Yosuwa 8:35 - Mandinka Bible

³⁵ Kuma maŋ soto Musa la yaamaroo kono Yosuwa maŋ meŋ karaŋ Banisirayilankoolu bee ñaatiliŋo la, musoolu niŋ dindiŋolu bee ñaa la, aniŋ tumarankewolu, mennu be sabatiriŋ ì kono.

Yosuwa 8:35 Referans Kwoze

5 Musa 31:12

Ali si moolu bee kafundi ñoo kaŋ, musu kafuriŋ kee, dindiŋ, keebaa ka taa fo tumarankewolu mennu be sabatiriŋ ali la saatewolu kono. Ì bee tuloo si a moyi, fo ì si Yaawe ñaasilaŋo soto, aduŋ ì si ì hakiloo tu ka bula ñiŋ luwaa kumakaŋolu bee nooma.

Nehemiya 8:2

Bituŋ kari woorowulanjaŋo tili foloo la, Piriisi* Esira ye Musa la Luwaa Kitaaboo samba naŋ kafoo ñaatiliŋo la, mennu keta kewolu ti, musoolu, aniŋ moo-wo-moo si i lamoyi noo ka fahaamuroo ke.

Yeremiya 26:2

“Yeremiya, nte Yaawe le ye ñiŋ fo ko: Loo m Batudulaa Buŋo* to, i ye diyaamu Yahuuda saatewolu bee ye, mennu ka naa baturoo la jee. Ŋa i yaamari feŋ-wo-feŋ na, a fo ì ye. Kana kuma tu kooma.

Kiilaalu 21:5

Kabiriŋ ǹ na waatoo banta jee, ǹ tententa ǹ na taamoo la. Baadiŋolu bee mennu be jee, ì la musoolu aniŋ ì diŋolu, ì niŋ ǹ taata ñoo la fo baa daala saatewo banta la. M̀ bee ñoyita jee ka duwaa. Ǹ sarariŋ koolaa ñoo la,

Maaka 10:14

Kabiriŋ Yeesu ye wo je, a kamfaata. A ko ì ye ko, “Ali dindiŋolu bula, ì ye naa n kaŋ. Ali kana ì bali naa la, kaatu mennu ka munta ko ñiŋ dindiŋolu, wolu le taa mu Alla la mansabaayaa ti.

Yoweli 2:16

Ali moolu kafu ñoo ma, ali ye jamaa moolu jankundi. Ali keebaalu bendi ñoo kaŋ, ali ye dindiŋolu kafu ñoo ma, hani suusuu diŋolu. Maañoo si a la laabuŋo bula naŋ, a keemaa ye finti naŋ a la buŋo kono.

Esira 10:1

Kabiriŋ Esira be duwaa kaŋ, aniŋ ka ì la soŋo yitandi, a be kumboo la, aniŋ ka a faŋ fayi duuma Alla Batudulaa Buŋo* ñaatiliŋo la, Banisirayilankoolu kafu baa, kewolu, musoolu, aniŋ dindiŋolu benta a kunna. Moolu fanaa kumboota kendeke le.

5 Musa 29:11

Ali diŋolu fele, ali la musoolu aniŋ tumarankewolu mennu be sabatiriŋ ali la daakaa kono, mennu ka loofaroo niŋ jiibiyo ke ali ye.

Kiilaalu 20:27

kaatu m maŋ feŋ tu kooma, bari ŋa Alla la lafoo bee kawandi ali ye.

5 Musa 4:2

Ŋa yaamaroo meŋ dii ali la, ali kana feŋ lafaa ì kaŋ, waraŋ ka feŋ talaa jee. Ali Yaawe ali la Alla la yaamaroolu bee muta, m be mennu dii kaŋ ali la.

2 Musa 12:38

Moo koteŋ jamaa niŋ ì taata ñoo la le, aniŋ beeyaŋ kooree jamaa, mennu be ko baalu, saajiyolu, aniŋ ninsoolu.

Jakariya 8:23

Yaawe Alihawaa Maariyo ye ñiŋ ne fo ko: Ñiŋ waatoo la, sii koteŋolu moo taŋ si i miniŋ Yahuudoo la waramba tuloo la, ka a fo a ye ko, “M̀ batu ŋà bula ali nooma, kaatu ŋà a moyi le ko, Alla be ali fee le.”

5 Musa 29:9

Wo kamma la, ali si ñiŋ kambeŋ kumoolu muta kendeke, fo ali si ñaatotaa soto ali la kata kuwolu bee to.

5 Musa 29:10

Bii luŋo a fele, ali bee be looriŋ Yaawe ali la Alla ñaatiliŋo la, biriŋ lasili ñaatonkoolu, alifaalu, ñaatonkoolu ka taa Banisirayila kewolu bee.

Nehemiya 8:3

Kene fanuŋo to jee, Jii Dundaŋ Daa ñaatiliŋo la, Esira ye kitaaboo ñiŋ karaŋ ì ye. A ye a karaŋ ne biriŋ soomandaa fo tilikuntewo, moolu ñaatiliŋo la, mennu keta kewolu ti, musoolu, aniŋ moo-wo-moo meŋ si fahaamuroo ke noo. Aduŋ moolu bee tarata ì tuloo loo kaŋ kendeke Luwaa Kitaaboo kumoolu la le.