Yoweli 1:10 - Mandinka Bible

¹⁰ Kunkoolu tiñaata, senebankoo kumboota, siimaŋ kesoolu tiñaata, wayini yiridiŋolu jaata, olifu* tuloo ye ǹ tu kooma.

Yoweli 1:10 Referans Kwoze

Hoseya 4:3

Wo le ye a tinna bankoo be kumboo kaŋ, a siilaalu be koririŋ, ì niŋ wulakono daafeŋolu niŋ kunoolu, hani baakono ñewolu be kasaara kaŋ ne.”

Hoseya 9:2

Bari meŋ ka bo toñonkari dulaa to, aniŋ yiridiŋ bitidulaa te ali daañini la, wayini* kutoo si ali tu kooma.

Yeremiya 12:11

Ì ye a kenseŋyandi le, a kensemmaa be woosii kaŋ n ye. Bankoo bee le kenseŋyaata, moo maŋ a muta kuu ti.

Yoweli 1:5

Ali wuli, alitolu siiratoolu, ali ye kumboo, alitolu wayini* minnaalu bee, ali wayini timiyaariŋo woosii, kaatu ali la a miŋo kuntuta le.

Hakayi 1:11

Wo le ye a tinna ŋa jaa kili bankoo kaŋ, aniŋ konkoolu kaŋ. A be feŋolu bee le maa la, mennu keta siimaŋ kesemaalu ti, wayini* yiri kankaŋolu, wayini kutoo ka bo daameŋ, olifu* yiri kankaŋolu, tuloo ka bo daameŋ, ka taa bankoo ka fiifeŋ-wo-fiifeŋ wuluu, aniŋ hadamadiŋolu niŋ beeyaŋolu, aniŋ ali ka feŋ-wo-feŋ sene ali buloolu la.”

Yoweli 1:12

Wayini yiroo jaata, sooto suŋo norota, roomaani* suŋo, tamarewo aniŋ pomu suŋo, yiroolu bee le jaata. Tooñaa, moolu la seewoo danta.

Yeremiya 48:33

Seewoo niŋ jusulaa, ŋa wo buusi le, ka bo Mowabi, yiriwaa banku. Ŋa wayinoo bali soto la wayini* yiridiŋ bitidulaa to le, moo buka ì doriŋ-doriŋ jee, seewoo niŋ wuuroo la. Wuuroo be keriŋ, bari a maŋ ke seewoo wuuri ti.

Yeremiya 12:4

Ñiŋ bankoo be tara la jaariŋ fo janniŋ muŋ tuma, kenoolu bee ñaamoo ye tara nororiŋ? Moolu la kuruŋyaa kamma la, mennu be siiriŋ a kaŋ, daafeŋolu niŋ kunoolu bee le turutumbunta. Bayiri moolu ka a fo le ko, “A te a je la kuu ye ke ntolu la.”

Yesaya 24:11

Moolu be woosii kaŋ mbeedoolu kaŋ, wayinoo la mankoo kamma la. Seewoo bee danta, jusulaa yeemanta duniyaa kono.

3 Musa 26:20

Ali be ali semboo bo la kensenke le, kaatu ali la bankoo te fiifeŋ bondi la, aduŋ a yiroolu te diŋ na.

1 Musa 4:12

Niŋ i ye senoo ke bankoo kaŋ, a senefeŋolu te beteyaa la i ye kotenke. I be tu la yaayoo le la duniyaa kono ka ke tumarankewo ti.”

Yesaya 15:6

Nimurimu baajiyo jaata le, a ñaamoolu norota, fiifeŋolu bee faata, hani dulaa jambakereriŋ maŋ soto.

Yesaya 24:7

Wayini* yiroo si jaa, wayinoo ye manki, juuralilaalu ye sunu.

Yoweli 2:19

Bituŋ a ko ì ye ko: “M be siimaŋo kii kaŋ ali ye naŋ ne, wayinoo* aniŋ olifu* tuloo, aduŋ ali be wasa la le. N te ali ke la banku koteŋolu ye jelefeŋo ti kotenke.

Habakuki 3:17

Hani niŋ sooto yiroolu maŋ firi faŋ, aduŋ diŋ te wayini* yiroolu bala, olifu* yiroolu maŋ diŋ, kunkoolu maŋ siimaŋ bondi, saajiyolu bee yeemanta saajii buŋo kono, ninsi fanaa te ninsi buŋolu kono,

Malaki 2:3

“A fele, ali la kuwo kamma la, m be ali koomalankoolu jarabi la le. Fayifeŋolu mennu ka bo ali la beeyaŋ sadaalu* bala, m be wo le sari la ali ñaadaalu kaŋ, ali ka ì jurumi daameŋ ŋa ali fanaa ñuuka ì kono jee.