Yosuwa 19:22 - Mandinka Bible

²² Naanewo ñiŋ taata le fo a nakita Tabori Konkoo la, Sahasuma aniŋ Beti-Semesi, bituŋ a naata daŋ Yoridani Boloŋo to. Ì taata kaañaŋ saatee baa taŋ niŋ wooro le fee, ì niŋ ì dandanna saateeriŋolu.

Yosuwa 19:22 Referans Kwoze

Kiitindirilaalu 4:6

A ye kiilaa kii Baraki kaŋ, Abinowamu dinkewo, ka bo Kedesi, Nafutali tundoo kaŋ. A ko a ye ko, “Yaawe, meŋ mu Banisirayilankoolu la Alla ti le ye i yaamari ko, i ye kee wuli taŋ tomboŋ ka bo Nafutali lasiloo moolu aniŋ Sebuluni lasiloo moolu kono, i ye ì ñaatonkayaa ka taa Tabori Konkoo to.

Yeremiya 46:18

Mansoo ye ñiŋ ne fo ko: “A be koyiriŋ ñaameŋ ko nte be baluuriŋ ne, nte meŋ too mu Yaawe Alihawaa Maariyo ti, Tabori Konkoo ye buŋ konkoolu kono ñaameŋ, aniŋ Karimeli Konkoo be jimbandiŋ Baa Baa* kunto ñaameŋ, meŋ be naa ali kele la, a be ke la ali ye wo le ñaama.

Jabuuroolu 89:12

Ite le ye feŋo bee daa ka bo duniyaa tonkoŋ ka taa tonkoŋ. Jayiroo ka bo i ye Tabori niŋ Herimoni* konkoolu to le, a bee niŋ seewoo.

1 Taarika 6:77

Dulaalu mennu diita Merari koomalanka toomaalu la: Ka bo Sebuluni lasiloo taa to, Rimmono le mu, aniŋ Tabori, ì niŋ ì beeyaŋ daañini dulaalu.

1 Mansoolu 4:9

Beni-Dekeri, wo be Makasi, Saalibimu, Beti-Semesi, aniŋ Eloni-Beti-Hanani.

Yosuwa 21:16

Ayini, Yuta aniŋ Beti-Semesi, ì niŋ ì beeyaŋ daañini dulaalu bee kafuriŋo ñoo ma. Saatee kononto le mu, ka bo ñiŋ lasili fuloo taa kono, meŋ mu Yahuuda aniŋ Simeyoni ti.

Yosuwa 19:38

Ironi, Mikidali-Eli, Horemu, Beti-Anati aniŋ Beti-Semesi ti. Ì taata kaañaŋ saatee baa taŋ niŋ kononto le fee, ì niŋ ì dandanna saateeriŋolu.

Yosuwa 19:12

Saridi kara doo la, naanewo ñiŋ taata tilibo kara maafaŋo le la, ka taa wo la Kisiloti-Tabori tundoo kaŋ, ka tenteŋ wo la Daberati ka taa fo Yafiya.

Yosuwa 19:21

Remeti, Eni-Kannimu, Eni-Hada aniŋ Beti-Pasesi.

Yosuwa 19:23

Ñiŋ saatee baalu niŋ ì dandanna saateeriŋolu le keta Isakari lasiloo moolu la keetaafeŋo ti, ka bo kaabiila ka taa kaabiila.

Kiitindirilaalu 4:12

Kibaaroo futata Sisera ma le ko, Baraki, Abinowamu dinkewo, taata Tabori Konkoo le kaŋ.

1 Taarika 6:62

Ka bo Isakari lasiloo taa to, Aseri lasiloo, aniŋ Nafutali lasiloo taa to aniŋ Manase lasiloo taa to meŋ be Basani tundoo kaŋ, ì ye saatee taŋ niŋ saba le dii Kerisoni koomalankoolu la, ko ì la dimbaayaalu keñaa be laariŋ ñaameŋ.