Yosuwa 21:43 - Mandinka Bible

⁴³ Saayiŋ Yaawe ye bankoo bee dii Banisirayilankoolu la le, a ye i kali ì mumuñolu ye meŋ na ko a be a dii la ì la. Ì ye jee taa ka sabati jee.

Yosuwa 21:43 Referans Kwoze

1 Musa 13:15

I ye ñiŋ bankoo meŋ bee je teŋ, m be a dii la ite le la, aniŋ i koomalankoolu fo abadaa.

1 Musa 28:4

Allamaa Alla neema la i ma, aniŋ i koomalankoolu, ko a neemata Iburayima ma ñaameŋ. Allamaa ñiŋ bankoo tara la i taayaa to, Alla ye Iburayima laahidi meŋ na, i be luntaŋyaa la daameŋ to teŋ.”

Jabuuroolu 44:3

Ì maŋ bankoo taa ka bo niŋ ì la hawusaroolu* la, waraŋ ka nooroo ke ì faŋolu semboo la. I semboo la waroo le ye a tinna, aniŋ i la taroo ì fee, ka a yitandi ko i ye ì kanu le.

5 Musa 11:31

A fele, ali be naa Yoridani Boloŋo teyi la ka taa bankoo taa Yaawe ali la Alla ka naa meŋ dii ali la. Niŋ ali ye bankoo taa fo ali sabatita jee,

2 Musa 3:8

Saayiŋ n naata le, ka ì tankandi Misirankoolu bulu, aniŋ ka ì bondi wo bankoo kaŋ, ka ì samba banku warariŋ baa to, keekewo niŋ liyo ka woyi daameŋ, Kanaaninkoolu, Hitinkoolu, Amorinkoolu, Perisinkoolu, Hiwinkoolu aniŋ Yebusinkoolu be sabatiriŋ daameŋ.

5 Musa 17:14

Niŋ ali taata fo ali ye bankoo taa Yaawe be naa meŋ dii la ali la, ka sabati jee, ali ye ñiŋ miiroo soto ka a fo ko, “Saayiŋ ntolu lafita le ka mansa soto, ko ǹ dandaŋ na banku koteŋ moolu bee ye a soto ñaameŋ.”

1 Musa 12:7

Bituŋ Yaawe naata finti Iburama kaŋ, a ko a ye ko, “M be ñiŋ bankoo dii la i koomalankoolu le la.” Wo le to a naata sadaabodulaa* loo jee Yaawe ye, meŋ fintita a kaŋ jee.

5 Musa 34:4

Yaawe ko Musa ye ko, “Ñiŋ ne mu bankoo ti, n kalita Iburayima, Isiyaaka, aniŋ Yaakuba ye daameŋ na ka a dii ì koomalankoolu la. Ŋa i bula le i ye jee je i ñaa la, bari i te baa teyi la ka futa jee.”

4 Musa 33:53

Ali bankoo ñiŋ taa, ali ye sii jee, nte le ye ñiŋ bankoo dii ali la ka ke ali taa ti.

Yosuwa 21:42

Saatewolu bee ye beeyaŋ daañini dulaa soto le.

Nehemiya 9:8

I ye a je le ko, a sonta i ma le ka bo a sondomoo kono, i ye kambeŋo siti i niŋ a teema, ka bankoo dii a koomalankoolu la, meŋ keta Kanaaninkoolu taa ti, Hitinkoolu, Amorinkoolu, Perisinkoolu, Yebusinkoolu, aniŋ Kirikasinkoolu. I ye i la laahidoo muta le, kaatu i tilinta le.

Nehemiya 9:24

Bituŋ ì koomalankoolu dunta bankoo kaŋ, ì ye a taa. Kanaaninkoolu le tarata siiriŋ nuŋ jee, bari i ye ì kele m̀ mumuñolu ye le. I ye Kanaaninkoolu duŋ ì bulu le, ka taa ì la mansoolu, aniŋ bankoo moo koteŋolu, ka ì sawoo bo ì to, ko a diyaata ì ye ñaameŋ.

4 Musa 34:2

ka ñiŋ yaamaroo dii Banisirayilankoolu la ko: Niŋ ali dunta Kanaani bankoo kaŋ, a be talaa la ali teema le ka ke ali ye keetaafeŋo ti. A be ñiŋ naanewolu le soto la:

5 Musa 12:29

Niŋ Yaawe ali la Alla ye wo banku moolu kasaara ali ñaato fo ali ye ì la bankoo taa ali sabatita jee,

Yosuwa 1:6

“I si fatiyaa, i ye bambaŋ! Ñiŋ moolu be bankoo ñiŋ taa la i la ñaatonkayaa tiloo le la, ŋa n kali laahidoo meŋ na ì mumuñolu ye.

Kiitindirilaalu 11:24

Niŋ Kemosi, meŋ mu i la alla ti ye bankoo moo doolu bayi i ye, fo i te wo bankoo taa la baŋ? Wo ñaa kiliŋo la, ntolu ye wo moolu la bankoo fanaa taa le, Yaawe ǹ na Alla ye mennu bayi ǹ ye.

1 Samuweli 12:8

Kabiriŋ Banisirayilankoolu be nuŋ Misira, Misirankoolu ye ì mantoora baake le, aduŋ ì kumboota Yaawe ye fo a si ì maakoyi. Bituŋ Yaawe ye Musa niŋ Haaruna kii, ka ì la alifaa foloolu bondi naŋ Misira, ka ì sabatindi ñiŋ dulaa to.

2 Taarika 20:8

Ì sabatita jee le to, ì ye Batudulaa loo i too ye jee, ì kumata ko,

Jabuuroolu 78:55

A ye banku moolu bayi a la moolu ñaato le, a ye ì la bankoo talaa Banisirayilankoolu teema ka ke ì la keetaafeŋo ti, a ye ì la suwolu ke Banisirayila lasiloolu le la suwolu ti.

Jabuuroolu 105:8

A ka tu a la kambeŋo mutariŋ ne fo abadaa. A ka a la laahidoolu muta le hani fo jamaani wuliwuloolu la.

Yeremiya 32:23

Ì dunta ñiŋ bankoo kaŋ ne, ì ye a taa, bari ì maŋ i la kumakaŋolu muta, waraŋ ka taama i la yaamaroolu la. I ye ì yaamari kuwolu mennu bee la, ì maŋ hani feŋ ke jee. Wo le ye a tinna i ye ñiŋ kasaaroo bee boyi ì kaŋ.