Yesaya 64:1 - Mandinka Bible

¹ Kooni, niŋ i si saŋ fatoolu le fara nuŋ, i ye jii naŋ, konkoolu ye jarajara i ñaatiliŋo la!

Yesaya 64:1 Referans Kwoze

Maaka 1:10

Kabiriŋ Yeesu fintita naŋ jiyo kono doroŋ, a ye saŋo je yeleriŋ, a naata Alla la Nooroo je jii la a kaŋ ko puraa.

Lankenemoo 20:11

Bituŋ ŋa mansasiiraŋ koyiriŋ baa je, aduŋ saŋo niŋ bankoo yeemanta wo ñaa la, meŋ be siiriŋ a kaŋ. Dulaa maŋ soto ì ye kotenke.

Jabuuroolu 68:8

bankoo jarajarata le, saŋ fatoolu ye samaajiyo jurumi, ite Sinayi Konkoo la Alla naatoo naŋ, ite Alla, Banisirayila la Alla ñaatiliŋo la.

Amosi 9:13

Yaawe ye ñiŋ ne fo ko, “Luŋolu be naa le, katirilaalu si katiroo ke fo sene waatoo, wayini* yiridiŋ bitilaalu si wayinoo bondi fo fiiri waatoo. Wayini diimaa si suleŋ konkoolu kaŋ, a ye bori konkoriŋolu bee kaŋ.

Yesaya 63:15

Yaawe, juubeeroo ke ka bo naŋ santo, i ye jeroo ke, ka bo i sabatidulaa senuŋo niŋ i la dulaa kallankeeyaariŋo* to. I la hame kuwo niŋ i semboo lee? I ye konotodiyaa niŋ balafaa meŋ soto ǹ ye, i ye ì jamfandi ǹ na le.

2 Musa 3:8

Saayiŋ n naata le, ka ì tankandi Misirankoolu bulu, aniŋ ka ì bondi wo bankoo kaŋ, ka ì samba banku warariŋ baa to, keekewo niŋ liyo ka woyi daameŋ, Kanaaninkoolu, Hitinkoolu, Amorinkoolu, Perisinkoolu, Hiwinkoolu aniŋ Yebusinkoolu be sabatiriŋ daameŋ.

Jabuuroolu 46:6

Maakaŋ baa be keriŋ duniyaa bankoolu kaŋ, mansakundaalu ka maamaŋ, Alla be bumbuŋ na, duniyaa ye kiri.

2 Musa 19:11

Sinindiŋ ì si i paree. Wo luŋo m be jii la Sinayi Konkoo kaŋ ne moolu bee ñaa la.

Amosi 9:5

Niŋ Yaawe Alihawaa Maariyo* ye duniyaa maa, a si jarajara. A si jiijaa ko Nayili Boloŋo meŋ be Misira. Duniyaa moolu bee si saŋawoosii.

Yesaya 41:15

“M be ali ke la le ko toñonkarilaŋ* kutoo meŋ ye semboo soto. Ali be konko baalu toñonka la le, ì ye juru, konkoriŋolu ye nunku ko buutoo.

Yesaya 63:19

M̀ mulunta le ko, i nene maŋ moolu mennu mara, aniŋ ì buka moolu mennu kumandi i too la.

Jakariya 14:4

Wo luŋo la, a siŋo be tara la looriŋ Olifu Konkoo kaŋ ne, meŋ be Yerusalaamu tilibo karoo la. Konkoo ñiŋ be fara la teema le ka bo tilibo ka taa tilijii. Talantewo be ñori la maraa karoo la, talantee doo ye ñori bulubaa karoo la. Wulumbaŋ fanuŋ baa ye tara ì teema.

Jabuuroolu 79:10

Muŋ ne be a tinna bantala banku* moolu be a fo la ko, “Ì la Alla lee?” I la dookuulaalu yeloo boŋo juloo joo bantala banku moolu to, ǹ ñaa ye a je.