Yesaya 59:8 - Mandinka Bible

⁸ Ì maŋ kayira siloo loŋ, hani tiliŋo domandiŋ buka taama ì la siloo kaŋ. Ì la siloo mu sila jenkeriŋo le ti. Moo te bula la a nooma, i ye kayira siloo loŋ.

Yesaya 59:8 Referans Kwoze

Roomankoolu 3:17

Ì maŋ kayira siloo loŋ,

Luka 1:79

A be mala la moolu kaŋ ne, mennu be siiriŋ diboo niŋ saayaa niiniyo koto. A be ǹ siŋolu taamandi la kayira siloo le kaŋ.”

Yesaya 5:7

Yaawe* Alihawaa Maariyo* la yiri kankaŋo mu Banisirayila le ti, a lafinna kankaŋo mu Yahuuda le ti. A be i yillaariŋ luwaa mutoo le la, bari a ye yeleboŋo le je, a ye i yillaa tiliŋo la, bari a maŋ feŋ moyi fo niitooroo niŋ kumboo.

Matiyu 23:23

“Kooroo be alitolu Luwaa karammoolu niŋ Farisewolu ye, alitolu bunaafayoolu! Ali ka hani fendiŋolu jakoo bondi le, meŋ be ko naana, dilli aniŋ kummini, bari ali ka ali ñaa kaasi Luwaa la kuu kummaa baalu la le, mennu mu tiliŋo ti, balafaa aniŋ lannoo. Ñinnu le mu kuwolu ti, ali ñanta mennu ke la, aduŋ ali kana ali ñaa kaasi yaamari koteŋolu la.

Yeremiya 5:1

Yaawe* ko: “Ali Yerusalaamu mbeedoolu muruŋ-muruŋ baŋ, ka juubeeroo ke, ali ye i miira. Ali ñinindiroo ke a bantabaalu to, fo ali be moo le je la meŋ ka taama tiliŋo kono, aniŋ ka foroyaa tooñaa kaŋ. Niŋ wo sotota, n si yamfa saatewo ye.

Yesaya 48:22

Yaawe ko: “Moo kuruŋolu te kayiroo soto la fereŋ.”

Kuma Kotoomaalu 28:18

Moo meŋ ka taama sila tilindiŋo la, ka tara tankoo le kono, bari moo meŋ ka tara sila kuruŋo kaŋ, wo ka tariyaa boyi la le.

Kuma Kotoomaalu 3:17

A la siloolu diyaata le, aduŋ ì bee ka ke kayira siloolu le ti.

Kuma Kotoomaalu 2:15

mennu la siloolu be jenkeriŋ, aniŋ mennu buka sila kende taama.

Jabuuroolu 125:5

Bari moolu mennu ka taa ì fansuŋ sila jenkeriŋolu la, i si wolu niŋ moo kuruŋolu kasaara ñoo la. Kayiroo ye tara Banisirayila fee.

Yesaya 59:9

Wo le ye a tinna tiliŋo jamfata ǹ na, kiitii tilindiŋo maŋ futa ǹ na. M̀ be n yillaariŋ maloo le la, bari m̀ buka feŋ je fo diboo. Ǹ ka suula fanuñaa le la, bari ǹ ka taama dibi fiŋ baa le kono.

Yesaya 59:11

M̀ bee ka ŋaara le ko daafeŋ saŋarariŋo*. Ǹ ka woosii ko puraa. M̀ be n yillaariŋ kiitii tilindiŋo le la, bari m̀ buka a je. Ǹ ka kiisoo ñini, bari a jamfata le.

Kuma Kotoomaalu 2:13

mennu ka i koo dii sila tilindiŋolu la, ka tara diboo le kono,

Kuma Kotoomaalu 21:8

Moo kuruŋo la siloo mu sila jenkeriŋo le ti, bari moo meŋ maŋ feŋ ke tilinta le.

Yesaya 65:2

Tiloo muumee n ka m buloo tiliŋ m faŋo la moolu ye le, mennu ka balaŋ m ma, ì maŋ tara sila kendoo kaŋ, ì ka tara bulariŋ ì fansuŋ miiroolu nooma.