye konkoolu muuri, kelediŋ jamaa coomanta naŋ, ì niŋ sembe baa, a siifaa ñoŋo nene maŋ soto, a ñoŋo nene te soto la.

Lankenemoo 20:11

Bituŋ ŋa mansasiiraŋ koyiriŋ baa je, aduŋ saŋo niŋ bankoo yeemanta wo ñaa la, meŋ be siiriŋ a kaŋ. Dulaa maŋ soto ì ye kotenke.

Lankenemoo 9:2

Tumoo meŋ na a ye dinka dambaloo ñiŋ bundaa yele, siisii baa bota naŋ jee ko fuuri baa ka siisiyo bo ñaameŋ. Wo siisiyo ye tiloo niŋ foñoo dibindi kut.

Yesaya 5:30

Ì be bumbuŋ na le ko fankaasoo. Wo luŋo la, ko niŋ tawali fiŋo ye tiloo muuri, diboo aniŋ niikuyaa le be tara la Banisirayila bankoo kaŋ.

Yoweli 3:4

“Tire niŋ Sodomu saatewolu ka taa fo Filisitini tundoolu bee, ali ye muŋ haaji le soto m bala? Fo ŋa julu le duŋ ali la baŋ, ali be n joo kaŋ meŋ na? Niŋ ali be julujoo le la, m be ali la julujoo murundi la ali kaŋ ne waati kiliŋ, a ye donko ali faŋo kuŋo kaŋ ñaabiti niŋ ñaayele teema.