Yesaya 53:2 - Mandinka Bible

² Yaawe la lafoo kaŋ, a la dookuulaa baluuta le ko fiifeŋ mereŋo, meŋ ye suloo duŋ banku jaaroo kono. A maŋ ñiiñaa, waraŋ ka kallankeeyaa*, meŋ si ǹ ñaa faa a la kuwo to. M̀ maŋ feŋ je a muluŋo to, ǹ si lafi noo meŋ na.

Yesaya 53:2 Referans Kwoze

Yesaya 52:14

Moo jamaa jaakalita le, biriŋ ì ye a je, baramoolu ye a muluŋo yelemandi, fo moo buka a suutee ko hadamadiŋo le mu, a niŋ hadamadiŋ maŋ muluŋ.

Yesaya 11:1

Yese koomalankoolu keta le ko yirijuu kuntoo, bari maralilaa be soroŋ na a bala le kotenke, a suloolu ye soroŋo fintindi, a ye diŋ.

Maaka 6:3

Fo ñiŋ ne maŋ ke kapintaa ti baŋ, Mariyaama dinkewo, aduŋ Yankuba, Yusufa, Yudas aniŋ Simoni kotoomaa? Fo a baarimmusoolu maŋ tara m̀ fee jaŋ baŋ?” Wo to le ì ye a la kuwo muta kasi ti.

Yeremiya 23:5

Yaawe le ye ñiŋ fo ko: “A juubee, luŋolu be naa le, m be yiribulu tilindiŋo sorondi la Mansa Dawuda koomalankoolu ye. A be ke la mansakewo le ti meŋ be maraloo ke la niŋ fahaamuroo la, aduŋ a be tooñaa kiitiiteyoo niŋ tiliŋo le taamandi la bankoo kaŋ.

Maaka 9:12

Yeesu ko ì ye ko, “Tooñaa, Eliya le foloo be naa la, aduŋ a be kuwolu bee murundi la ì noo to le. Bari hani wo, muŋ ne ye a tinna a be safeeriŋ Moo Dinkewo la kuwo to ko, a be toora jamaa soto la le, aduŋ moolu be jutu la a la le?

Roomankoolu 8:3

Luwaa maŋ meŋ ke noo hadamadiŋyaa la lamfoo kamma la, Alla ye wo le ke: A ye a Dinkewo kii naŋ niŋ hadamadiŋ muluŋo la, junuboo ye mennu mara, ka ke junube kafarilaŋo ti hadamadiŋolu bee ye. Wo siloo la, a ye junuboo la m̀ maroo semboo tiñaa

1 Pita 2:14

waraŋ fo a la maralilaa doo, a ye mennu kii ka kuluuroo laa kuu kuruŋ kelaalu kaŋ, aniŋ ka moolu jayi, mennu ye kuu betoo ke.

Yohana 19:5

Wo to le Yeesu fintita naŋ banta, ŋaniŋ naafamaa be dundiŋ a kuŋo to, waramba wuleŋo be dundiŋ a la. Bituŋ Payileti ko ì ye ko, “Ali kewo juubee!”

Yohana 18:40

Bituŋ ì sarita a kaŋ ko, “M̀ maŋ lafi ñiŋ kewo la, n lafita Barabas le la!” Wo Barabas mu bandiyo le ti.

Luka 9:58

Bituŋ Yeesu ko a ye ko, “Kunkuwuloolu ye dinkoolu soto le, ì ka tara daameŋ to. Aduŋ kunoolu fanaa ye ñaŋolu soto le, ì ka tara daameŋ to. Bari Moo Dinkewo maŋ hani dulaa soto, a be a kuŋo laa la daameŋ.”

Jakariya 6:12

A fo a ye ko, ‘Yaawe Alihawaa Maariyo* ye ñiŋ ne fo ko: Moo fele meŋ too mu Yiribulu kutoo ti. A be buloolu fayi la le ka bo naŋ a be daameŋ, aduŋ a be Yaawe Batudulaa Buŋo* loo la le.

Luka 2:7

A ye a dinkee foloo wuluu, a ye a monjomonjo faanoo kono. A ye a landi bomboloo kono, kaatu ì maŋ dulaa soto luntaŋ buŋo kono.

Yesaya 4:2

Luŋo be naa le, luŋo meŋ Yaawe* la yiri soroŋo meŋ be Banisirayila bankoo kaŋ, a be yiriwaa la le, a ye tara ñiiñaariŋ. Moolu mennu tuta jee, bankoo senefeŋolu be ke la ì ye ŋaañaaraŋo le ti, aniŋ horomoo.

Yesaya 9:6

Diŋo le wuluuta ǹ ye, Alla ye dinkewo le dii ǹ na, aduŋ maraloo be tara la ate le bulu. A be kumandi la Yaamarilaa Ñontaŋo le la, Alla Sembemaa, Badaa-badaa Faamaa, aniŋ Kayira Mansoo.

Jakariya 3:8

“ ‘Saayiŋ, i lamoyi n na, ite Piriisi kuntii Yosuwa. I niŋ piriisoolu mennu be i koto, ali ali tuloo loo. Ali mu taamanseeri bete le ti kuwo to, meŋ ka naa. M be n na dookuulaa kii la naŋ, i ka meŋ kumandi Yiribulu kutoo la.