Yesaya 8:21 - Mandinka Bible

²¹ Ì niŋ niitooroo niŋ konkoo le be tara la yaayi la bankoo kaŋ. Niŋ konkoo ye ì batandi kendeke, ì be kamfaa la le, ì ye ì la mansa danka aniŋ ì la Alla. Ì si santo juubee,

Yesaya 8:21 Referans Kwoze

Yesaya 9:20

aduŋ moolu ye domorindiŋ je daa-wo-daa, ì ka a suuñaa le, ì ye a domo, bari wo buka konkoo bo ì la. Meŋ si ke ì maakoyilaa ti, ì ka i baluu wo le la.

Kuma Kotoomaalu 19:3

Moo faŋo la tooleeyaa le ka a duŋ kasaaroo kono, bari hani wo, a ka a laa Yaawe* le kaŋ.

Yeremiya 52:6

Kari naaninjaŋo tili konontonjaŋo siita tumoo meŋ na, konkoo jawuyaata fo labaŋo la saatee moolu maŋ domori soto ì si meŋ domo.

Yeremiya 14:18

Niŋ m fintita kenoo kono, n ka furewolu le je, ì ye mennu faa hawusaroo la. Niŋ n dunta saatewo kono, n ka konkoo maasiiboo le je. Annabiyomoolu niŋ piriisoolu* ka tara ì la dookuwo la bankoo kaŋ ne taariŋ, bari ì maŋ a loŋ ì ka meŋ ke.”

Yuuba 2:9

Bituŋ a la musoo ko a ye ko, “Fo hani saayiŋ i be bambandiŋ i la dankeneyaa kaŋ ne baŋ? Kuma jawoo fo Alla ma, i ye faa.”

Yuuba 2:5

Bari i buloo laa a la jaatikendeyaa kaŋ doroŋ, a be i sooki la le.”

Yuuba 1:11

Bari niŋ i ye i buloo laa a sotofeŋolu bee kaŋ, a be i sooki la le.”

2 Mansoolu 25:3

Kari naaninjaŋo tili konontonjaŋo siita tumoo meŋ na, konkoo jawuyaata fo labaŋo la saatee moolu maŋ domori soto ì si meŋ domo.

2 Musa 22:28

Ali kana Alla tooñee, waraŋ ka ali la ñaatonkoo danka.

2 Mansoolu 6:33

Elisa tarata ñiŋ kumoo fo kaŋ doroŋ, mansa faŋo futata, a kumata ko, “Yaawe le ye ñiŋ kuu jawoo bee saabu. Muŋ ne ye a tinna nte be jiki la Yaawe la kotenke?”

3 Musa 24:11

Ate kewo ñiŋ meŋ baalaa mu Banisirayilankoo ti, ye Yaawe too sooki, ka kuma jawoolu fo a ma. Ì naata a samba Musa ye. A baamaa faŋo too mu Selomiti le ti, Diburi, Dani lasili moo dimmusoo.

1 Samuweli 8:18

Niŋ wo waatoo siita, ali be kumboo la le, aduŋ ali be bataa baa soto la, feŋ nte, fo ali la mansa, ali ye meŋ tomboŋ, aduŋ wo luŋo Yaawe te ali danku la.”

Yuuba 18:12

Ì la fankoo keta ì ye konkoo ti, aduŋ maasiiboo le tarata pareeriŋ ka boyi ì kaŋ.

Yesaya 9:21

Manase ye Efurayimu kele, Efurayimu fanaa ye Manase kele, bituŋ ì naata wuli Yahuuda kamma ñoo la. Ñiŋ bee koolaa, Yaawe la kamfaa maŋ jii, a buloo be teekariŋ ne ka ì mantoora.

Yesaya 14:30

Misikiinoolu be daañini dulaa soto la le, sembentaŋolu si sabati kayiroo kono. Bari mennu bota alitolu bala, konkoo le be ì faa la, ali la moolu mennu tuta baluuriŋ, ŋa wolu faa.

Yesaya 51:19

Ñiŋ maasiiboo fula-fula boyita i kaŋ ne, kooroo niŋ kasaaroo, konkoo niŋ hawusaroo*, Jumaa le be balafaa soto la i ye? Jumaa le be i sabarindi la?

Yesaya 59:9

Wo le ye a tinna tiliŋo jamfata ǹ na, kiitii tilindiŋo maŋ futa ǹ na. M̀ be n yillaariŋ maloo le la, bari m̀ buka feŋ je fo diboo. Ǹ ka suula fanuñaa le la, bari ǹ ka taama dibi fiŋ baa le kono.

Yesaya 65:13

Saayiŋ Maarii Yaawe ye ñiŋ ne fo ko: “N na dookuulaalu be domoroo ke la le, bari alitolu be konko la le. N na dookuulaalu be i miŋ na le, bari mindoo be alitolu muta la le. N na dookuulaalu be seewoo la le, bari alitolu be duŋ na maloo le kono.