Yosuwa 8:33 - Mandinka Bible

³³ Banisirayilankoolu bee, ì niŋ ì la alifaalu, kuntiyolu aniŋ kiitindirilaalu loota Kambeŋ Kunewo* karoo bee la. Ì ye ì ñaa tiliŋ piriisoolu* la, mennu bota Lewi lasiloo kono, mennu ka Yaawe la Kambeŋ Kunewo samba, biriŋ Banisirayila diŋolu ka taa fo tumarankewolu. Talanteemoo loota Kerisimu Konkoo ñaatiliŋo la, talantee doo loota Ebali Konkoo to. Ì ye a ke le ko, Musa Yaawe la dookuulaa ye yaamaroo dii ì la ñaameŋ foloo-foloo, ka neema ke Banisirayilankoolu ma.

Yosuwa 8:33 Referans Kwoze

5 Musa 11:29

Niŋ Yaawe ali la Alla ye ali dundi bankoo ñiŋ kaŋ ka jee taa, ali si a la neemoo kankulaa ali la moolu ye Kerisimu Konkoo to, ali ye a la dankoo kankulaa Ebali Konkoo to.

5 Musa 31:12

Ali si moolu bee kafundi ñoo kaŋ, musu kafuriŋ kee, dindiŋ, keebaa ka taa fo tumarankewolu mennu be sabatiriŋ ali la saatewolu kono. Ì bee tuloo si a moyi, fo ì si Yaawe ñaasilaŋo soto, aduŋ ì si ì hakiloo tu ka bula ñiŋ luwaa kumakaŋolu bee nooma.

5 Musa 31:9

Bituŋ Musa ye ñiŋ Luwaa bee safee, a ye a dii Banisirayila alifaalu la, aniŋ Lewi koomalanka piriisoolu*, Yaawe ye mennu marandi ka a la Kambeŋ Kunewo* samba.

Yosuwa 24:1

Yosuwa ye Banisirayila lasiloolu bee bendi Sekemu saatewo to. A ye Banisirayila alifaalu bee kili, a kuntiyolu, a kiitindirilaalu aniŋ a ñaatonkoolu. Ì bee naata ka loo Alla ñaatiliŋo la.

Yosuwa 4:18

Bituŋ piriisoolu fintita naŋ Yoridani Boloŋo kono, ì niŋ Yaawe la Kambeŋ Kunewo, ì be meŋ samba kaŋ. Ì la ì siŋo loo banku jaaroo kaŋ doroŋ boloŋo kankuŋo la, Yoridani Boloŋ jiyo seyita a ñaama. A woyita a kankuŋolu la kotenke.

Yosuwa 3:3

ka kaŋo dii moolu la ko, “Niŋ ali ye Yaawe* ali la Alla la Kambeŋ Kunewo* je, piriisoolu* mennu mu Lewi lasiloo ti, be a samba kaŋ, ali ñanta wutu la le ka bo ali be daameŋ to, ka bula a nooma.

5 Musa 31:25

a ye Lewi lasili moolu kumandi, mennu ka Yaawe la Kambeŋ Kunewo* samba, a ko ì ye ko,

4 Musa 15:29

Ñiŋ be ke la luwaa le ti moo bee ye, niŋ meŋ ye junube kuwo ke lañinoo kono, fo Banisirayilanka baŋ, waraŋ fo tumarankee.

4 Musa 15:16

Ñiŋ luwaa kiliŋo niŋ ñiŋ yaamari kiliŋo le be tara la laariŋ ali niŋ tumarankewolu bee kunna, mennu be sabatiriŋ ali kono.

2 Musa 12:49

Ñiŋ luwaa kiliŋo laata moo kaŋ ne meŋ wuluuta bankoo kaŋ, aniŋ tumarankewolu mennu be ali kono.”

Yosuwa 23:2

Bituŋ a naata Banisirayilankoolu bee kumandi ñoo kaŋ, ì la alifaalu, kuntiyolu, kiitindirilaalu aniŋ ñaatonkoolu. A ko ì ye ko: Nte keebaayaata baake le saayiŋ.

Yosuwa 6:6

Wo le to Yosuwa Nuni dinkewo ye piriisoolu kili, a ko ì ye ko, “Ali Yaawe la Kambeŋ Kunewo sika, ali ye piriisi woorowula tomboŋ. Ì bee kiliŋ-kiliŋ naa niŋ binoo ye taa Kambeŋ Kunewo ñaatiliŋo la.”

Yosuwa 4:10

Bituŋ piriisoolu mennu ka Kambeŋ Kunewo samba, tuta looriŋ Yoridani Boloŋo teema, fo ñiŋ moolu ye kuwolu bee ke, Yaawe ye Yosuwa yaamari mennu la, aniŋ ko Musa ye a fo nuŋ Yosuwa ye ñaameŋ. Bituŋ ñiŋ moolu tariyaatoo ye boloŋo ñiŋ teyi.

Yosuwa 3:14

Kabiriŋ ñiŋ moolu ye ì la daakaa janjaŋ ka Yoridani Boloŋo teyi, piriisoolu mennu be Kambeŋ Kunewo samba kaŋ, tambita ì ñaato.

3 Musa 24:22

Wo luwaa kiliŋo le be taamandi la moo-wo-moo kaŋ, a keta Banisirayilanka ti baŋ, waraŋ tumarankee. Nte le mu Yaawe ali la Alla ti.”

Yosuwa 3:6

Yosuwa ko piriisoolu ye ko, “Ali Kambeŋ Kunewo taa, ali ye a tambindi moolu ñaato.” Bituŋ ì ye a sika santo teŋ ne, ì tambita moolu ñaato.

Yohana 4:20

M̀ mumuñolu ka Alla batu ñiŋ konkoo le kaŋ, bari alitolu ko, Yerusalaamu le mu dulaa ti, Alla batoo ñanta ke la daameŋ.”

4 Musa 15:15

Jamaa moo bee ñanta ñiŋ luwaa kiliŋo le soto la, ali niŋ tumarankewolu mennu bee be sabatiriŋ ali kono. Ñiŋ be ke la luwaa looriŋo le ti ali ye, jamaani naalaalu bee la. Ali niŋ tumarankewolu bee be kaañaŋ na nte Yaawe ñaa koto le.