Yesaya 59:11 - Mandinka Bible

¹¹ M̀ bee ka ŋaara le ko daafeŋ saŋarariŋo*. Ǹ ka woosii ko puraa. M̀ be n yillaariŋ kiitii tilindiŋo le la, bari m̀ buka a je. Ǹ ka kiisoo ñini, bari a jamfata le.

Yesaya 59:11 Referans Kwoze

Yesaya 38:14

N woosiita le ko kunoo, n woosiita ko puraa la woosiyo. N ñaa korita juubeeroo la saŋo santo le. Hee Maariyo, m bataata le, naa n deemaa.

Esekiyeli 7:16

Niŋ moo-wo-moo kanata ka baluu, a be tara la konkoolu le kaŋ. Moo-wo-moo be tara la woosii la a la junuboolu le la, ko wulumbaŋ kono puraa.

Hoseya 7:14

Ì buka woosii nte ye ì sondomoo bee la, bari ì ka tara sikisiki kaŋ ì la laaraŋolu kaŋ. Niŋ ì be siimaŋo niŋ wayinoo daani kaŋ, ì ka ì balajaatoolu namaŋ-namaŋ ko jalambatulaalu. Ì balanta nte ma.

Yeremiya 9:1

M be lafiriŋ ne n kuŋo ye ke woyoo ti, n ñaalu ye ke ñaajii daloo ti, fo n si kumboo suuto tili, ñiŋ kamma ì ye n na kanu moolu mennu faa.

Yeremiya 8:15

Ŋà n yillaa kayiroo le la, bari kuu kende maŋ naa ǹ ye, ŋà n yillaa jaaraloo la, bari a fele, maasiiboo doroŋ.

Yesaya 59:9

Wo le ye a tinna tiliŋo jamfata ǹ na, kiitii tilindiŋo maŋ futa ǹ na. M̀ be n yillaariŋ maloo le la, bari m̀ buka feŋ je fo diboo. Ǹ ka suula fanuñaa le la, bari ǹ ka taama dibi fiŋ baa le kono.

Yesaya 51:20

I diŋolu ketuta le, ì be laariŋ mbeedi kuŋolu to ko minaŋo meŋ be jaloo daa. Yaawe la kamfaa ye ì futufaa le, i la Alla la jalayiroo.

Jabuuroolu 119:155

Moo kuruŋolu niŋ kiisoo teemoo jamfata le, kaatu ì buka bula i la luwaalu nooma.

Jabuuroolu 85:9

A be koyiriŋ ne ko, a be pareeriŋ ne ka moolu kiisa mennu ye a kuliyaa, fo horomoo si tara a ye, ǹ na bankoo kaŋ.

Jabuuroolu 38:8

M fankoo banta le fereŋ, n ka munta ì ye meŋ toñonka fo a nunkuta. N ka ŋuntaŋ ne niitooroo kamma la.

Jabuuroolu 55:2

I lamoyi n na, i ye n jaabi, n na mantooroo ye n jaakalindi le.

Yesaya 59:8

Ì maŋ kayira siloo loŋ, hani tiliŋo domandiŋ buka taama ì la siloo kaŋ. Ì la siloo mu sila jenkeriŋo le ti. Moo te bula la a nooma, i ye kayira siloo loŋ.

Yesaya 59:14

Kiitiyo buka kuntu a ñaama, ǹ niŋ tiliŋo jamfata ñoo la. Tooñaa buka fo mbeedoolu kono, kumoo meŋ be tiliŋo la karoo la, m̀ buka soŋ a ye duŋ saatewo kono.

Niikuyaa Suukuwolu 3:17

Fereŋ-fereŋ, i ye n niyo bali kayiroo la fereŋ, fo n ñinata ko seewoo faŋo sotota le.

Nahumu 2:7

A be laariŋ wo le ñaama ko, ñiŋ saatewo moolu ñanta ke la dooyaa moolu le ti, ì ye tara mutoo kono, a jommusoolu ye woosii ko puraa, ì ye ì sisoolu lipa niikuyaa kamma la.

Jabuuroolu 119:150

Moolu be sutiyaa kaŋ n na le, mennu ka n toorandi ka bo niŋ ŋaniya jawuyaa la, ì ye ì koo dii i la yaamaroo la le fereŋ.

Nahumu 2:8

Ninewe ka muluŋ ne ko jiidinkoo, meŋ jiyo ka bori. A moolu ka bori wo le ñaama, hani ì ko ì ye, “Ali loo, ali loo!” bari moo maŋ soto meŋ si loo ka muru.