Yesaya 8:15 - Mandinka Bible

¹⁵ Jamaa le be taki la, ì be boyi la le, ì ye kati, aduŋ kutindiŋo be ì siŋo muta la le, ì jawoolu ye ì muta.”

Yesaya 8:15 Referans Kwoze

Matiyu 21:44

Aduŋ moo-wo-moo meŋ boyita ñiŋ beroo kaŋ, wo be teyiŋ-teyiŋ na le. Niŋ a boyita moo-wo-moo kaŋ, a be wo juru la le.”

Yesaya 28:13

Wo to, Alla la kumoo be ke la itolu fee le komeŋ, balabala, balabala, balabala kuma kenseŋ. Wo be a tinna le, ì ye boyi ì koo la, ì ye barama, ì siŋo ye duŋ kutindiŋo daa, ì jawoolu ye ì muta.

1 Korintinkoolu 1:23

bari ntolu ka Kiristu la kuwo le kawandi, ate meŋ pempenta yiribantambiloo bala. Yahuudoolu ka a muta kasi le ti, Jirisinkoolu ka a muta tooleeyaa ti.

Roomankoolu 9:32

Muŋ ne ye a tinna ì maŋ wo tiliŋo soto? Ì maŋ a soto noo, kaatu ì maŋ laa, bari ì ye katoolu ke le ka bo niŋ ì la kebaaroolu la. Ì takita beroo le la, meŋ keta kalewo ti

Yohana 6:66

Ka bo ñiŋ waatoo la Yeesu noomalanka jamaa ye a bula, ì niŋ a maŋ taa ñoo la kotenke.

Matiyu 15:14

Ali ì tu jee. Itolu mu finkintewolu le ti, mennu ka finkintewolu kenkeŋ. Niŋ finkintewo ye finkintewo kenkeŋ, ì bee be boyi la dinkoo kono le.”

Matiyu 11:6

Barakoo be moo le ye, meŋ maŋ hakili fula soto nte la kuwo to.”

Yesaya 59:10

Ǹ ka moomooroo ke bumbaloo bala le ko finkintewolu, ǹ ka taama ko moolu mennu maŋ ñaalu soto. Tiloo ñaa la ǹ ka taki le ko niŋ m̀ be suutoo le kono. Moo bambandiŋolu kono, ntolu ka munta le ko furewo.

Yesaya 7:22

wolu be keekee jamaa le bondi la, aduŋ a be a suulafeŋo bee soto la wolu to le. Moo dantaŋolu mennu tuta baluuriŋ bankoo kaŋ, be feenewo niŋ liyo soto la le, ì be meŋ domo la.

Yesaya 28:16

Bituŋ Maarii Yaawe ko, “A juubee, ŋa beroo le laa Siyoni* Konkoo kaŋ, bere kende baa, tonkonna bere buuñaariŋo, meŋ be ke la fondamaŋ bambandiŋo ti. Moo meŋ ye lannoo soto, wo maarii te jiijaa la.

Yeremiya 6:21

Wo to Yaawe ye ñiŋ ne fo ko: “M be takiŋ-takiŋ beroolu le landi la ñiŋ moolu ñaato, ì be kali taki la mennu la, ì ye boyi, faalu niŋ diŋolu, ka taa siiñoolu niŋ teeroolu, ì bee le be kasaara la ñoo la.”