Yoweli 1:20 - Mandinka Bible

²⁰ Hani wulakono daafeŋolu be ñaaniriŋ ite Yaawe la le, kaatu jii siloolu jaata le, dimbaa ye beeyaŋ daañini dulaa bee jani.

Yoweli 1:20 Referans Kwoze

Jabuuroolu 104:21

Jatoolu ka bumbuŋ ì la deema suboolu kamma le, ka tara i yillaariŋ domoroo ma, Alla ka meŋ dii.

1 Mansoolu 17:7

Kabiriŋ waati bota a la, bolondiŋo ñiŋ naata jaa, kaatu sanji maŋ ke nuŋ bankoo kaŋ.

Jabuuroolu 147:9

A ka domoroo dii beeyaŋolu la le, a ka kunu diŋolu daañini, niŋ ì woosiita.

Jabuuroolu 145:15

Niilamaa bee jikoo be looriŋ ite Yaawe le kaŋ, i ka domoroo dii ì la a waatoo le la.

Yuuba 38:41

Jumaa le ka domoroo dii kaanaa kunoo la, niŋ a diŋolu kumboota Alla ye, aniŋ niŋ ì be domori kuu muruŋ-muruŋo la?

1 Mansoolu 18:5

Ahabu ko Obadiya ye ko, “Taa bankoo muumewo kaŋ, woyoolu niŋ wulumbaŋolu bee to. A si ke noo ŋà ñaamoo doo soto ka ǹ na suwoolu niŋ bahalewolu* balundi, ñiŋ kamma la ǹ kana foo ǹ na beeyaŋolu la.”

Yeremiya 14:4

Samaajiyo la kebaliyaa bankoo kaŋ, a ye a tinna le bankoo jaata kawu, senelaalu maluta katiri waatoo, ì ye ì kuŋolu biti.

Yeremiya 28:8

Annabiyomoolu mennu naata ite niŋ nte ñaa, waati jaŋ koomanto, wolu ye kiilaariyaa kumoolu fo le ko keloo, kasaara jawoo, aniŋ alibalaa kuuraŋo le be naa banku jamaa kaŋ, aniŋ mansamarali banku baalu kaŋ.

Yoweli 1:18

Beeyaŋolu ŋuntaŋñaa! Ninsi koorewolu ka yaayi, kaatu ì maŋ daañini dulaa soto, hani saajii koorewolu faŋo be toorariŋ.