Yesaya 9:21 - Mandinka Bible

²¹ Manase ye Efurayimu kele, Efurayimu fanaa ye Manase kele, bituŋ ì naata wuli Yahuuda kamma ñoo la. Ñiŋ bee koolaa, Yaawe la kamfaa maŋ jii, a buloo be teekariŋ ne ka ì mantoora.

Yesaya 9:21 Referans Kwoze

Yesaya 5:25

Wo le ye a tinna Yaawe kamfaata a la moolu kamma, a ye a buloo wulindi ka ì mantoora. Konkoolu jiijaata, moo furewolu keta ko fayifeŋolu, mbeedoolu kaŋ. Ñiŋ bee koolaa, a la kamfaa maŋ jii, a buloo be teekariŋ ne ka ì mantoora.

Kalatiyankoolu 5:15

Bari niŋ ali ka ñoo kiŋ ka ñoo suboo domo, ali ali hakiloo tu ali kana ñoo kasaara.

Yesaya 9:12

Aramunkoolu mennu bota tilibo maafaŋo la, Filisitinkoolu mennu bota tilijii maafaŋo la, ì ye Banisirayila tiñaa le ka a kasaara. Ñiŋ bee koolaa, Yaawe la kamfaa maŋ jii, a buloo be teekariŋ ne ka ì mantoora.

Matiyu 24:10

Bituŋ n noomalanka jamaa be boyi la le, ì be ñoo jamfaa la, aduŋ ì be ñoo koŋ na le fanaa.

Yeremiya 4:8

Wo kamma la ali booto funtoolu duŋ niikuyaa kamma, ali ye kumboo ka wuuri, kaatu Yaawe la kamfaa baa maŋ bo ǹ kaŋ.

Yesaya 11:13

Efurayimu* la kiiliyaa maañaa be yeemaŋ na le, aduŋ Yahuuda la jarinteeyaa be daŋ na. Banisirayila te kiiliyaa tiliŋ na Yahuuda la, sako Yahuuda si jarinteeyaa tiliŋ Banisirayila la.

Yesaya 10:4

Feŋ te tu la ali ye, fo ka tara motomotoriŋ mutamoolu kono, waraŋ ali ye tara moo faariŋolu kono. Ñiŋ bee koolaa, Yaawe* la kamfaa maŋ jii, a buloo be teekariŋ ne ka ali mantoora.

Yesaya 9:17

Wo le ye a tinna Yaawe maŋ kontaani ì la fondinkewolu la kuwo la, waraŋ ka balafaa ì la aliyatiimoolu ye, aniŋ furuyaamusoolu. Kaatu ì bee ye ì koo dii Alla la le, aduŋ kuu kuruŋ kelaalu le mu ì ti, ì bee ka kuma jawoo le fo. Ñiŋ bee koolaa, Yaawe la kamfaa maŋ jii, a buloo be teekariŋ ne ka ì mantoora.

2 Mansoolu 15:30

Yahuuda mansa Yotamu, Usiya dinkewo la mansayaa sanji muwanjaŋo kono, Ela dinkewo Hoseya ye jamfaa siti Peka kamma. A ye a boyinkaŋ ka a faa, bituŋ a keta a noo to mansa ti.

1 Samuweli 14:20

Wo to le Sawulu niŋ a la moolu benta, ì taata keledulaa. Ì ye a tara, Filisitinkoolu jaakaliriŋo be ñoo faa kaŋ niŋ ì la hawusaroolu* la.

Kiitindirilaalu 7:2

Yaawe* ko Kideyoni ye ko, “Kee jamaa le be i bulu. N te Midiyaninkoolu duŋ na ì buloo kono, ì niŋ ñiŋ moo jamaa. Niŋ wo nte, Banisirayilankoolu si naa kibiri noo le ka a fo ko, ‘M̀ faŋo semboo le ye ǹ tankandi.’

Yesaya 8:21

Ì niŋ niitooroo niŋ konkoo le be tara la yaayi la bankoo kaŋ. Niŋ konkoo ye ì batandi kendeke, ì be kamfaa la le, ì ye ì la mansa danka aniŋ ì la Alla. Ì si santo juubee,

Yeremiya 13:14

Wo koolaa ŋa naa ì feteŋ ñoo la ka ì teyi, alifaalu niŋ dindiŋolu bee kafuriŋo. N te balafaa la, waraŋ ka yamfa, waraŋ ka hiina ì la, ka m bali ì kasaara la.” Yaawe le ye a fo.

Jakariya 11:14

Bituŋ n naata n na kantarilaŋ doko fulanjaŋo fanaa kati, ŋa meŋ toolaa Baadiŋyaa la, ka baadiŋyaa tiñaa Yahuuda niŋ Banisirayila teema.